有濕疹唔係我想 辛苦到想死 有無人可以救下我

https://www.youtube.com/watch?v=IHHmNEWv2PU&ab_channel=%E6%9E%9C%E7%B1%BD

呢個幫唔幫到你?

同埋你要戒食牛,蝦,蟹

一定要早訓.唔好飲冰凍野

我以前都睇過中醫,都係救唔到自己.
靠自己意志,現在全身都無事了. (曾經一半身體都有濕疹)

幫推
加油～唔好放棄自己
一定會有好轉嘅一日！

會唔會試下用vaseline? 我有隻手指有少少濕疹 用佢可以抑制住

試下唔戒口 反正都無用 不如正常食野多啲營養又開心啲 好多時搵唔到原因都係情緒影響 壓力會令到啲分泌失調 等好返啲一定要運動

樓主加油
屋企都人有濕疹 好似話係遺傳唔會傳染
好幾年喇 好似唔會斷尾咁

一路睇一路流眼淚
同你一樣得18 19 歲year1 一樣上年年尾今年年頭先開始有濕疹
一樣痕撚到仆街 睇左好多次醫生都冇用 好返幾個星期又出返黎 唔知以為自己開PO 樓豬加油

Sorry又係我
唔記得講保濕可以搽馬油
但係記得買100%純馬油個d
唔好買有添加個d馬油cream
純馬油同牛油一樣天氣熱會溶天冷會硬
同埋瞓覺戴100%棉手套，藥房有得買
可以用鬆d嘅頭髮橡根固定，至少唔會R損令傷口惡化

我依家都係用凍水沖涼 其實都唔係沖 係用水淋幾下.. 有傷口嗰啲位會用生理鹽水消毒
嚟緊就嚟冬天我好驚

加油
好明白，我前幾年斷斷續續生過少少濕彥，每次都係睇西醫搽完類固醇就好快好
直至對上一次番發，本身只係好細達，點知我睇完西醫搽類固醇之後愈爆愈勁，最後去咗睇中醫

佢好好人，雖然唔平，不過啲藥係煲完入藥包再送上門，飲嗰陣整番熱就得好方便，診金$100，每日2包藥$100，按日數計，另外會再開中藥藥膏
過程真係好痛苦每日都諗點解會咁，幾時好番，望住自己周身冇忽好勁絕望
最後睇咗半年，日日食藥，到而家疤都消曬
生活同飲食習慣好緊要，千其唔可以捱夜呀
加油

有friend做脫敏治療, 濕疹好咗九成

我有聽過 但係我真係負擔唔起
我啱啱沖完涼都發現啲濕疹生埋上塊面到
成塊面紅哂一達達 忍唔住喊 喊完仲紅仲痕
唔知講咩好

一齊努力

樓主要頂住ar

紅磡回春堂 唐文儀
診金連一個禮拜藥 冇記錯好似係千三蚊

試下敷死海泥？
Btw 祝福樓主 唔洗理d口賤賤畜

過來人！
最後發現原來係胃唔好，搞到出濕疹（中醫角度，胃同濕疹是有關聯，因為食落去啲野胃化解唔到，積咗濕氣在體內）
食完胃藥反而好返

加油加油

去日本睇丹羽療法，我2年前去醫完到以家都冇乜大問題，我28年濕疹都搞得掂

就咁睇字都feel到樓主好大壓力 好絕望真係唔知點幫你 唯有靜靜地推post同祝福樓主早日康復 生活回復正軌

一定一定要剪手甲
剪到好入果隻，最好戴手套訓覺，雖然訓訓下都會自己除左去
加油呀

攬吓你
中學都有幾年好嚴重
好彩嘅係中六塊面好返 可以影last day相
辛苦你了

睇到樓主嘅遭遇 眼濕..
上一代嘅無知 對下一代落井下石
希望你可以無視到閒言閒語
希望你好快可以喺迷宮中搵到出口

講漏咗 其實我仲試過去拜神
比千幾蚊消符 求簽等等
當一個人去到絕望嗰陣真係咩都會去做
但係個天好似見唔好我咁

我阿仔長期有濕疹，基本上手腕，手踭，膝頭哥都係爛晒，有時連塊面都會又係紅又甩皮，一坐完張梳化，成地都係皮，瞓醒張床好似殺人案發現埸，好多血漬，瞓覺R損嘅，舊年年中好嚴重，成身皮膚爛晒，朋友介紹去左養和過敏科睇醫生，李醫生建議用生物制劑，用一個療程3個月，價錢唔平。之前都試過好多中，西醫，皮膚科，偏方，都係唔得。所以今次試吓生物制劑。打針係每針比錢。如果一個月冇效果就唔再打針啦，起碼試過。好好彩，D藥對佢效果幾好，一個月內見佢皮膚好轉。完成療之後，好番8，9成。死皮小左好多好多，夜晚瞓覺冇再R到”烚烚”聲，皮膚仲靚番哂，好神奇。所以絲打真係可以試吓用生命制劑。希望可以幫到妳啦，加油💪🏻