唔覆上面啲留言住,想休息下先,得閒會覆返。
簡單交代下,原來唔係氣管敏感而係氣管炎,
雖然唔係嚴重嘅病,不過食咗藥會攰,需要多啲休息。
今日社會環境又再變差,情緒因此受到波動同時精神亦都甚爲疲乏,
本來諗住休息兩日再寫文,但幾經掙扎下都係想寫少少,
我其實真係好渺小,但只願有日喺壞時代下,我嘅文字可以畀到大家少少寄託,哪怕只係一分鐘,哪怕只係嗰少少少少。
越嚟越重嘅負擔將會降臨,但負擔亦可成爲生命力嘅印證。
我哋雖然渺小,但大家都要一齊努力,堅持落去!
記住時刻冷靜思考、保持真誠、包容,
「希望」,係需要大家相信同爭取的。
「消失」,除咗證明存在嘅價值,亦係爲咗令大家記得我哋點解堅持。
我會陪大家的,加油!