保險問題 理性討論 回歸繼續你問我答

咩意思
上面有你contact?
呢到唔開得名架咩

想問下紅色即係邊個間
另外想問埋
如果大額醫保買邊間好
懷疑有免疫系統病但未驗過血，係咪買完先驗好d?
thx

其實係咪間間自願醫保都差唔多？
依家都係諗bupa vs cigna vs fwd

Bupa好似可以加錢去門診
諗緊買俾兩老 買啲貴少少好似好啲

係 我都見到有優惠

不過fwd有成五個今晚研究下先

巴打有冇得分享下點解fwd>其他兩間

感謝巴打

1.醫療30萬好老實一定唔夠用，佢本身有冇加smm(額外醫療保障)？如果冇嘅話就算小病小痛都有機會爆額，自己貼得都比較多。

冇錯去到當地買會平香港三至四倍，但前提係你去到當地嘅時候身體仲係一樣健康或者驗身報告冇出現任何問題。我就會建議你買咗一份香港用到嘅起碼你未去加拿大嘅期間都可以喺香港用住先，跟住去到加拿大如果當真係唔好彩有上述嘅情況，會出現不保事項等等。咁起碼都有一份全包嘅可以俾你返返嚟香港醫病，唔會話冇咗個保障咁樣，算係比自己嘅一個安全網。

2.你英國應該就係人壽做主單嘅，醫療係rider。咁你可以cut咗醫療，留返份人壽，但係如果你係想調返轉就做唔到啦。 你份人壽係儲蓄人壽定係終身人壽？呢個就會係睇過人壽成份重定係儲蓄成份比較重嘅分別，不過兩隻都係建議供完就不如等佢滾存，又唔係等佢開飯，等佢滾下滾下好過。

你有公司醫療係更加應該買中高端，因為公司醫療可以幫你食咗個薦底費，換來嘅係一個有咩事大病都可以全包嘅效果，真真正正轉移風險。就算冇公司醫療都好，我都係會建議任何人都係買一份中高端看門口，因為小病小痛自己負擔到，但係大病係最負擔唔到嘅，點解唔係保險公司承擔咗佢就算，反而小病小痛自己解決就算。

3.呢個就考慮個現金價值嘅問題，要考慮兩個問題。第一個，供咗兩年大概幾多錢，轉咗個新嘅計劃25年嘅供款平出嚟嘅部份有冇等於呢個AIA兩年嘅供款？如果有值得考慮去做，因為慳出嚟嘅錢已經幫你作出咗回答
第二個問題，兩個計劃嘅分別有冇睇過？168嘅保障內容係好過紅色，如果你係更加鍾意佢個保障內容同埋個配套系統，多過紅色本身嗰份，都係一個誘因值得轉。

如果你考慮咗呢兩個問題個答案都係正面嘅，你先考慮轉換啦，如果唔係老實講你倒2年錢落海都唔會開心啦

有諗過呢個問題

如果你有睇我post呢我係有諗過去加拿大讀Master順便拎居留權嘅，但係我暫時都係放唔低香港嘅事物，有打算會同大家講嘅，不過最大可能應該都係香港讀Master就算

至於冇人跟進呢個問題呢，如果真係搵過我嘅就會知道我嘅處理方法係點。我唔係一個人去做，我係有身邊嘅團隊同我一齊做同埋跟進，同埋搵得我嘅就會知道我對大家嘅承諾係點，基本上你有咩事搵我我都係會答你，哪怕我唔喺香港都好只要你有問題我一樣會解答，應該話就算我唔係呢一行都好，我知識一樣係度一樣可以處理到問題，咪好似朋友咁幫你處理。又或者我會搵另外一個人幫我處理，你又會搵到我同你傾住點樣去搞，呢個係我平時點對自己客人嘅。

呢一番說話基本上個個做我個客嘅都有聽過，亦都知道點解我會咁做，都係對大家嘅保障，唔會所有嘢攬晒自己上身然後有咩事就一走了之，咁太不負責任啦

煲呔

佢係每10年續保一次，你自己睇吓長遠買要幾多錢，term life我係會推薦幾間公司嘅啫，一間係大笨象(可以上網買)，一間係太x洋(最長可以鎖定40年同一保費)，一間係李澤楷(可以上網買鎖定20年)，最後就係意大利(係可以鎖定10年，不過係外資)

10年之後個保費會唔同嘅，你年紀越大保費只會越貴，呢個係定期個形式，所以就唔會係固定嘅。

同埋年紀越大理論上係用得越多錢，家庭負擔係越重，冇錯樓宇按揭還下還下就唔需要咁多，但係你相對往後都會有仔女嘅開支或者爸爸媽媽嘅生活費，呢個都會係你個人生責任。咁一開始買人壽嘅時候冇錯淨係考慮按揭金額就可以，但係我就唔會建議縮減金額，淨返落嚟嘅咪當係比小朋友或者係屋企嘅保障，哪怕突然之間發生咩事屋企都起碼夠錢供小朋友大學畢業，唔需要話屋企經濟突然崩潰呢d

我個人就會推薦太x洋嘅，你一次過買40年係平過10年10年咁買，平40%嘅，你自己可以計計，同埋如果你真係貪方便想上網買參考李澤楷同埋匯豐應該會有驚喜

有問題歡迎再問啦

首先就搞掂咗醫療先
預算許可再處理危疾，再睇有冇做運動/揸車習慣去買意外
人壽就睇吓你會唔會有家庭經濟需要，冇咗你唔得嘅，又或者有買樓嘅咪需要去買返個按揭金額
可以參考我個四大保險類別個分析你地睇，因為醫療同埋危疾其實都分開四種產品同埋兩大類別，你睇返需要去揀返就得

呢個問題我Q and A有既，如果你呢個情況最重要係醫療，然後再睇需要處理其他，其他個優先事項冇咁高

公司嗰份有冇smm ？

如果冇嘅話，15000 至25000，都係可以選擇嘅位，就算自己貼少少都唔係多

冇錯，同埋薦底費係一年比一次only，即係如果同一年你已經俾咗薦底費但係要再入醫院，第二次入院係完全唔需要再俾錢，可以直接full claim哂

所以其實薦底費呢個概念，搞得清楚就可以

無限有 無限次 癌症中風心臟病賠償
168得total五次

同埋佢本身係冇保證現金價值 主要係靠非保證部份滾存 變咗係要睇佢保障內容為主 鍾意保障嘅就會係揀佢

168就會係有市場最高嘅保證成份 例如20年供款就保證20年回本 25年就保證25年回本 如果計埋非保證回報大概2%一年

變咗係如果好留意現金價值嘅就會鍾意佢多啲 覺得有少少保障 如果退保唔要嘅話都唔會輸錢

但係如果你話保障內容最好嘅一定係無限會好啲嘅，性價比上面就會選擇168

睇自己需要去選擇就可以，因為有人係覺得保障最重要唔會睇退保價值就會選擇無限，但係如果好睇重保證現金價值係幾多，想供完之後如果市場上面有更好嘅可以轉換，就選擇168

放心 上水了

梗係轉鬼咗佢啦，不過醫療買普通真係冇咩用，經濟能力許可嘅真係買一份中高端唔會後悔囉，同埋係英國真係出名貴，但個質素只係中規中矩

如果你真係淨係想考慮靈活同埋有smm，同埋你講得出有公司醫療應該就唔係公務員啦

我就會建議李澤楷多啲嘅，因為佢真係有你想要嘅癌症保障，會有額外35萬，同埋做到全數賠償，50萬內病症全包，應該係你想要嘅

至於如果三間公司要我比較呢，我自己就會建議c字頭係成個流程最好，同埋個內容上面唔算差嘅，但主要係個賠償速度甚至服務體驗上面會比較好嘅。至於煲呔呢，我自己就冇見識過佢嘅賠償啦，但係如果論產品內容去講呢，其實就係同佢母公司加拿大嘅其實一樣咁滯，但係價錢係平d嘅，如果你係唔想有人跟進亦都鍾意網上買嘅呢個都係吸引既。至於英國B字頭，我就唔係好推薦嘅，主要就唔係個產品內容同埋個價錢上，佢價錢好吸引嘅同埋個保障內容唔差，但最主要就係佢個服務上面係比較差嘅，冇人聽電話呢個問題係真係搵唔到方法克服，真係出事死人冧樓嘅時候好心急係打唔通電話係佢好煩嘅事

如果有問題再問啦

即係佢每次患病嘅賠償係100萬

你選擇佢個計劃100 200同300 ，係選擇佢個終身限額，即係如果三年之後仲未醫番好又或者有新症出現，就會再作100萬賠償，直到玩完你所選擇嘅終身限額

佢就係呢個意思嘅

點解要買供得斷嘅意外保，好唔值得㗎，其實係應該買消費形式嘅就足夠，個配置上唔係太好

人壽係呀，同埋我上面有回答一個巴打點樣選擇嘅，佢都係問定期人壽，你可以參考佢我點樣評價嗰幾間公司，我自己個人就推薦咖啡嘅，真係好抵玩，你買40年真係慳返正常買10年人壽去到同一年紀嘅價錢40%以上，係好值得嘅

你可以選擇broker架嘛，咁咪可以一個人處理晒唔同公司。佢冇得睇未來保費嘅，你最多係用+10年嘅歲數去睇而家買35係幾多錢，再加10年去睇買45係幾多錢，如此類推大概去估算個價錢。基本上買人壽嘅價錢每年都係成個pool調整上升，所以一定係坐底會超過而家計算嘅呢條數，所以參考左條數就會知道點解我會咁推薦。

公務員？係呀，真係買呢個唔會後悔，記得係中高端版本喎，小朋友跟你買有四折，呢個就可以㗎啦

跟住再睇返你需要配搭埋危疾其實已經好足夠，意外其實就睇返其實本身有冇做開運動或者點再考慮啦但係真係唔需要供斷，好冇意思。
反而你小朋友買多份意外係會啱啲嘅，因為小朋友多跑動容易整親，好容易用得着嘅，跟住萬一大件事小小嘅再用醫療，咁基本上對於小朋友個保障就好足夠啦。你自己嘅話就整多份危疾處理埋如果萬一唔好彩有大病嘅生活費，咁基本上就已經轉移晒保障上面嘅風險，同埋有咩事都好唔會有債務或者負擔俾屋企，係個好完整嘅規劃。

三年生活費喎，再加埋少少大病期間嘅屋企用既開支，正常香港搵2-3萬到，咪會夠用三年

因為如果你預算得太少，就好快唔夠負擔你原本嘅生活質素，要好快返工應付返平時嘅日常開支，冇得休息得耐啲又或者係正式醫得返好先，咁就會比較辛苦

所以通常呢個額就會夠用嘅，除非本身收入真係偏高家庭開支好重，咁就個額要相對調高嘅，但係如果正常香港一般人去睇呢個額就足夠應付

B字頭，係冇天數限制，但係相對佢限制咗一定要用佢網絡醫生，冇得自由選擇你嘅相熟醫生或者想用嘅好醫生，算係佢唔好嘅地方，同埋佢CS上面比較差嘅，如果賠償上面出現問題你想傾呢個情況係傾唔到嘅，比較麻煩少少。

C字頭嘅自願醫保中高端，係有180天住院同埋25日ICU限制，但係就冇限制網絡醫生可以自由選擇。

180日係個咩概念呢，簡單講通常就唔會住到咁耐嘅，除非係大病要keep住醫院觀察情況，又或者係行動好不便等等，先會有住院好長時間呢樣野。同埋ICU基本上係要死人冧樓級數先會入去，正常就算當係癌症都好，咪都係住普通房都唔會係入icu。同埋如果用返癌症做例子，做完手術觀察又或者處理療程，都唔係連續住醫院㗎嘛，係有需要先會過去，咁變咗都唔會成日用到呢樣嘢。爭在如果個情況係昏迷不醒或者行動好唔方便，長期需要監察情況，先需要長期住院嘅，所以我覺得係夠用嘅。

但當然啦，都可以期待下醫護人員幫手解答嘅，呢排我做咗咁多醫護，有時間上水就幫我手解答下啦

唔會

但係診所嘅紀錄係會睇到嘅，同埋正常情況就算交換都好都唔會影響到你。因為例如當你同一時間買咗兩間公司嘅保險好耐，你索償左一間，咁另外一間都唔會因為你索償過嘅紀錄出現不保事項或者其他㗎嘛。

但係如果你係索償左一間之後，想買多份另外一間公司嘅保險，咁你嘅保險申請書上面已經係要申報你過去有冇任何醫療行為或者驗身報告出現問題等等，呢一刻已經要申報咗啦，同埋冇得唔認嘅，客人係要用最高誠信去填寫，當你買嘅時候過到骨，但係當索償嘅時候佢查返醫院記錄知道你曾經做過手術，咁已經冇得避la

所以我話唔會影響到你就係咁解