有濕疹唔係我想 辛苦到想死 有無人可以救下我

你啲濕疹係大撻定細細撻？
如果大大撻你試下用雙氧水消毒下殺菌 睇下會唔會快啲埋口

我都有濕疹, 有左幾年. 之前睇西醫幾乎好哂, 但戒唔到酒, 所以無斷尾. 而家情況唔算太差.
我既建議:
1. 偏方係哂時間, 可以不理.
2. 中醫無用, 哂埋錢.
3. 千祈唔好用指甲搲, 最多用手心擦, 痕就揸潤膚膏.
4. 濕疹係免疫力問題. 身體免疫力同三樣野有關: 睡眠, 營養, 運動. (三寶)
5. 唔好偏食. 否則影響營養吸收, 對個病無好處.
6. 幾辛苦都要做多的運動, 休息多的, 其他運動做唔到就行路, 行下停下都得.
7. 最緊要醫好個病, 就乜都有可能. 讀唔到書無所謂, 有條命響度就得, 最多遲的補讀番. 完全無問題.
8. 人地可以對你唔好. 你唔可以對自己唔好.
9. 人生世事難料, 咪以為你的免疫力唔會改變, keep 到上面三寶就乜都可能發生.

絲打加油呀！！

我好耐之前皮膚科醫生係開黎隻body lotion比我
hktvmall有得賣
可以試試
好保濕 唔會立痴痴

我而家廿幾歲，都有濕疹問題，濕疹困擾咗自己超過十年。中學嗰期最嚴重，成日流血、出水，啲人見到會問你做咩成隻腳損晒，個心都好唔舒服，會諗點解自己會咁樣。

咁多年嚟睇好多西醫中醫都唔掂，只有食藥搽藥膏等佢唔好爆得咁勁。

跟住早幾年有次去咗轉日本，去之前同去之後，基本上好咗九成，我都唔知點解，可能空氣環境問題。

跟住呢兩年都冇乜點出返，有時天氣乾燥先會有少少，不過搽啲藥膏就冇乜事，而加生活都叫做正常返。

我好明白有濕疹嗰種絕望，對生活真係好大好大影響，醫濕疹係一條好長嘅路，不停試各種方法，搵唔同醫生、藥，個人真係好攰，我都有諗過放棄自己，但係好彩我堅持到，而家都叫做做返個正常人。

點都好，要加油

我之前都幾嚴重 唔好比大壓力自己好重要
心情好自然有改善 加油

佢都係開類固醇

你不是濕疹 係類固醇上癮
加油 戒類固醇係超級辛苦
出水會有怪味 皮膚90%甩皮
好多人郁經歷緊
一齊加油

另外比一個建議你
少啲上連登 少啲睇新聞
心情好影響病情

樓主父母好撚衰，呢啲人欺善怕惡唔洗比面，大大聲屌柒佢地，話我係你個女你地咁對我！！！要不斷還擊，轟撚到佢地無力還手為止，再唔係打柒佢地一鑊，等比佢地知呢個地盤係邊個話事嘅！！！上一代啲賤人同畜生差唔多，最多攬炒一齊死，佢知唔夠你打，自己又唔夠膽攬炒一齊死，就只能夠會尊重你

老師你近排點?

試下袁振陽 幾好 我都係濕疹 成身爛

我都係做運動
出好多汗
加日日飲2L水 先好番好多
做運動的確有用

人地有病叫人想信神

有無做過敏感測試搵源頭係咩？
屋企人做既工種或環境會唔會成日接觸到化學品、消毒物品？

明白呀
我哥哥之前都好嚴重 成身冇一撻正常皮膚 反反覆覆都有5年
成個人好depress 冇晒人生希望咁
雖然都試過戒到極清 同做血液敏感測試 都搞唔掂
大概兩年前去中環睇西醫楊x強 （好似$1200一次同排好耐期）
之後就冇好嚴重既復發喇
慢慢宜家咩都食得 開心返晒
唔好失去希望 咩都試下 加油

都明人人推介不同醫生/療法會好亂好煩
可以mark 低慢慢揀

過敏test係廢,我都做過.
人人過敏既食物都唔同,最痴線既係細個無敏感既食物,大過可以變過敏,所以治標之後樓主要慢慢test番咩野過敏,不過而家咁嚴重,就算吧啦,食素戒哂佢等治標會好D

我搽左類十年
我身體都比較差 我出去都不自然係咁r

我呢兩三年又係生濕疹生到上半身好多位都有，早排睇咗你提到嘅其中一位醫生，搽咗類固醇啲濕疹唔再發，而家主要靠平時保濕同做運動控制病情

我同意類固醇係治標唔治本，因為濕疹基本上好難斷尾，我覺得樓主最好都係睇皮膚科，跟足醫生指示用藥，等皮膚唔再發炎先，然後改變下日常生活習慣減低濕疹複發機會同程度

btw情緒同壓力都會影響病情，雖然你屋企人唔理解你嘅痛苦，但係呢度唔少人都會支持你

真係！涼茶真係唔可以亂飲！
個個中醫都係咁講

我地係咪睇同一間

信中醫根本on9

我呢家行緊自然療法
有食療加放血
因為食療錢好貴
所以冇睇中醫