保險問題 理性討論 回歸繼續你問我答

我最近買左cigna份 VHIS優越 因為見佢10life10分 同都好多人推介 30歲一年7千蚊 冇薦底費 同本身係醫管局做 有終身85折 我覺得個term都吸引

Ching係咪覺得呢份買左都夠唔洗稔轉第份了 同埋FWD 同級別既比較邊個好d? 我身邊都有同事問洗唔洗咁早買定份咁貴既

同埋我淨係得呢份 如果加定期危疾夠唔夠呢？ 之後會考慮買人壽

買自願醫保貴既靈活計劃 係咪 取代唔到中高端醫保？

公務員未買過保險，想有全面保障又想扣稅

其實中高端都會有啲係納入自願醫保plan，最緊要睇翻你想有幾多保額同埋墊底費。如果你話想全面保障就會建議買中高端，因為保得夠足。

自願靈活多數都有逐項賠償上限，有1,2間靈活都可以全數賠償。F字頭一單case最多50萬，無年度賠償次數上限，會比普通靈活貴。仲有間ax字頭就每年最多賠500萬，但就會再比f字頭貴。

公務員建議買C字頭，會有終身八五折，彌補左保費貴呢個缺點，計劃內容就係市場最頂尖

詳情可以睇返我呢個post有講，一樣都係會有自願醫保可以作選擇，唔需要話要標準或者靈活計劃先可以做到扣稅，中高端 普通都一樣有自願醫保

唔影響嘅

醫療保險，如果係標準計劃係全球通用，靈活計劃就普遍係亞洲區，如果普通醫療你買到包你想移民嗰個地方都可以繼續用。爭在如果你係移民去加拿大或者美國，保險去當地買會平四倍冇必要香港買。

危疾嘅話一樣可以處理，只要當地醫生俾返張診斷確認，大陸就大醫院先得，寄返香港之後如果仲有香港戶口就會入落去，又或者出支票俾agent/broker再寄返俾你，一樣可以處理到

人壽同危疾同理，都係寄返香港就OK

爭在意外就要睇保單有冇限制地方，如果有嘅話就變咗當地會用唔到，就可能考慮要cut先得。如果冇限制就可以繼續用

希望答到你

建議你買加拿大嗰間 黃色嘅

佢自願醫保靈活計劃係全香港最平，應該都符合你要求，你可以睇睇，小病小痛足夠使用，爭在大病就應該未必夠，最多可以做到檢查之後轉介返去公立醫

爭在如果你想大病都可以全私家同用到新治療方法，就可以考慮李澤楷嘅中高端醫療，佢吸煙同非吸煙人士保費同價，適合你情況。爭在有薦底費呢個考慮，但係如果係大病面前放低少少，就可以做到全私家嘅效果，都算係值得

呢兩隻邊個比較適合自己就需要你自己考慮，我個人就會建議下面，如果你有問題可以再講

因為佢係可以用醫療咭做出院免找數

佢係順利嘅話還好，有問題嘅時候你想搵個電話傾吓個情況都傾唔到，比較濕滯既

佢呢個梗係可以啦，佢計劃包架嘛。其他公司嘅出院免找數就需要做pre approval 同保險公司講咗先，咁佢就會俾個免找數金額你去用，咁都係唔需要自己比。但係如果係緊急情況入院，就需要你俾咗先，然後問保險公司claim返

老實講真係唔建議你個人醫保買佢，自己跟進或者有人跟進出事嘅話真係好麻煩

C字頭有八五折呀嘛

B字頭對公務員我都唔知佢有冇特別折扣，我淨係知佢有出公務員plan，但你都係需要自己跟進

同樣嘅嘢點解我唔揀C字頭，雖然貴啲但係質素都係返到，同樣自己跟進就梗係令自己舒服少少嘅

你係做過咩手術先？

如果激光矯視，smile 我試過係冇問題嘅

但係如果你係講緊特別啲嘅手術，真係要講講個情況，我研究吓先得

知識多咗既

但係都仲有好多地方要學，係呢行上面未算有心，要放多啲時間先得

如果你想要高保證實現率keep住高

大陸人壽隻儲蓄你可以睇睇嘅，出名全行最高，亦都係最快回本，保證成份極高，呢個你可以睇吓，一個出名嘅保險比較網有介紹佢

又或者如果想放耐少少，新世界嗰隻享富你可以睇下，無論你係諗住一筆過做lumpsum，又或者分幾年做供款，佢嘅回報都係咁多隻儲蓄保入面名列前茅，屬於短年期計劃又可以滾存落去，建議你睇埋呢隻

至於其他公司嘅計劃好壞，你真係可以上一個出名嗰個保險比較網比較下，計劃好壞一目了然，又或者有疑問可以繼續講

係呀你可以打佢電話

佢係隨機分配俾你，當然你都可以要求佢搵個年資比較長或者高級嘅，但係呢個就你要求還要求，最後出嚟佢比咩你真係好隨機

講命水既，如果真係身邊人冇做，真係唯有希望係遇到個好嘅。又或者如果真係驚嘅咪試吓網上尋找下有緣人，保險比較網站嘅顧問又好，你知道咗d保險詳情再去打電話或者上網，你俾人呃買差嘅計劃嘅機會都少咗好多，做多啲功課啦

唔係呀

只不過介紹嘅醫生多數係會熟悉保險嘅填寫，唔會話寫醫生紙寫到睇唔明，令到個賠償程序smooth d。咁就唔需要怕例如佢填錯文件需要搵多佢幾次，咪搞到個賠償時間耐咗，少咗呢個麻煩。

二來佢都會知道應該做咩，例如老人家咪好鍾意睇病亂講說話，通常會突然之間聽唔到，都好體諒人既

前者係 後者係亞洲區

自願醫保嘅標準計劃全部公司都係全球通用，爭在靈活計劃就視乎公司會睇地區，如c字頭同李澤楷就會係亞洲區

至於你上面嘅問題，移民之後保費會否增加就睇你移民嗰個地區當地嘅疾病率死亡率數據如何，如果用大陸做例子就係會+10%，其他地方就真係要睇返先知。

至於如果移民去澳洲同埋紐西蘭呢，專尚計劃就係賠償額嘅60%，即係例如你claim 10萬嘅單，只係可以賠償到6萬，而唔係賠償上限3000×0.6，呢個要注意。

如果c字頭自願靈活優越移民去澳洲同紐西蘭，就會係按照自願標準計劃去賠償，就係會有分行上限個隻，佢就係會叫你調整返去自願醫保計劃，唔需要你俾貴嗰隻但係得平嘅內容，係會叫你俾返平嘅保費買平嘅內容就算。

希望解答到你

都OK ar

睇每個人目標係想做咩，又或者想要個咩收入，因為呢行係冇底薪全靠傭金，相對收入可以冇上限，咪會自己比壓力自己，又或者會比老細卒數，都係壓力來源嘅

但係相對自由嘅係可以自己選擇返工時間同地點，可以自己有選擇權做咩生意，專攻一樣又得，咩都做都得，靈活多變嘅。都要keep住學嘢，要貼住市場資訊。

同埋保險就會比較多團體活動，比較好玩啲，又唔會有辦公室政治壓力，變咗係大家向着一個目標前進，而唔係我做鳩你時，你又做鳩我，方向一致。

但係我就覺得如果唔係特別對呢行感興趣就千祈唔好做，都係比較辛苦，唔會輕鬆得過出去打工。你想搵得返出面嘅人工就係要付出返對等嘅努力，都要付出先有回報嘅。

係呀

YouTuber 同埋教人做保險，佢幾叻㗎把口好犀利，真係會mo到人好有動力，呢個係佢能力，不得不承認佢好勁

你呢個都算好考慮

但係我就會建議公務員你可以考慮C字頭，因為佢會有終身85折，你長買會平好多，個內容會好過你想買嗰隻，但同樣都係唔足夠應付大病

二來如果你想買中高端計劃，做到大病放低少少就全包嘅效果，面對癌症呢啲比較燒錢嘅病都唔驚，就要需要買呢隻先得，建議你買呢個。

你公務員打電話上去買就有呢個優惠，建議你了解吓，唔好怕煩，因為保險係長遠嘅，搵個適合自己保障又啱嘅會係最好。

另外如果你最後都係諗住買煲呔，我就會建議你買多個戰癌，呢個起碼可以幫你對沖左如果你買咗呢個高級計劃之後有癌症嘅情況，起碼佢可以幫你應付到癌症嘅治療開支，叫做唔會措手不及，希望你會睇到，唔好慳呢個錢

呢隻真係好少見

唔係你整出嚟我都唔知有呢隻，學到野

頭兩年就會係，呢個係不成文規矩

會係比較check得多，但係如果你本身都係冇病歷冇任何問題，佢都係唔會check到野，只不過你預咗賠償係會收到只不過係會搞得耐咗

但都好合理嘅，你買咗冇幾耐就開始有索償，佢都會懷疑你係咪一早知自己有問題先開始買，咪會開始檢查你好多野，睇吓你係咪有隱瞞或者點，如果冇事正正常常嘅都係一樣會搞得掂

爭在如果你真係本身有病歷漏咗或者本身有過病歷嘅，有過病歷嘅就叫咗佢會係咁追問睇吓會唔會係有關係，如果漏咗嘅佢就會有機會捉住呢一點話你唔誠實或者點，希望拒絕你個賠償或者係唔俾你繼續買。所以買之前盡可能按照佢要求全部申報最好嘅，爭在傷風感冒咳就唔需要啦，但係入院檢查或者身體報告有做過嘅就交上去，咁係保障自己

我成日用啊，我個顧問戶口都幾高分

Broker會成日用啊，通常我哋直接就係睇邊幾隻高分嘅，咪研究吓佢點解會高分同埋價錢係點適合咩人，省卻左做功課嘅時間，同埋個客人都可以睇到個比較點解佢個範圍係做得好

Agent好多嘅認識都只係局限自己公司產品，咪會好少去了解其他公司嘅產品，都應該要知己知彼既，知道有咩係優勢有咩係劣勢，咁樣去介紹返俾人咪會最好

我有朋友買咗AX_醫療
腎石入院一個星期批咗筆錢我覺得差唔多喎
我就覺得好似間間差唔多咁

我自己就買咗第二間醫保

我真係唔係一個勤力嘅人

如果用公司嘅說話去講，可以算得上係冇心去經營，只不過自己搵樣嘢比自己做寄托，令自己感覺良好，亦都好好運先得到大家支持同信任，好似得到其他人尊重好犀利。

真實嘅我冇大家諗到咁好，我唔係一個全能嘅人，唔係咩保險咩投資咩另類項目都會識，係仲有好多地方都要學，如何稱得上專業？如果我真係有心嘅，係應該平時就周圍睇資訊，好好學習另類產品例如trust呢d，雖然平時唔會用到，但係如果有人要用嘅時候我唔識就係我做得唔好。

所以見到大家對我咁吹捧，我真係心中有愧。可能正正因為我唔係一個勤力嘅人，先會令自己一直浮浮沉沉，開呢個post其中一個原因係我希望可以不斷見真實問題不斷學。

我應該要放多啲時間去經營自己呢個名，如果唔係darkmoney呢個目標我一世都唔會做到，我唔係想做個有數嘅人，我係想做個有心嘅人，而家都唔係一個工作應有嘅態度，係我嘅大缺點