【練習睇人類圖】有冇覺得有啲嘢kick住,但唔知係咩?

376 回覆
14 Like 58 Dislike
2021-02-25 11:17:57
謝謝你
2021-02-25 11:19:05
2021-02-25 11:48:19
我覺得最大得著係學識you deserve what you received!

我自己係有閘門1但冇閘門8,會有傾向覺得反正講左都冇人明,唔會有人識得欣賞你,變得曲高和寡。一係唔願再分享自己,一係分享左之後就好想人地要buy你,唔buy 就係人地唔識貨。

好喇,我知有呢個傾向。咁我要改善既,就係keep住繼續做自己鍾意既嘢,同時唔好咁計較人地點睇你係咪有貢獻。

You deserve what you received. 唔好victimize 自己
2021-02-25 12:03:22
呢樣都係我要學嘅嘢 要調整心態真係唔易,好多時又會重蹈覆轍
2021-02-25 12:17:49
2021-02-25 12:22:53
互勉之
2021-02-25 12:26:03
係呀,跟返自己type既決策方法就啱。要知道呢個世界有7成生產生同顯示生產者,好多對佢地work既事都唔會啱你。

Follow your own strategy!
2021-02-25 12:32:07
2021-02-25 12:32:30
人類圖點玩架
2021-02-25 14:09:48
4/6 顯示生產者,所有6仔都會經歷3個人生階段,呢點唔重覆,請參考之前profile有6 巴絲打。4/6有d唔同既地方係,4係需要透過建立穩固既關係令到你feel safe, 傾向鍾意同人social, 見下朋友咁。但喺你30歲後既retreat 階段,你發覺好似需要柄埋自己(其實係為左觀察他人同整合自己), 如果你唔了解你係咁樣,可能會懷疑自己係咪有啲depress. 平衡返自己socia既 一面,同時亦需要獨處既時間就ok.

顯示生產者既特點係夠快,鍾意走捷徑同一心多用。有時會因為走捷徑做漏要返轉頭再做返。好處係你會搵到efficient 既方法,只係有時會出錯。

但你同時係情緒權威,有自己既情緒週期,會傾向喺情緒高漲時就跳去試新嘢,情緒低落時就覺得自己唔夠好而過早放棄。決定要做一件事或放棄唔做,係要等過完整個情緒週期,個決定都係一樣先好follow. 如果今日想做,但聽日又唔太想,咁呢個選擇就未必啱你。情緒週期係幾耐人人唔同,有人係幾日,有人係一個星期甚至更耐。At least 俾幾日時間自己做決定喇。

特別係你有閘門36但冇35,會傾向一見悶就試新嘢,甚至唔理後果試左先算。俾幾日時間自己先做決定呀! 或者同信得過既朋友分享下你打算試啲咩,可能會提出你一啲睇唔到既盲點架。

大致係咁,如果有共鳴既地方,請話俾我知。
2021-02-25 14:25:13
2021-02-25 15:11:21
閘門35係懂得識別邊啲體驗係值得一試,邊啲唔係。好似係一個經驗老到既人,認清風險再作投資,避免投機。

你有36但冇35,係呀36就係人一世物一世咪試下先。小賭怡情,但大賭會lai鑊勁面對人生重要既決定,就要學習閘門35,做好風險評估。
2021-02-25 15:16:04
仆街又中 見我user name就知咩事
2021-02-25 15:18:04
就係見到你個名先特登講,戒賭好~
2021-02-25 15:38:22
2021-02-25 16:19:05
2021-02-25 16:46:23
6/2 顯示生產者,6/2既人生分開3個階段,早年都係透過trial & error學習,到30歲左右就會retreat, 呢個階段係讓你觀察同整合,到大約50歲時就可以落山,將呢啲寶貴知識同經歷分享俾其他人。另外profile 有2既人都有想柄埋自己既傾向,比較需要獨處。30歲後既retreat時間,你會覺得人生peaceful左。

顯示生產者既特點係夠快,鍾意走捷徑同一心多用。有時會因為走捷徑做漏要返轉頭再做返。好處係你會搵到efficient 既方法,只係有時會出錯。

你有整條channel 43-23, 會對既有既做法提出質疑,並提出更有效既新方法。明白你想法既人會覺得你係天才,但唔明白既人會覺得你係怪人。所以有呢條通道既人,最好等人邀請你講先好講,想知你想法既人,會ready 啲去接收你既訊息。

特別提一提你既兩個閘門,48 & 59.

閘門48喺學習上會鑽得好深入,唔肯定自己夠料,就唔敢分享。到肯同人分享時,又會present一大堆好深既資訊,而冇考慮到聽眾係咪聽得明,有冇需要知得咁深入。即係好似啲趕客既學者咁,深到唔想聽! 學習了解你既聽眾,如果係行家,就梗係冇問題喇。但如果係初接觸,或者係外行既(可能就係你老細),講啲佢需要知既嘢就夠。學習有技巧地present你既深度。

另外,閘門59會透過提供資源(例如賺錢) 去支持家人/愛人既生活。呢個係你表達關懷既方式。但係要注意一件事,一段關係健康與否,係建基於自愛及互相尊重。避免以「係我俾錢養你架」,成為控制他人既手段。

大致係咁,如果有共鳴既地方,請話俾我知。
2021-02-25 18:08:01
1/3 投射者,1係透過深入研究去建立基礎,而3係從嘗試中學習,累積足夠經驗,然後話俾人知乜嘢係work, 乜嘢唔work. 1/3如果發揮得好,係試之前做定晒research去減低失敗機會。即使失敗左,都會返去研究問題所在。

而投射者,有知道一件事/一個人發揮最好狀態係點既能力,黎呢度係給予指導,引領他人。善用你profile 1,做好study, 確保你俾既意見係啱。投射者最需要學習既,就係等人邀請你講先好講。人地ready聽,先會recognise你既意見對佢地受用。如果抵唔住頸好似老師上身走去教人,人地只會感覺唔良好,覺得你多事。

你既channel 58-18有個名叫批判既通道。對於作為投射者既你係一大考驗。有呢條通道,當見到唔夠完美既地方,就覺得好銀眼,改返好喇,就舒服返開心返。試問見到唔完美既地方,但要等人邀請你先好講,係幾咁辛苦!! 其實有啲人但求過骨不求完美,佢的確唔需要你既意見。但當有人想力求完美,你要幫既先係呢班人。要點樣先確保你既寶貴意見講出黎,唔會俾人覺得你係多事?就係等人邀請囉。

最後提一提你有閘門48但冇16. 喺學習上會傾向鑽得好深入,唔肯定自己夠料就唔敢分享。到肯同人分享時,又會present一大堆好深既資訊,而冇考慮到聽眾係咪聽得明。即係好似啲趕客既學者咁,深到唔想聽! 學習了解你既聽眾,如果係行家,就梗係冇問題喇。但如果係初接觸,或者係外行人(可能就係你老細),講啲佢需要知既嘢就夠。學習有技巧地present你既深度。

大致係咁,如果有共鳴既地方,請話俾我知。
2021-02-25 19:03:06

麻煩樓主
2021-02-25 19:24:40
[/member][/member]
2021-02-25 19:59:31
5/1 顯示生產者,profile 5/1會見到人同事既最好狀態係點,會想話俾人知點樣做係最好,給予指引。而你俾既指引通常都經過深入研究,確保唔會指錯方向。

顯示生產者既特點係夠快,鍾意走捷徑同一心多用。有時會因為走捷徑做漏要返轉頭再做返。好處係你會搵到efficient 既方法,只係有時會出錯。加上你既channel 20-34,你更加係唔等得,要快既人黎。

你有好多推動力,令你覺得自己有需要做啲事。底輪(幅圖下邊既啡色四方形)係代表壓力/推動力,你既底輪除左53之外,其他閘門全部著燈!好多事想做,但同時俾自己好大壓力呢...

有閘門58冇18,有冇對自己好mean, 覺得自己唔夠好,甚至覺得自己唔應該開心?

有閘門38冇28,有公義心,但你知道乜嘢係worth to fight for?

有閘門54冇32,恐懼失敗?

有閘門60冇3,你希望有改變,其實你真係知你要既改變係乜嘢嘛?你ready未?

有閘門52冇9,有big picture但冇focus?

以上呢d都稍稍放低先,你內心好忙,太多嘢你覺得要做,你會好難覺察到當下。乜嘢係覺察?就係當你好感到憤怒時,你能夠好似第三者咁,觀察到自己正在憤怒。善用你閘門20既覺察能力,為內心騰出空間,觀察你呢一堆既推動力,要如何處理好?

巴打加油。

大致係咁,如果有共鳴既地方,請話俾我知。
2021-02-25 21:09:22
5/1 生產者,profile 5/1會見到人同事既最好狀態係點,會想話俾人知點樣做係最好,給予指引。而你俾既指引通常都經過深入研究,確保唔會指錯方向。

你既channel 48-16係一條才華通道。你既才華係建基於持續既熱切,並且不斷練習精益求精而煉成。

但點解好似啲人唔係好見到咁既?如果你有呢個疑問,就留意一下你既閘門58, 7 & 1

有閘門58但冇18,對人對己都唔好太mean, 好難完美架,記住提出改善係為左令到大家都開心,執著對錯就失去快樂呢個動力。

有閘門7但冇31,一條team裡面各人有唔同既位置,有人有領袖既charisma 可以成為團體既聲音,但喺後面做lobbying同support role 都同等重要。你對自己夠了解,就可以安於幕後位置。

有閘門1但冇8,繼續做自己鍾意既嘢就得架喇。唔好太計較你做既嘢,人地覺得係咪有貢獻。如果特登去做啲你認為可以得到recognition既事,其實你唔係做緊自己,你係為緊掌聲咋。

大致係咁,如果有共鳴既地方,請話俾我知。
2021-02-25 21:41:52
師姐,麻煩有機會睇睇我
2021-02-25 21:45:04
咁撚迷信真係痴撚線
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞