保險問題 理性討論 回歸繼續你問我答

對AA 理性討論得一句說話
屌你老母

祝樓主搵到食 加油
呢行太多仆街做完單走左去

Btw 168 幾錢？我之前比較過內容 最後買左chubb 100萬保額 連意外 住院現金 $1680 一個月
（其實係貪佢美資果陣 同埋內容都ok就課左金）

爸打你好
想買份醫保
30 女 非吸煙者 無公司醫保
夠保前期就得，大病去返政府醫院睇
fwd定cigna好？

有睇你上一個post但好confuse唔識揀
謝謝你

我覺得匯安心唔差喎，claim過兩次都無咩問題，又有得claim門診照mri。係無agent跟要自己搞麻煩少少。呢個plan最正係包已存在疾病，如果你本身醫療紀錄花過嘅都值得keep，無病無痛就可以有更好嘅選擇，30萬保額確實唔多夠。

你真係未見識過呢間公司嘅險惡

我想放例子上嚟但係嗰個唔想公開，有個做大笨象啱啱搵我嘅都好了解呢間公司嘅問題，真係如冇必要唔好掂佢

同埋市場上面其他公司個價錢真係比呢間平嘅，保額都會高過佢。現存疾病係得佢呢間公司做到，但通常我會當係最後求生門，好多公司買唔到嘅時候，又真係好需要買先會用呢間

如果fwd易衛您同Cigna 自願醫保（附加保障）比較，Cigna就有逐項賠償上限，姐係手術費、每日住院、麻醉師、手術室費用會有claim上限，同埋每年都有claim嘅上限。fwd就全張單唔過500,000/650,000限額都有得claim足無逐項收費上限同埋每年無claim嘅上限，但fwd會比較貴

Cigna都有個可以全數claim嘅plan，每年最多可以claim30,000,000，如果大病呢個有機會賠足啲，但有15000-75000嘅墊底費，同埋會再貴過上面啲普通plan。

巴打你好
28歲女，唔煙唔酒，公司無保險。諗緊買醫療定危疾，定兩樣都買，同埋買邊間好

如果有大病嘅話普通醫療未必cover曬，但如果買高端醫療又無公司保嘅話就要自己比墊底費。危疾其實除左幫你cover醫療開支之外都可以幫你維持病完之後翻唔到工住嘅日子嘅開支，所以其實都重要，而且越早買越平。

如果自願醫保就fwd 比較好，因為全單claim無逐項賠償上限。如果危疾就可以睇下fwd,ftlife,aia

話說巴打你都係broker ？

你個回答都幾好喎

我係公司agent，但如果要做得好都係要熟唔同公司嘅products，咁先會比客知有咩分別同咩plan對佢係最好

欣賞你

等我一陣間同人傾完 睇吓其他問題點答同埋你有冇講錯先

巴打你好 ，28歲男，唔煙唔酒，公司有醫療保險，可以加TOP UP好平保費，不過claim每年限額得十五萬,諗緊買醫療,而家係咪最好係公司醫療+一份高端醫療咁買，睇岩AIA尊顯,想問下呢個組合好定有其他選擇更好？謝謝

點睇AIG?

A記新出隻多元貨幣，5年

一般意外保都冇等候期，
但你係買之前已有嘅傷患就唔會受保。
另外啦，就算你當新傷患去報，
都要小心因為醫生其實可以睇到你係新傷定舊傷（某啲傷）

今時今日通常都買全保（人壽+醫療+危疾+意外）
最好搵個相熟又信得過嘅朋友買

咁醫療嘅話，我係咪應該一份普通+一份中高端，定係中高端+墊底
同埋如果有friend做fwd,而且都應該會長做落去同算有經驗，係咪應該揀fwd,因為有好agent跟係重要d?

想請問如果無認識既agent係咪打上去問
佢就會搵agent幫你跟
定係會要你自己買自己跟？

sorry好多野唔明
但先生岩岩有急病先發現保險好緊要

咪玩啦
4樣野完全for 唔同purpose
你水鳩人一次過買哂4樣

同purpose 嘅野做乜要買重覆，
就係唔同先叫佢買齊，唔使煩邊樣要買邊樣唔洗

你係問邊一間？

上面嗰個唔係我黎嘅，不過佢都大概講咗個內容，我做少少補充就得

如果係你呢個情況呢，你本身有冇公司醫療？如果咩都冇又想經濟實惠少少，大病返去公立，李澤楷嗰隻做到全包嘅會比較適合你，因為你唔需要左計右計，但係如果你係想話買性價比嘅，淨係做醫療嗰間美國就會啱你啲，價錢都會平啲

你打電話上去買，如果係有agent嘅公司佢就會隨機安排一個顧問俾你，當然啦你都可以自己跟嘅。
如果係本身冇agent嗰幾間公司，佢都會有收薪顧問可以俾你打電話上去問問題嘅，都係可以自己跟進都得嘅。

Agent嘅問題呢你可以參考我隔離個post有講，如果係遇到唔好嘅，佢同CS係互相射波令到你都唔知點算，如果身邊有朋友做開嘅你可以搵佢，再唔係上網尋找有緣人都得嘅

師兄呢個我唔爭你喎

人哋問你兩樣嘢你叫佢買撚晒全餐做乜鳩

人壽有供樓壓力家庭壓力先好買，唔係買來冇必要。其次意外如果本身做開文職又唔會做運動，買來都多舊魚

如果你想擺脫agent形象差嘅問題，要公開持平少少先得嘅

出晒公司名會中商業宣傳㗎

你估我唔想公開咁講咩，我上一個post係直接出埋premium table單俾人公開睇，世途險惡啊

真係要小心啲