入黎傾下李克勤歌/事業（2)

同埋我其實覺得佢近年唱victory, 都無以前咁正

呢樣真 作為fans 其實啲舊歌都未聽厭 得閒開下演唱會出下碟已經好滿足 再突破或者其他要求其實都係錦上添花嚟嘅啫 以前嘅基業已經夠輝煌 都半百歲人仲想點

其實佢開young line我覺得OK 何樂而不為 問題呢首柒到後生都唔想聽

依到有無改詞大師試試幫佢改下佢首為食熊貓d 詞，改完再幻想佢用返依定個腔唱應該都好好多，最大問題一定係份詞出事今次

用返依家個腔唱

其實旋律都好罐頭我覺得

唔好話環球d 歌，淨唱返寶麗金星光藝能未公開唱過既，重新翻唱再出碟都夠佢出返幾隻或開演唱會都可以開幾次

依家d 流行曲十居其九都好罐頭，我覺得

其實以前呀倫作畀佢首一生想你個旋律都有d 罐頭，不過份詞唔算太出事，所以聽落都正常

當年u87鬥演奏廳 我嗰陣都覺得u87pop d 正啲 大個聽返演奏廳發現真係首首都好高汁 u87反而覺得厭

其實之前拉闊同周國賢唱情非首爾x漢城沉沒了 如果加埋韓夜不冷就Perfect

演奏廳係衰d 詞唔夠深度，你睇返d 詞同eason 比下

係最hit嗰啲罐頭啫
主流圈以外比以前多嘢聽好多

我記得雁兄都好似有插過婚前的女人，「想找個人 想被人抱 想找個舒服床鋪」依句

其實首詞我覺得都算好貼合到個題材，仲要貼合到佢自己背景，但一拍埋落林夕嗰d 詞，真係唔同級數

btw, 我當年聽u78 覺得隻碟係幾特別既，但我始終都係鐘意聽克勤，當年第一個印象係覺得聽落舒服d

u87手快打錯

就係主流嗰到出事囉

演奏廳我覺得都仲係太刻意玩概念玩得有啲夾硬，有啲歌編得唔係太好聽
演奏廳II就真係渾然天成，啲樂器同人聲配合得啱啱好，首首正嘢

所以我唔會咁比 我覺得冇必要比 其實成隻碟有好多都寫得好中 而家聽返佢攞獎嗰陣 唱婚前的女人直頭甜到漏 如果要比 u87有冇一首歌有咁嘅感覺先
其實如果你要講詞 常在你左右 韓夜不冷我都覺得好正

其實情非首爾x漢城沉沒了就咁聽都幾match

點解要咁比，係因為當時eason 強勢回歸，用u87入面夕陽無限好依d 黎打，明顯係有攻擊性

但克勤既還擊唔算太有力

點解講詞，係因為詞係二千年代黎講係一個好重要一首歌hit 唔hit 既因素黎

依家睇返轉頭緊係覺得唔需要比，但記得當時細個睇真係鄧克勤緊張婚前的女人嗰次佢話要結婚再唱，真係甜到爆

Paris Hilton
https://youtu.be/GoIsAOzQDQU

其實明嘅 嗰陣後生唔知結婚係咩一回事 梗係會覺得例如婚前的女人呢啲又肉麻又骨痹 同夕陽無限好呢啲冇咁有深度 依家覺得兩樣都好

我其實覺得佢應該plug 埋輸情歌，如果演奏廳1 可以放年頭出就更好，唔plug 勝情中人改plug 未成年同盟會

講講下發現佢出碟啲橋有好多都重複
演奏廳1 threesome
Today special 李克勤我克勤
在森林和原野 同埋新嗰隻

所以我就係想問，佢新隻碟個idea 同森林和原野有咩分別，我對佢隻姐姐好有陰影