【練習睇人類圖】有冇覺得有啲嘢kick住，但唔知係咩？

的確最近發現自己都幾需要獨處嘅空間，特別係呢兩年完全冇咗自己一個人嘅時間之後

鍾意走捷徑呢個直頭中到應一應。

同埋以前我好唔鍾意要跟人哋講嘅一套去做，係都要用自己嘅方法去做嘢，但慢慢又發現有時人哋個套方法係有佢嘅好處，近年少咗去堅持自己做法。

閘門48呢個都幾中，我自己做啲technical 嘢，基本上唔肯定自己100%啱嘅嘢我都唔會敢去講。所以有時都幾佩服我公司個sales，佢可以唔識嘅嘢，都好有自信咁亂吹，但聽落又似層層咁。但我自己就做唔到，唔肯定嘅嘢基本上我就會淆唔敢答，但如果自己識嘅話，又真係可以吹好多講到好deep都得。

家人個part的確有諗法係有俾錢就算，不過現時嘅問題係想俾錢都冇錢俾

總括都其實幾中，有啲位可能而家嘅我改變咗，但以前的確係咁樣嘅諗法/做法。

畀錢睇過一次，覺得好大包圍。
之然朋友介紹睇過其他兩個，最後覺得都係冇咩用。
浪費咗好多錢，樓主自己點睇其他術數。

咁好好呀，清咁啲kick位其實發現到又願意改都唔係容易

唔... 術數最大幫助係安撫人對未知既恐懼、了解自己同修身。

如果我想問事，可能會揀塔羅或者易卜。如果我想了解黎緊行唔行運，可能會揀八字、紫微。如果我想修身，可能會揀人類圖。

所以你需要既係咩呢?

大致上，術數都係導人向善既。
都係指向同一點，只係表達方式唔同。

4/6 反映者，所有6仔都會經歷3個人生階段，呢點唔重覆，請參考之前profile有6 巴絲打。4/6有d唔同既地方係，4係需要透過建立穩固既關係令到你feel safe, 傾向鍾意同人social, 見下朋友咁。但喺你30歲後既retreat 階段，你發覺好似需要柄埋自己(其實係為左觀察他人同整合自己), 如果你唔了解你係咁樣，可能會懷疑自己係咪有啲depress. 平衡返自己socia既 一面，同時亦需要獨處既時間就ok。

反映者就好似世界既一面鏡，你當下既心情，其實正正反映出你周圍既狀態係點。由於所有中心都空白，會吸收同放大身邊既人既能量，好敏感。正正因為咁，你需要好好經營喺你身邊既係咩人，你每日會去既地方係咪令你舒服。身邊朋友唔需要真係好多，最重要係有固定既朋友圈子，你同佢地一齊會令你安心，值得你信賴，願意聽你既分享同感受，就好足夠。

另外，反映者下一個決定，係需要等足一整個月亮週期(大概28-29日). 想做一件事，等28日後都係一樣想做，先好follow.

月亮位置所對應既閘門，都有機會activate到你本身有既閘門，而短暫形成一條channel. 月亮大概會喺一個閘門逗留10個鐘左右，就會轉落下一個。所以你有時可以短暫"成為" 顯示者/生產者/投射者咁。短暫架咋，你hold唔到架。

留意返你本身幾多閘門喺情緒中心著燈(右手邊啡色三角形)，即係較大機會俾月亮週期activate到成為通道喇。你既情緒傾向黎得快去得快。冇話好唔好，just enjoy but not stick on it!

如果你有興趣想知月亮transit, 可以dl 呢個app(http://www.humandesignapp.com/?m=1). Check下月亮current transit 有冇activate到channel。

4/6 顯示生產者，所有6仔都會經歷3個人生階段，呢點唔重覆，請參考之前profile有6 巴絲打。4/6有d唔同既地方係，4係需要透過建立穩固既關係令到你feel safe, 傾向鍾意同人social, 見下朋友咁。但喺你30歲後既retreat 階段，你發覺好似需要柄埋自己(其實係為左觀察他人同整合自己), 如果你唔了解你係咁樣，可能會懷疑自己係咪有啲depress. 平衡返自己social既 一面，同時亦需要獨處既時間就ok.

顯示生產者既特點係夠快，鍾意走捷徑同一心多用。有時會因為走捷徑做漏要返轉頭再做返。好處係你會搵到efficient 既方法，只係有時會出錯。

你有好多好好既才能。有睇到全局，然後知道prioritze集中做邊樣既能力 (channel 52-9)。手頭上有足夠資源，亦知道點樣運用，整合出新既事/project(channe 14-2)。能夠從心做自己，而其他人都認同你既貢獻(channel 1-8)。亦都善於將你既想法串連成一個故事咁，讓人容易理解(channel 11-56)。

好似所有嘢你都做到咁，唔知你有冇疑惑過，點解做leader嗰個唔係我?如果話，你適合做幕後既副手，而唔係企喺前台既leader，你會覺得唔甘心嘛?

你有閘門7但冇31，好適合喺幕後做lobbying工作去support你既team. 會有傾向覺得我set好晒個台，點解係人哋企上台去講而唔係由我呢個落手落腳既去講?學習接受唔同人有唔同位置，企前台既charisma，同後台既lobbying係同等重要。Leader/follower，上司/下屬，其實係我地自己製造出黎既hierarchy黎姐。

加上呢，你有閘門13，但冇閘門33。閘門13係關於過去既故事，閘門33係點樣retell你既故事。你可能傾向loop 喺一啲舊傷痛度，有機會victimize自己。假如你係stuck喺點解做唔到leader呢個位，或者覺得個leader好唔掂，唔想再幫佢執手尾，你要做既唔係取代佢或者背後數佢唔好，而係搵過個襯得起你既leader。

大致係咁，如果有地方有共鳴，請話俾我知。

6/3 顯示者，所有6仔都會經歷3個人生階段，呢點唔重覆，請參考之前profile有6 巴絲打。6/3有啲唔同既地方係，由於你係3仔底，喺你30歲後retreat期間，你都仍然係keep 住試唔同既嘢，去搵出work or not。同時，你都要抽時間去觀察他人同整合自己既經歷。到50歲就可以落山分享你寶貴知識同經驗。

顯示者黎呢度係發起事情，set the ball roll, 咁係咪唔駛等喇？都唔係架，尤其是你係情緒權威（唔駛太介意個名，其實即係會有情緒週期）,當做決定時，如果等你過完一整個情緒週期，個決定都係一樣先做，咁會確保到clarity。

另外，由於顯示者做既嘢impact好大，如果你唔事先同受你影響既人講聲，人地即刻反你枱disrupt你，咁就到你得個嬲字。記住單聲先呀。特別你有channel 35-36，會有冒險精神，即使你有計過值得一試都好，旁人睇都會覺得你take risk。咁既狀況，做之前單聲等人冇咁擔心，都好應該呀。

你既channel 37-40, 會相信透過合約精神黎建立關係係有效。即係你幫我做A，我幫你做B。特別提一提你有閘門26而冇44，人地會buy你/同你合作，係基於你既誠信，而唔係包裝。如果你overpackage件事，令到人地有過高期望，或者勉強自己去commit呢個overpackage左既標準，咁仲係唔一個fair deal呢?

大致係咁，如果有共鳴既地方，請話俾我知。

Thanks
我二十幾歲已經想柄埋自己
叫我lead住人做野又冇乜問題，但我個人唔鐘意做第一或者leader

我係咪黎遲左
樓主得閒既話麻煩幫手睇睇

4/6 顯示者，所有6仔都會經歷3個人生階段，呢點唔重覆，請參考之前profile有6 巴絲打。4/6有d唔同既地方係，4係需要透過建立穩固既關係令到你feel safe, 傾向鍾意同人social, 見下朋友咁。但喺你30歲後既retreat 階段，你發覺好似需要柄埋自己(其實係為左觀察他人同整合自己), 如果你唔了解你係咁樣，可能會懷疑自己係咪有啲depress. 平衡返自己social既 一面，同時亦需要獨處既時間就ok.

顯示者黎呢度係發起事情，set the ball roll, 咁係咪唔駛等喇？都唔係架，尤其是你係情緒權威，會有自己既情緒週期。當做決定時，如果等你過完一整個情緒週期，個決定都係一樣先做，咁會確保到clarity。

另外，由於顯示者做既嘢impact好大，如果你唔事先同受你影響既人講聲，人地即刻反你枱disrupt你，咁你就得個嬲字。記住單聲先呀。特別你有channel 35-36，會有冒險精神，即使你有計過值得一試都好，旁人睇都會覺得你take risk。咁既狀況，做之前單聲，等人冇咁擔心。

你都係一個有鍾意表達意見既人黎。如果你有kick 住既地方，可能會係出喺你既channel 58-18。有呢條通道，當見到唔夠完美既地方，就覺得好銀眼，改返好喇，就舒服晒開心返。但最好知會聲人地，你有啲改善意見想講，人地話ready想聽先再講。

最後提一提你有閘門48但冇16. 有時傾向講嘢講得太深入難明。學習考慮聽眾既需要，有技巧地present你既深度。

大致係咁，如果有共鳴既地方，請話俾我知。

謝回覆
你介唔介意我追問一下，如果你覺得有kick住既位，喺啲咩呢？
for checking only, 想增進睇圖技巧

成日停留係空想，經常有好好嘅idea，但就冇行動

謝謝回覆
或者呢啲好既想法只係未係時機出現。可以試下搵本簿仔記低先。如果係值得實現，會遇到啱既人同資源

5/1 生產者，3分人。Profile 5/1會見到人同事既最好狀態係點，會想話俾人知點樣做係最好，給予指引。而你俾既指引通常都經過深入研究，確保唔會指錯方向。

由於你係3分人，如果你既身體類比為一間公司既話，就好似幾個互不溝通既部門各自做自己嘢咁。當了解你有呢個特性，接受多啲自己，係呀，你係需要多啲時間去做整合，急唔黎。

你都幾常有啟發，頭頂3個閘門都著燈!（最頂既黃色三角形）。呢啲啟發有啲好抽象，令你confuse。有啲好神秘，令你想合理化佢。有啲令你產生懷疑，會想搵prove。但其實呢啲啟發，唔一定需要搵到答案。即使你搵到一個please到自己既「答案」，都只係其中一個possibility。唔知巴絲打本身有冇practice身心靈。如有，你可以試下ask, 而唔係搵answer.

特別提一提你有閘門9但冇52。你有prioritze，然後focus 落去做一件事既能力，但傾向有見樹不見林既盲點。Focus 落去一件事之前，可以zoom out 一啲，睇下有冇其他option出現。先zoom out後zoom in，你既決定可能會唔同左。

大致係咁，如果有共鳴既地方，請話俾我知。

大致上都準 特別係情緒同最後表達意見既部分

情緒主導我絕對係 做決定前係真係會諗左最差既結果自己承唔承受得起同埋要係諗得通成個過程 我唔鍾意見步行步

表達意見方面
有陣時一啲我覺得好簡單直接既野 點解其實人唔明

另一方面我又覺得做事方法其實好多種 只要達成到目的而又無傷害到其他人我覺得就可以做 所以因循守舊既所謂Sop我係好撚睇唔過眼 特別係工作上
唔知咁樣算唔算係表達意見既一部分

跟住有啲地方就直接未到30歲都已經發生緊 例如收埋自己咁 Depress我都覺得自己係有既

至於你話會影響到人 我就唔覺得自己會有咁大既能力 不過當意見聽下都無壞

用我阿媽做例子，佢都係顯示者，有時簡單如煮一餐飯，都可以好影響我...

點解又煮魚蛋雞翼湯呀

好想佢煮之前單聲

我自己都習慣講聲先既
好怕煩到人

係唔係意指塔羅、易卜、八字、紫微唔係用嚟修身？

一講quantum physics即刻上一頁

4/1顯示者，不論對外定對內，都需要穩固既基礎，睇得好清楚先行一步，比較唔識得處理突發事件同衝突。對人，你需要穩定既關係。學習或工作上，你都會深入研究到底，至會同其他人分享你既成果。

顯示者黎呢度係發起事情，set the ball roll。咁係咪唔駛等就可以去馬喇？都唔係架。由於你係意志力權威，即係幅圖紅色小三角形，你推唔推動到一件事，好睇你既意志力中心係咪叉足電。如果薦骨中心係發電機既話，意志力中心就只不過係尿袋。所以推完一件事，你係需要休息，為你既意志力中心叉返電。如果未叉晒又發起另一樣新嘢，你會chur爆自己副計，burnout。

點樣知自己既意志力中心叉足電未？除咗自己feel下之外，都可以試下同人講下你打算發起既事。透過對話，會有助你理清你現有資源同狀態，係咪支撐到你去推一件事。

你既channel 45-21有個名叫money channel，傾向識賺錢，亦懂得分配好金錢。如果以一間公司去類比，有呢條channel就好似係老闆咁，公司賺到錢，員工就搵到食。其他人有機會覺得你over-control。加上你有閘門51但冇25，你既行動有機會令人感到shock。如果你有以上情況，你可以思考一下你既intention，係為左整體利益，定還是為個人利益？

最後提一提你有閘門48但冇16. 喺學習上會傾向鑽得好深入，唔肯定自己夠料就唔敢分享。到肯同人分享時，又會present一大堆好深既資訊，而冇考慮到聽眾係咪聽得明。即係好似啲趕客既學者咁，深到唔想聽! 學習了解你既聽眾，有技巧地present你既深度。

大致係咁，如果有共鳴既地方，請話俾我知。

冇咁樣既意思
唔同術數有佢專長既地方
而且以上既都僅僅係我既觀點

你可以有你自己既理解

第一次聽人類圖，想了解吓thx

1/3 顯示生產者，1係透過深入研究去建立基礎，而3係從嘗試中學習，累積足夠經驗，然後話俾人知乜嘢係work, 乜嘢唔work. 1/3如果發揮得好，係試之前做定晒research去減低失敗機會。即使失敗左，都會返去研究問題所在。

顯示生產者既特點係夠快，鍾意走捷徑同一心多用。有時會因為走捷徑做漏要返轉頭再做返。好處係你會搵到efficient 既方法，只係有時會出錯。

你傾向喜新挑戰既人黎。擁有channel 3-60有時會突然想轉去試另一樣完全唔同既嘢。如果放喺工作上，就係轉行，會覺得唔變唔得。善用你profile有1既特性，跳過去之前做好study, 你會安心好多。而有channel 38-28，會傾向覺得生命不只於此，有更大意義去追尋。你可能喺生活中遇到唔少掙扎位，而透過決擇同行動，你演譯緊你對生命既意義係咩。

面對新挑戰，其實你自會做足功課先，加上你有channel 2-14，會有足夠資源去support你，而你都有能力有效運用資源，重新整合一樣新事物/project。相信自己既能力，你會有辦法應付到。

特別提一提你既兩個閘門，1 & 7.

你有閘門1但冇8。你想得到人地認同你做既事係有貢獻，但發現其他人唔係好明白你。於是會有傾向做啲你認為迎合他人既事，而唔係做緊自己(閘門1)。其實你繼續做自己鍾意既就可以，唔好咁計較對其他人係咪有貢獻。相信喺啱既時間，會有人識得欣賞自己。

至於有閘門7但冇31，會適合喺幕後做lobbying工作。如果能夠安於幕後位置就ok。但如果覺得係我set好晒個台，點解係人哋企上台而唔係我呢？就要學習接受唔同人有唔同位置，企前台既charisma，同後台既lobbying係同等重要。Leader/follower，上司/下屬，其實係我地自己製造出黎既hierarchy黎姐。

大致係咁，如果有共鳴既地方，請話俾我知。

又有d準
份人真係好鍾意走捷徑同一心多用同埋我都覺得我鍾意企幕後嘅
但係迎合人地就好似唔係多覺
不過唔該曬樓主