[關於選鋼琴的問題]買直立(Upright)及三角(Grand)鋼琴交流及集中討論

同我一樣

我部野唔記得咩型號
但肯定舊過你

無計啦
到你越考越高就想玩鋼琴
你依家咪當問自己幾大興趣先啦
但一定練過陣多練大細聲
同定時定候落去琴房練感覺

應該ok

玩耐左
你自己會明
（除非你自學自high，聽唔出分別）

我都想要真鋼，但父母唔明，係佢哋心目中係彈到有聲嘅鋼琴就係冇分別
不過鋼琴係有錢人玩意，佢哋既年代冇得學鋼琴，所以佢哋唔明都正常

唉 去試部琴 dynamic range 夠唔夠有時都唔知係咪自己問題彈到 range 窄定係部琴真係窄，有無 ching 可以解答下仲有無其他方法試 dynamic range

我都相信kawai做琴都應該唔錯

彈大聲。好似FFF 如果你係老師你會點同學生講? e.g“邊度用力。 手指，手腕，手臂，腰背有無咩要準備。 大聲同音色鬆硬有無咩開關係。

同樣，細聲應該點做。

好，感謝巴打

sor 我講d 唔講d。

我岩岩其實係想了解你對大細聲既理解。

其實試琴會搵d曲目可以了解高中低，既表現。 所以點解新手選琴係好難。

答埋你條問題。曲目入面我有部分需要拉個tension，如果唔好既琴，你上一半就爆左個你點炸佢都唔會再上。禁已經可以同部琴88。當去release tension 會留意佢難唔難控制定跟本做唔到要求。

如果理解唔到你先去試 u系同k系 佢地正常係做到我講既要求，然後再去試其他。

我直身琴最鍾意k800. 因為我由細到大8成時間係對kawai 三角。 所以我對佢既touching,鍵重，控制都相對熟悉。我會用會佢做比對。

如果你老師係用yamaha 就用Yamaha 做比對。

感謝巴打咁仔細覆
想問巴打會彈邊 d 曲試？高中低係指聲量？拉個 tension 請問即係點，唔係好明
我對點彈大細聲都唔太了解，只係知大聲手臂都要用力，成身都要俾力唔係只係手指希望巴打講多少少好耐無跟老師學
我試過 Yamaha and Kawai都覺得 k800幾好，係音色上同 低 d 型號比好好多

好 遲啲去試吓
感謝各位巴同絲

每個樂譜都有句子，有d句子會有較重既情感。 禁你需要彈個方向俾人聽。 就會制做左一tension, 到頂後佢作曲家會用chords來令tension得到resolve.

就好似一個波浪禁。 升高既時候，鋼琴力不從心。降低既時候，佢好難控制。你可能要重彈幾次先可以搵到滿意既效果。禁個部琴係我心目中就唔適合。

大聲基本心法係放鬆。愈大聲應該更多位置放鬆。fff以上應該用盡上半身力量傳遞去手指。
如果有時朋友飲醉左。你送佢上車。你會覺得好L重。 因為佢全身都放鬆了。

但全放鬆，手指應該唔可以精準地彈到音。 禁個時你要tune 你手指同手腕。令佢有小許硬。從而可以彈到個音。sorry 我文筆唔好1，加上呢樣野係專業來。 香港有老師專教鋼琴技巧。 我好難3言2語表達哂。

細聲心法係，肌肉要收緊。但太緊速度會慢又累。 所以點樣調整又係技巧來。

其實買琴同耳仔有關係。靈敏度高既就會聽到分別。當然你需要有一定基本功先可以了解自己需求。

我自己教成年人。我會多叫佢聽下youtube.例如前期李雲迪既彈燒老婆個expression 好好。 耳仔train 好。 就自然會仔細同執著。 因為你會單音，句子都有要求。加上可以模仿到大師既聲音。對業餘來講做到我以上所講都應該好滿足。 因為技巧同基本功都係浸出來。 唯一耳仔可以最快進步。

如果你係無老師就試下以上方法。基本上多聽同一曲目，聽不同concert pianist.

再簡單講選鋼琴就唔好同自己銀包作對。 日本2大品牌既日本產琴夠業餘用了。

budget 唔夠就上網學下點樣搵2手好琴。

我岩岩講既選琴係同牌子同型號下。點樣搵自己心水琴。好似我最近換既yamaha 係同系列上彈左20部琴。 最後係3部中再搵到而家呢部。

曲目我用左moszkowski etude,Schumann papillons 同 bach partiten 6

5級應該手上有無sonatina 同sonata, 有無20 世紀音樂好似bartok小品?

可以幫你手諗下點砌

明白，感謝巴打講得咁仔細

行過幾次琴行試 U1,U3,YUS5覺得 U1同 U3好似分別唔係好大，巴打知唔知佢地分別其實大唔大

好奇想問巴打換左 Yamaha 邊部琴

平時有彈開 Mozart sonata, 近排有練過下 Chopin ballade同 etude，無彈過20世紀歌，有無邊首易上手

u1 u3 同yus5 應該係同系。 yus5 升左鎚仔同外觀有不同。 所以無分咩分別好正常。

yamaha c3。

Chopin 做試琴曲唔錯丫。

咁如果係咁如果本身彈 U1係咪 upgrade就唔好揀 U3,YUS5
巴打C3買幾錢，好正

thanks 巴打

無咩升級感。 唔好哂錢了。

除非你心目中講到部琴差d咩。 唔係未需要升級。

13萬左右。但係二手來

我係覺得部琴 dynamic range 好似唔夠大，部琴都已經好老啦，不過短期都唔會升級嘅。之前去試 Steinway想做到嘅野係果度就做到啦但係我自己部琴點彈都唔得，唔知係咪因為 Steinway 太勁？唔可以要求部部琴好似 Steinway 咁(？)

巴打覺得如果要升級買邊部好，同埋巴打部琴係幾多年歷史，13萬好似都算抵

直身琴你再上應該得 steinway 同 Bösendorfer.

三角選擇多d

我個部係2000年代產物

要推薦個男友比你？

我見 Steinway upright好似都要5x 萬，二十都3x 萬，你覺得值唔值得？買 Yamaha,Kawai grand 會唔會仲好？grand Yamaha vs Kawai 邊個好？如果要 upgrade，入手應該買邊隻 model up?

thanks ching

如果唔睇錢。我會入steinway. 不過係2手原廠或steinway 認証左既日本廠翻新琴。 近10年steinway差唔多所有位置用盡複合木材。以前全實木，仲要係靚既高地衫木。反正action part, strings都係消耗品。我唔會買新。

yamaha 三角流水線做工比較好。我會推薦c系。但如果上一級我買sk. yamaha s系今代不是手工琴。

直身琴我暫時搵唔到有k800 一樣性價比既直身。 所以我直接會叫你買k800

結論如果我係你 一係買k800一係yamaha c1。 如果住村屋有幾層就買c3。

再上已經超越左業餘音樂人既要求。除非你好有錢或者有工作需要禁就睇budget做人。

小小想法。 最緊要冷靜諗下需求。我買yamaha 之前係買左bluthner style 4 2000年原廠翻新。因為本身有fading 所以價錢唔貴。 同sales傾左可以試14日。1星期後同佢講補錢買c3. 如果我得試14日我會留左bluthner.佢單音岩我style 彈bach Mozart 等early music 有加，另外彈jazz都好好。不過dynamic 係死位。 所以諗諗下。c3 全面d 所以最後決定去c3. 當然買呢2部之前我已睇中左一部steinway。 試左2次。好滿意。但我唔需要上台。無謂買禁貴。

好，感謝巴打寶貴意見
二手琴覺得買最盡幾多年好？

如果好有錢就真係買 Steinway佢 d 聲真係好甜試過 Steinway真係返唔到轉頭

rip...
upright都有細細部架

係架 唔係大牌子亦無咁保值
不過佢清得後又唔會太吵 有少少含蓄

btw我都中意古鍵琴
係鍵版harp 正

咁又唔錯 請個人幫手看門口 跟住自己又賺少少