保險問題 理性討論 回歸繼續你問我答

我頭先回覆咗啦

性價比都好高㗎，保費都平，爭在係中資背景個信心問題就睇你點樣決定

C字頭你可以搵broker買㗎嘛，咪一樣有人可以跟，有咩需要擔心

大陸人壽既計劃agent同broker都有得做嘅咪又係一樣咁跟

小病小痛你呢個做法係足夠應付嘅，大病返公立嘅話，你呢個係性價比最高嘅做法

但係如果你想大病都係係私家嘅話，呢個就唔會夠㗎啦，最多係做到前期嘅一部份治療後面都係要返番公立，變咗到喉唔到肺，但係如果一開始已經清晰自己嘅目標係點嘅，你呢個做法都係好抵玩㗎

哈哈巴打我買咗啦
上兩星期你得閑mon po我就搭人哋問題問你

掂ar

抵玩好多啊 公務員呢個身份真係要利用嘅

出面街客都係冇優惠，難得公務員有就梗係用盡佢啦，佢呢間係我好鍾意嘅公司黎，真係除咗平時比較貴真係冇乜缺點，我相信你自己跟進都冇乜問題嘅

如果真係有問題有疑問嘅，你到時見到我嘅post上嚟講幾句啦，又或者你自己搵到方法搵到我嘅我都會答你嘅

本身我擔心點在於要自己跟返
後尾上去睇吓佢講點claim
發現都係交齊文件就得
所以先買咗
不過我驚touchwood到時真係病到七彩
咁真係唔知點claim

衰啲講句真係好簡單

如果你呢一間公司都搞唔掂真係唔好諗住掂其他可以上網買嘅保險公司，係只會更加複雜，佢呢個最user friendly 架la個介面，同埋全電子收返claim 好快㗎

都係影相同埋跟返佢格仔填番資料就得好簡單嘅

當初都係見到巴打你咁講我先買
我仲見你有分析埋佢自願醫保同普通高端個分別
考慮到我應該都唔會咁唔好彩瞓180天
同埋住院現金呢part令到保費平咗
最後就買咗自願醫保

薦底費水平點先叫適唔適合自己？

住院現金令到保費平咗係咩意思

你意思係幫補吓呢

自願醫保冇住院現金

即係如果你有公司醫療可以幫你負擔墊底費嘅，你份公司醫療最多係可以應付到幾多墊底，睇個情況去選擇，普遍包得足嘅係可以選擇到50,000至75,000

但係如果冇公司醫療咁計算，就要選擇平時15,000定係25,000嘅適合自己，因為墊底費越低價錢就越貴，自付金額低咗。睇你自己嘅經濟接受程度如何，如果接受程度高嘅就當然選擇低嘅就比較好，比較靈活啲入醫院嘅時候唔需要話考慮住院費用太低扣除墊底費之後用唔得幾多，但相對保費就會貴過上一級嘅墊底費。

所以如果冇公司醫療咁計算就係睇自己平時經濟接受程度如何，覺得個保費接唔接受到去選擇，如果有公司醫療就係睇份公司醫療去揀

哦 你意思係佢閹割左呢部份令到平咗呢

但我反而覺得應該係佢住院日數嗰度限制咗 先縮到皮

住院現金嗰度反而小恩小惠，唔係一個考量地方，有得送就用下，冇得送都冇必要特登買住院現金

所以我最後買咗自願醫保
反正我估冇乜事都唔會一年瞓醫院180日

睇你自己覺得有冇需要架喳

感覺呢樣嘢好睇個人嘅 通常醫護人員就會買返普通嗰隻 佢地好睇重個住院日子 反而一般人就冇咁計較 咪可以一個平嘅保費去處理

入camp好無玩

我會建議買中高端醫療，你2個本身有冇公司醫療？有就可以因應公司醫保個質素選高墊底費，如果冇就選中間既墊底就可以

因為小病小病你自己應付到，或者金額上都不大吃力，甚至開口問人借都借到，但大病醫療費幾十至百幾二百以上，相信你都唔會輕易比到，同好難開口借到呢條數，咁就正正適合用呢方面醫療去轉介個費用走，達至用平既價錢用私家醫院既服務。

至於公司上，我推薦個2間係李澤楷同埋美國c字頭，2間都係市場上面做得比較出色同性價比高，你可以留意下。如果鐘意大公司就睇紅a，4大保險公司入面最平既。

有問題可以繼續問

C字頭應該係全香港最鬆手，同埋容易跟進，如果你自己係公務員嘅幫屋企人買會有終身八五折，如果你係街客嘅你可以選擇自己上網買或者搵broker買都得，價錢都係一樣嘅

另外嗰兩間呢，最貴就係英國啦，綠色就緊隨其後，英國就相對鬆手啲嘅，綠色而家比較嚴格，會就住好多索償上面嘅野作出追問，同埋好鍾意踢人去做日間手術，冇得瞓醫院做，相對感覺差啲嘅

至於claim 唔claim得足，就係睇你買咩計劃嘅。如果你係買中高端計劃即係有薦底費然後全包嘅保險，咁就係扣除薦底費嘅費用後全部都索償到嘅。自己如果係買普通醫療即係會有醫療分行上限嘅，咁就需要睇住個限額去作個賠償，例如住房費每日幾多醫生費費用幾多等等，通常就會係會爆咗出嚟嘅，咁呢個時候就需要用SMM去作爆出嚟費用嘅8成會由保險公司負擔，咁自己只需要比返原本保險費用包唔到嘅費用多出嚟嘅兩成就可以，自己比嘅費用就唔會好多嘅。

但係我自己就會推薦你買中高端，原因我上一個回覆就有講嘅，你可以參考吓，有問題歡迎繼續問啦

門診保險係冇必要買嘅，保費兩千幾接近三千一年，你落去樓下睇傷風感冒都係3 400 1次，如果你平均一年會睇超過11次醫生嘅，咁先叫做回到本，我就寧願你慳返錢，有需要先去睇會比較好

至於如果你呢個情況呢，我建議你買一份中高端然後選擇一個中間薦底費嘅就可以走天涯，因為呢個就可以轉介晒你萬一遇上左嚴重疾病嘅時候嘅醫藥費，例如癌症一個鏢靶療程140萬，放低個薦底費之後就可以作出全數賠償，咁呢個就會幾適合你嘅。同埋小病小痛都可以睇個情況去用，選擇中間薦底費就係例如手術費幾萬至10萬蚊，你放低完薦底費之後都唔會特別肉痛，而需要去諗用唔用份醫療保險入私家醫院睇好，咁就比較適合你呢個情況嘅

至於門診真係冇乜必要買，薦底費就睇返你個需要去選擇就可以，15000 25000都適合冇醫療保險嘅一般人去買嘅，因為我一直都係叫有公司醫保嘅盡量買50,000至25,000，退休之後都係維持返15,000至25,000呢個水平就可以用到老，有咩事都可以用到私家醫院嘅治療服務。當係用一個平嘅價錢去買一個入場券呢個想法就可以，咁樣你就唔會特別肉痛，同埋消費形式萬一如果你買咗幾年之後都係冇病冇痛二市場上咪又係出咗新嘅計劃，你又可以作一個轉換完全唔需要有後顧之憂，都係一個好處嚟嘅

咁你要留意幾個地方，我個post有講過嘅，你可以自己爬下

簡單講就係個住院天數同埋ICU日子限制，精神科治療，送嘅身體檢查有咩條件，同埋佢癌症治療方案係全香港最多

你望返就冇錯㗎啦，你可以同李澤楷比較下，呢兩隻我都係叮噹馬頭咁樣賣，今日我先做咗三隻李澤楷