入黎傾下李克勤歌/事業（2)

我隔住個mon都覺得哽耳我以前真係估唔到會有一日可以用難聽形容佢唱歌

蒙面歌王 我是歌手 我們的歌 嗰堆我好少翻聽，雖然知佢難得認真唱歌
印象中我們的歌佢d 表情台風好似好左少少，真係少少嗰隻

不過我是歌手 其實應該都算係hea 揀歌黎比賽

最好笑克勤講話係特登搵班人黎和音營造乜乜乜效果之類，但後期製作嗰時執走晒d 和音

唔hea啦 佢嗰期成擔心機全副精神擺晒落去做呢件事wor
我仲記得佢講 你番唱嗰首歌咩都可以輸 編曲唔可以輸 心諗你嗰啲咩垃圾編曲 下下都有個位拖長音 同埋極之核突嘅升key 位 破壞晒成首歌 仲好意思講出嚟

我意思佢揀d歌路唔算好進取

霧之戀唔抖氣接落去

呢個我贊同 但係表現得最好嗰首天下有情人仲要係周深揀 佢d taste

佢一上去比賽個人就會瘦
見到佢咁都覺得佢好大壓力

我知佢唱歌唔係難聽 但係冇如果 出嚟個result係難聽

我聽佢電台講，佢成日都好強調好明白自己有咩缺點
但問題係點解既然明白，但都仲要攪d 咁既野
係咪要引用返佢畀星夢班人：你信心過大

佢有呢個諗法真係好得人驚 仲要主見多多果下慘
第二啲歌手有自己做音樂嘅諗法 我會覺得 唔 佢好有主見 但係如果係近期嘅李克勤嘅話 雖然唔想講 但係都係覺得你不如收埋吧啦
乜撚嘢大人嘅兒歌 你是我的大明星

佢有好了解自己呢個諗法 成單嘢真係好恐怖

佢交比監制都唔算出左d 咩好野
佢有期話咩都交晒畀監制

我都講錯咗 有時唔關主見事 係最後拍板嗰個判斷力 even首歌唔多關佢事
例子： 為食熊貓

成個team 都覺得無問題嗰下好野

總括嚟講 taste問題

隔左咁多年國語都出唔到咩好野
上親去都係唱94年出既一生何求，最多加多隻大雨

我覺得係無人食得住佢
你睇佢夾李偲菘，逼迫佢之下唱既飛花
佢唔畀人逼出唔到好野

無記錯，飛花應該係佢唱得最多take 既歌，好似攪左三十幾次

上次出森林和原野已經畀雁兄屌左獲，依家仲要黎

大人的兒歌？即是什麼？那請問有沒有專為兒童而設的鹹濕歌？ 大哥！～拜托別玩了好不好？

所以飛花真係好撚正
任何一個live都唱唔到CD版果種味道

最接近我覺得已經係情情塔塔嗰版

例如嗰時佢講話錄嗰時係要求連d 好細緻既位都要錄埋，例如d 餘音嗰時（我唔識形容)
但live 佢係好多時都無左依d 位

好彩仲有情情塔塔呢個演唱會 如果唔係所有歌最好嘅版本只可以留待想像 巔峰時期唔做個人演唱會走去做左鄰右李 啲歌打到碎晒變晒medley 有啲仲要唔係佢把口唱出嚟

真係好彩仲有呢個版本睇吓