有濕疹唔係我想 辛苦到想死 有無人可以救下我

屋企人都有嚴重皮膚病 最近開始打針 好返好多！！不過費用都幾貴 但會有轉機會有希望㗎！！

Lm support

戒類固醇，反彈既過程係好痛苦，
我捱左好耐，依家d皮膚好返晒，
你可以入facebook d 戒類group
有好多同路人，參考下佢哋既康復經歷都得
同埋當時我係一邊戒類，一邊有睇中醫
要比d耐性，同自己講一定會好返嫁。

同意 情緒的確好影響濕疹
利申 未好得返晒的同路人
樓主you are not alone 有咩隨時上嚟圍下爐

聽過有人個原因係塵 避唔到

我都係過來人，雖然最嚴重果陣都冇樓主咁誇張。又係試過睇好多專科醫生，樓主講果三個我都有睇過其中兩個，但係佢地都係開類固醇，一停左類固醇好快就返發。跟住我聽人介紹去左睇一個叫朱楚堯既醫生，之後我依家好返好多，同埋佢唔會開類固醇比你食，所以唔洗擔心返發既問題，但係因為冇類固醇既關係，你要有心理準備會好得慢少少，所以你真係要跟住佢啲指示搽野食藥。同埋我都建議樓主去做下敏感測試，因為我去之前都有做，比佢睇完之後發現原來有啲食得既野我一路都當左唔食得，基本上我之前係聽啲中醫講話要戒咩就戒咩，但我做完之後再去睇佢，我就冇特別戒，除左啲高致敏度既野食希望幫到樓主

自己都有濕疹 不過用steroid控制到同埋冇樓主咁嚴重
睇晒樓主篇野妹想幫下手
自己做醫護 西醫熟啲
有兩隻新藥 可以試下 作用做到類固醇效果 但唔係類固醇嚟

Protopic
Elidel

樓主可以再搵下資料 再睇下西醫建唔建議你用呢兩隻藥膏

你既經歷同我9成似
我就係做緊運動位巴打
運動好似真係有用 同埋呢排試緊中環一個後生既中醫so far覺得有改善
另外如果真係醫唔好會試下去日本四國試下醫 如果真係唔得我就諗住一世用類固醇留咗d錢好過
我身邊都無人可以同我傾 真係好痛苦 根本無人明

我都有睇佢
真心幾唔錯睇過咁多個中醫佢最幫到我

有冇check過對咩致敏源敏感？
要戎類固醇呀 搽得多有副作用 皮膚會越來越薄

由細到大都無濕疹 無皮膚過敏
2年前突然全身都有濕疹 出哂水
無濕疹嘅地方都R到有
睇過幾個西醫 都係比類固醇 一停藥就出返
又睇過幾個中醫 一飲中藥就嘔 無乜用
死海鹽 中醫藥膏 Ig shop 嘅手工皂 咩精華液 都試過哂
都係無用

最後係巴打推介 去咗元朗睇西醫 斷咗尾
到而家都無再出 無留印 完全無出過濕疹嘅痕跡
不過佢都係比類固醇
佢隻類固醇係唔同啲 又會比一大樽你揸
同埋佢收費都算平 相比出面
希望幫到你！

元朗 曾憲榮

想請教下大家
做過敏測試應該做邊款？有冇推介邊間？

同埋益生菌應該食邊隻？

捱夜真係好傷皮膚
以前開夜5日，D皮膚即刻差曬又R到流濃水

留名

冇追哂, 但好明你感受
我濕疹問題唔嚴重, 可能幾年先突然爆一鑊勁咁
但我自細都有皮膚敏感, 成日周身痕

當我依啲自細周身痕嘅人, 一爆起濕疹上嚟時都好灰心時, 我更加明白本身皮膚冇事嘅其他人面對濕疹幾辛苦 加油呀！撐住！



以下分享吓少少, 唔知你有冇做開, 但都希望幫到你：

沖涼唔好用熱水, 天氣凍頂唔順都最多用溫水
因為熱水涼會令你血液循環快左
當沖完抹乾之後, 會痕到痴肺
另外盡量避免啲咩沖涼液沐浴露之類, 就咁用清水/手工皂

夏天嚟講, 情況環境許可之下(例如身處屋企)
痕起上嚟可以敷冰解痕


保濕緊要, 但依樣嘢好睇人, 啱我用嘅可能有人用完仲痕, 我自己近年發現用physiogel ai cream對我好好, 亦都識人話QV依個牌子幫到佢

有啲醫生可能會叫你搵Aqueous cream(A cream)保濕, 咁記得要搵SLS free嘅A cream, 因為SLS對濕疹病人都可以致敏

同埋E cream(俗稱嘅豬油膏) 搽完痕嘅機會可能仲少 , 響未搵到夾自己嘅cream之前可以用住佢先


另外前面我見都有巴打提過, 多剪指甲 盡量剪短
一嚟指甲長更易R損, 二嚟指甲易積細菌, 到時R損甩皮發炎一條龍

痕起上嚟訓唔到覺我好明
訓教時手臂可以帶冰袖, 去減少訓著左R損手嘅可能
另外如果你搵到啱你嘅保濕cream, 可以搽一大pat落去然後帶冰袖訓, 依樣做法叫濕敷


同埋近來市場出左款冇類固醇成份嘅濕疹膏
不過我冇用過, 你可以Google search下 “濕疹 pde4” , 參考下醫生意見


最後, 如果一啲所謂偏方我分享唔到太多
唔知你有冇聽過/試過 臘梅油？
我以前就係靠佢舒緩皮膚敏感問題, 亦都聽過一啲中醫講對濕疹有啲效
我用 香港凌萬全堂 嗰款


加油呀！

我都好想去 但疫情無得去
想問巴打係咪去完之後就無復發？

有冇睇醫生攞啲會眼瞓嘅敏感藥食下

跑唔到步就去做瑜珈

唔知有冇效
follow開嘅一個ig 佢會自己整啲純素嘅skin product
我見都好多人俾過好評呢個product
加上純素 應該會對皮膚冇乜刺激(?)
希望幫到樓主

當年曾憲榮畀過隻diprosone我...好重手好強力嘅類固醇嚟如果打算戒類固醇我覺得唔適宜搵佢

其實西醫治標最易見效 應該係抗生素+類固醇一條龍, 可惜兩樣嘢都唔可以長用

做人父母真係應該要考牌

幫推 加油呀

我唔記得樽藥咩名了 佢個時比勁大樽我搽
我有問過佢搽咁多會唔會有事 皮膚會唔會好薄
佢話就係要搽返薄濕疹嘅地方
又真係好返咗 無再出濕疹 連印都無