保險問題 理性討論 回歸繼續你問我答

1.對優惠來說不大的，但兩者保費上是有差距的。自願醫保在幾個方面上是削弱了，首先是住院天數和ICU天數限制了只有180天和25天，亦沒有附送每年的身體檢查改為三年沒有索償才送一次。自願醫保就包含全數精神病治療，市場上目前只有佢做到，elite同其他公司就只有包40,000至80,000不等。其他方面大家都大同小異，但上述的差距如果是你所考量的範圍，就建議你買elite，否則的話自願醫保性價比會較高。

2.單買危疾就可以，買了中高端醫療的話不用再額外購買一個大房計劃，除非你預算有經常使用的打算，否則一個中間薦底費的中高端醫療就已經足夠使用，購買兩個醫療保險總保費會比較貴，是要看實際需要，一般人大事先入醫院嘅話真係一份就好足夠，除非真係成日用得着如果唔係冇必要特登買一份去滿足佢個薦底費。

3.如果有預算考量只能二擇其一建議買醫療，危疾後選。醫療係用來醫病用，危疾係用來支付患病期間嘅生活費開支，兩者功能不同，不能一概而論。但若果論功能性和保費而言，醫療係一個比較萬能嘅產品亦都係用少少嘅價錢換一個大嘅槓桿，用一個低廉嘅價錢買在私家醫院嘅入場券，呢個就係醫療。如果危疾你本身公司可以請好耐病假都出糧嘅，咁呢個危疾嘅功能你已經唔需要用到，但係如果你公司做唔到呢個嘅，咁你買完醫療再睇返個預算去考慮危疾都未遲嘅。

希望答案幫到你

買咗邊間公司同邊個產品？
要睇睇佢本身包咩先得喎

如果25年供款你都係比25萬出去啫，但係中招或者離開咗有80萬，同埋未計佢紅利滾存，如果你已經供咗一半年期，我建議你繼續keep落去會比較好，因為你total保費都係比咁多，萬一中咗嘅話個賠償都夠幫你應付下生活費，你呢個應該係單次？

同埋如果你本身有醫療記錄或者驗身報告已經開始有問題，就建議你唔好隨便亂郁保險，因為一來隨時有機會買唔翻，二來就算買得返都有機會有不保事項，咁就好頭痕㗎喇

其他同埋之前剩低嗰啲，我今個星期基本上忙完啦，可以真係正正經經覆下大家問題，等我休息一下就回答返大家

爬曬30頁,
諗緊李嘉誠50+35萬果個定c字頭自付費25k
因為巴打講到一個點係自付費唔會因通漲而增加(?)
如我無理解錯,姐係15/20年後自付費都係25k,
十幾年後25k好輕鬆

唔係呀 你理解錯咗

自負費係固定嘅，例如你今日揀咗25,000就係25,000，要去到退休年紀先可以行駛一次權利去轉換薦底費。但我講點解輕鬆咗係講選擇一個中間嘅墊底費一份過，同買咗一份高墊底費再加多個普通醫療去比呢個薦底費(in case冇公司醫療咁計)，長遠如果你唔係每隔一兩年就用嘅話，一定係一份過中高端嘅價錢來得平。同埋我都深信如果唔係特別有原因嘅，冇乜人會好鍾意去醫院，會做吓手術瞓吓醫院咁樣冇乜人特別想既。

咁我呢個做法就係為呢一班人諗嘅，但係如果真係有呢個需要嘅，咁就梗係分開兩份買會好啲，可以平時都去做吓小手術唔需要考慮薦底費呢個問題

咁我所以講嘅輕鬆咗係講緊係你比一份中間薦底費嘅中高端佢嘅保費，係平過你長遠買一份高薦底嘅中高端再加多個普通醫療咁去計。因為你唔好唔記得你同時間係供緊兩份保險，兩個都係會隨着年紀調整保費，貴咗嘅地方都係有段距離嘅，咁值得與否就參考我第2段就會知邊隻啱自己

自願醫保大家保既野一樣
b_w咁平算唔算最抵買

感謝

想問下大肚 可以買咩保險？ 想包晒檢查 開刀既支出

做運動整傷左膊頭 睇左10次跌打都未好返
有無邊間嘅保險有得claim足MRI同物理治療
買開宏利 但佢個意外保好似無得claim MRI，物理治療一年得$2000可以claim