保險問題理性討論回歸繼續你問我答

數到三

1001 回覆

149 Like 11 Dislike

數到三 2021-07-31 21:59:12

都唔會呀，佢有晒guide係上面，就好似大學交功課咁樣抌張單上去填幾句嘢，就搞掂㗎啦

介面上面算係user friendly既，爭在如果呢間都搞唔掂就真係唔好諗其他上網買嘅保險公司，佢個介面算係最容易用

當然啦，住院係幫你轉介晒所有醫療費用，危疾係幫你應付患病期間返唔到工嘅生活費開支。醫療費用可以去到好大，同埋醫藥費冇得拖或者因為窮可以比少啲，呢個未必係一般人可以應付到，當然需要優先處理。但係生活費都叫做自己控制到嘅範圍，可以用多可以用少啲，甚至可以開口問人借住錢生活或者食住屋企先，個優先程度冇咁緊要，但係都建議處理完醫療有預算就要處理危疾嘅。

數到三 2021-07-31 22:00:22

宜家得加強版買咋

成個嘢優化左，爭在係貴咗少少咋，包嘅嘢多咗嘅，我之前有個客就係買咗原版之後一個禮拜都冇就出咗新，我都快快手幫佢退咗張舊單重新買過個新，真係吸引好多嘅

我要改變世界 2021-07-31 22:00:57

數到三 2021-07-31 22:04:19

佢呢隻比較特別嘅

佢呢個係要broker先可以買到，或者上網同佢講買，因為佢呢個係屬於佢嘅一般保險公司出既，唔係傳統嘅life單

咁佢呢個計劃特別嘅地方係做到選擇住大房，又可以做到中高端嘅全包，對於對住房冇咩要求嘅給適合，又可以壓縮左個保費。呢個係佢之前個自願醫保出之前，係好受歡迎嘅一個產品，我試過係有個佢agent特登搵我就係買呢個，因為佢自己做唔到要搵人喺出面買先買到

依家嘅話就梗係寧願比多少少買佢個自願醫保中高端版本，包又包得多啲，又有折扣，可以做到扣下稅，同埋寫到明包未知現存疾病，吸引好多嘅

我要改變世界 2021-07-31 22:11:03

但李澤楷始終係李澤楷

性價比高但就犧牲左牌子

退一步講李澤楷平或多或少係想搶佔市場份額

所以我成日都覺得無free lunch

數到三 2021-07-31 22:19:52

咁不如問一個問題點解要迷信名牌？

其實香港開得嘅保險公司，大家都係咁高咁大，實力唔會爭好遠，背後亦都有政府嘅保險公司條例規管住，亦都限制咗保險公司要有一定嘅賠付比率喺後面去支撐個賠償

變咗四大公司係咪就係代表最有名氣最有實力我可以同你講唔係，如果咁樣講藍色應該係天下無敵既，市值最高亦都有最出名嘅投資團隊喺後面。但係我哋都會見到例如意大利嗰間市值都係會高過紅色，美國C字頭美國公司排二十幾，喺香港冇乜名氣係咪代表唔出名呢，呢個就唔會係相差個地方囉

買保險最重要係就住自己嘅需要同埋價錢去選擇就可以，比較完個價錢覺得適合，就係睇返公司過往賠償紀錄同埋批核嚴格與否去再作篩選，然後就睇長遠保費負擔如何，最後就係選擇佢上網購買搵佢agent定係在出面搵broker作跟進，呢個就會牽涉到後面嘅售後服務問題，所以都要小心選擇嘅

同埋雖然我咁樣講啦，但每個人個取態唔同嘅，有人鍾意性價比亦都有人真係鍾意大公司比到信心自己，咁呢個係個人取態嚟嘅冇分對錯，都可以係大公司入面揀番個適合自己嘅就可以，但相對價錢就會貴返，貴就係貴在個品牌名上面，唔係個產品保障內容或者質素上面，純粹係個品牌溢價

我要改變世界 2021-07-31 22:20:41

唔係agent

互通即係可以射保費俾對方?
咁個保額係幾多?

如果無退稅需要其實唔一定要買vhis
不過vhis有保證續保到100歲定唔知幾多歲
同埋咁大年紀先開始買唔係vhis既話未必間間受理

專係for老人家我都無乜研究唔知老人家買同後生仔買plan選擇上有無分別

我從來都唔主倡買儲蓄保一直都覺得儲蓄係曬錢
買term慳番果筆錢自己拎去投資好過

危疾係for失去工作能力既生活費
如果本身無工作就就唔需要買喇

細貓貓 2021-07-31 22:26:10