我和鄰居大姐姐的故事（7）
葉開葉開
1001 回覆
188 Like
3 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
毛兔巴
推
冤枉呀K大人
戴定頭盔先 樓豬另一半一定唔係叫jenny 
伏線黎
得閒吹下水囉
最鍾意同大家互動
最鍾意同大家互動
多謝
失巴好耐冇見多謝支持
多謝支持一百六十二
雖然響學校就幾寂寞，不過響球場我同阿必倒係過得唔錯。
流○響我地呢個年齡組別所向披靡，當然冇可能場場贏晒唔失分，但一路都排緊榜首。
而我同阿必今季得到陳sir既器重，接近係場場正選，而且我地兩個合作既入波都真係唔少。
另一方面，我地同班隊友就越黎越熟，其中又以楊舒達同賈加華最熟。講起黎，呢兩條友加埋康達都好似日本人樣，佢地其實係咪混血？
屌，諗起都覺得自己咁諗好戇鳩。
陳sir有一日練完波之後走黎同我同阿必傾計，閒談之中佢問我地之後會唔會真係響職業足球呢條路上面發展落去，仲話保證我同阿必一定會好成功。
「其實我都培育過唔少年青球員，但你地兩個真係我教過咁多班波入面最有潛力既，你地不妨認真考慮下。你地而家呢個年紀係最易進步，可以諗諗。」陳sir係咁講：「記得決定左之後要同屋企人傾下，又或者決定之前可以搵佢地商量下，有需要既可以打比我，我會幫手說服佢地。」
果日我同阿必結伴返屋企既時候，阿必少有地用認真既語氣問我：「你會唔會認真考慮陳sir既建議？」
「哦？」
做職業球員嗎？
之前都好似曾經有過咁既念頭。
雖然只係稍瞬即逝。
「雖然香港既足球冇得同外國比…甚至連亞洲都冇得比。」阿必露出認真既表情，道：「但係我自細以黎已經憧憬想做職業球員，想代表香港比賽。」
「職業球員…」
當時係二零零五年，香港既球市已經跌入谷底，做球員可以搵到食響當時真係超級大笑話。
所以每一個職業球員都值得我地去尊重。
「哈，其實我都冇諗過有機會比球會睇中，仲話我踢波天份咁撚高。」阿必對住我笑了笑：「諗諗下，可能都係全靠你咋，球星。」
「關我鳩事咩？」
「冇你同班大叔，又點會有人留意到我？」阿必笑道。
…
咁可能都係事實…
「阿熙，不如一齊拍住上？」阿必認真地道：「我覺得我地兩個踢上去既話，一定可以踢到香港隊架。唔係講緊而家踢既青年軍，係大個左入選、真係上電視既香港隊。」
我從來冇諗過咁長遠。
甚至連想唔想成為職業球員，我都淨係諗過下。
但識阿必咁耐，從來未見過佢個樣咁撚認真。
「好呀。」我道。
我就冇阿必咁有理想要踢香港隊，但反正我都冇諗過自己做乜，而且自己又唔鍾意讀書，如果真係可以將自己鍾意既運動變成職業，應該都非常唔錯。
呢一刻我反而冇諗過要賺幾多錢。
「一言為定架喇！」阿必笑道：「我覺得只要我地兩個響同一隊拍住上，連世界盃都可以踢得到呀！」
「邊有可能？」我笑住搖搖頭。
「人冇夢想，同鹹魚有咩分別！？」阿必扮到成個《少○足球》入面個五師兄咁。
終於又變返戇鳩必。
*
不過所謂球場得意，其實只限於流○U14之內。
校隊既成績我就唔撚提了。
柒事黎架嘛。
足球係團體運動，即使兩個高手帶住九件垃圾都冇撚用，根本冇可能會贏波。
雖然同上年一樣都係輸到仆街，但唔同既係，淇淇佢地冇再黎睇我地比賽。
佢地咁撚小器，仲要偏坦陳日朗，諗起都仲真係好撚嬲。
日子就係咁樣平凡地過。
然後，好快秋兒姐姐已經考埋個mock，今日係佢地中五既last day。
響返學果程巴士上面，秋兒姐姐拎左部相機出黎。
「相機？」我疑惑地問。
「係啊。」秋兒姐姐笑道：「嘉嘉借比我架，放學記得黎搵我影相。」
「我地之後都仲係日日見架喇，都要影？」說實話，其實我唔太鍾意對住個鏡頭。
「Last day影既相又點同呢？」秋兒姐姐又笑了笑：「到你中五果陣你就會明白架喇。」
或者喇…
「我問下啫。」我都笑道：「妳叫我做既野我一定做架喇！」
「又黎口甜舌滑。」話雖如此，秋兒姐姐聽到我咁講既時候面上既笑容更甜了：「啊，我叫嘉嘉曬相既時候曬多張比你先。」
我同秋兒姐姐既合照…
聽落非常唔錯。
落車之後，我同秋兒姐姐慢慢咁行返學校。
一年半之前我帶住緊張既心情第一次同秋兒姐姐一齊返學，轉眼間到秋兒姐姐暫時最後一次同我一齊返。
不過，秋兒姐姐一定會順利升上中六，再一次同我一齊返學既。
（待續）
雖然響學校就幾寂寞，不過響球場我同阿必倒係過得唔錯。
流○響我地呢個年齡組別所向披靡，當然冇可能場場贏晒唔失分，但一路都排緊榜首。
而我同阿必今季得到陳sir既器重，接近係場場正選，而且我地兩個合作既入波都真係唔少。
另一方面，我地同班隊友就越黎越熟，其中又以楊舒達同賈加華最熟。講起黎，呢兩條友加埋康達都好似日本人樣，佢地其實係咪混血？
屌，諗起都覺得自己咁諗好戇鳩。
陳sir有一日練完波之後走黎同我同阿必傾計，閒談之中佢問我地之後會唔會真係響職業足球呢條路上面發展落去，仲話保證我同阿必一定會好成功。
「其實我都培育過唔少年青球員，但你地兩個真係我教過咁多班波入面最有潛力既，你地不妨認真考慮下。你地而家呢個年紀係最易進步，可以諗諗。」陳sir係咁講：「記得決定左之後要同屋企人傾下，又或者決定之前可以搵佢地商量下，有需要既可以打比我，我會幫手說服佢地。」
果日我同阿必結伴返屋企既時候，阿必少有地用認真既語氣問我：「你會唔會認真考慮陳sir既建議？」
「哦？」
做職業球員嗎？
之前都好似曾經有過咁既念頭。
雖然只係稍瞬即逝。
「雖然香港既足球冇得同外國比…甚至連亞洲都冇得比。」阿必露出認真既表情，道：「但係我自細以黎已經憧憬想做職業球員，想代表香港比賽。」
「職業球員…」
當時係二零零五年，香港既球市已經跌入谷底，做球員可以搵到食響當時真係超級大笑話。
所以每一個職業球員都值得我地去尊重。
「哈，其實我都冇諗過有機會比球會睇中，仲話我踢波天份咁撚高。」阿必對住我笑了笑：「諗諗下，可能都係全靠你咋，球星。」
「關我鳩事咩？」
「冇你同班大叔，又點會有人留意到我？」阿必笑道。
…
咁可能都係事實…
「阿熙，不如一齊拍住上？」阿必認真地道：「我覺得我地兩個踢上去既話，一定可以踢到香港隊架。唔係講緊而家踢既青年軍，係大個左入選、真係上電視既香港隊。」
我從來冇諗過咁長遠。
甚至連想唔想成為職業球員，我都淨係諗過下。
但識阿必咁耐，從來未見過佢個樣咁撚認真。
「好呀。」我道。
我就冇阿必咁有理想要踢香港隊，但反正我都冇諗過自己做乜，而且自己又唔鍾意讀書，如果真係可以將自己鍾意既運動變成職業，應該都非常唔錯。
呢一刻我反而冇諗過要賺幾多錢。
「一言為定架喇！」阿必笑道：「我覺得只要我地兩個響同一隊拍住上，連世界盃都可以踢得到呀！」
「邊有可能？」我笑住搖搖頭。
「人冇夢想，同鹹魚有咩分別！？」阿必扮到成個《少○足球》入面個五師兄咁。
終於又變返戇鳩必。
*
不過所謂球場得意，其實只限於流○U14之內。
校隊既成績我就唔撚提了。
柒事黎架嘛。
足球係團體運動，即使兩個高手帶住九件垃圾都冇撚用，根本冇可能會贏波。
雖然同上年一樣都係輸到仆街，但唔同既係，淇淇佢地冇再黎睇我地比賽。
佢地咁撚小器，仲要偏坦陳日朗，諗起都仲真係好撚嬲。
日子就係咁樣平凡地過。
然後，好快秋兒姐姐已經考埋個mock，今日係佢地中五既last day。
響返學果程巴士上面，秋兒姐姐拎左部相機出黎。
「相機？」我疑惑地問。
「係啊。」秋兒姐姐笑道：「嘉嘉借比我架，放學記得黎搵我影相。」
「我地之後都仲係日日見架喇，都要影？」說實話，其實我唔太鍾意對住個鏡頭。
「Last day影既相又點同呢？」秋兒姐姐又笑了笑：「到你中五果陣你就會明白架喇。」
或者喇…
「我問下啫。」我都笑道：「妳叫我做既野我一定做架喇！」
「又黎口甜舌滑。」話雖如此，秋兒姐姐聽到我咁講既時候面上既笑容更甜了：「啊，我叫嘉嘉曬相既時候曬多張比你先。」
我同秋兒姐姐既合照…
聽落非常唔錯。
落車之後，我同秋兒姐姐慢慢咁行返學校。
一年半之前我帶住緊張既心情第一次同秋兒姐姐一齊返學，轉眼間到秋兒姐姐暫時最後一次同我一齊返。
不過，秋兒姐姐一定會順利升上中六，再一次同我一齊返學既。
（待續）
當然唔係
樓主幾時有得加更！
依張相一定係之前ocamp 係銀包入面嗰張
新讀者留名
樓主加油
由阿威個故睇到live 好好睇
阿威個故好有feel 諗返好多以前讀U既往事
阿熙呢個故相信到F. 5 我會更有代入感 相當期待
樓主加油
由阿威個故睇到live 好好睇
阿威個故好有feel 諗返好多以前讀U既往事
阿熙呢個故相信到F. 5 我會更有代入感 相當期待
kitty駛唔駛又做電燈膽嚟影相
重有排寫呀樓豬你
加油
唔好爛尾
中五畢業
係咩感覺我都唔記得左嚕
係咩感覺我都唔記得左嚕
相當年......中5既我仲係on99咁唔知自己想點
但又好好彩原校升返中6，果時間學校係band 3真係好難
想像。當然AL都考得唔好，入唔到大學
過左13年，真係估唔到自己可以揾到興趣，同時我既興趣
又可以成為職業。
睇左個故咁耐，最深刻既係以前初中真係最開心既時光。
可惜一去一反
但又好好彩原校升返中6，果時間學校係band 3真係好難
想像。當然AL都考得唔好，入唔到大學
過左13年，真係估唔到自己可以揾到興趣，同時我既興趣
又可以成為職業。
睇左個故咁耐，最深刻既係以前初中真係最開心既時光。
可惜一去一反
我都唔知我中學做左d乜
其實係岩
就係唔知自己想點
先可以無憂無慮咁生活
就係唔知自己想點
先可以無憂無慮咁生活
但係正嘢都一早畀人食曬
你意思係指女？