有濕疹唔係我想 辛苦到想死 有無人可以救下我

涼茶係唔可以亂飲
尤其你而家有濕疹
啱啱先見到你話食完中藥個人勁唔舒服,其實係代表個d藥唔啱你,
開錯藥,我初初睇其他中醫都試過

會唔會關屋企 塵"滿"事

staquis呢隻for濕疹用嘅藥膏，可以試下用。

我都試過成身冇一撻唔係紅腫出水
睇完荃灣曾偉雄好返哂
而家touchwood都白白滑滑
但情緒問題都關事 個時好唔開心先爆發
情緒好左皮膚都會跟住好
可以既話 盡量避下你父母
希望幫到你

唔可以食得咁清架 身體會愈來愈差
要有自癒能力要食蛋白質
同埋每日盡量食多啲類型嘅食物 咁腸胃個gut floral先會好 皮膚先會好

我個陣係每日都執六至七種瓜菜加豬肉或三文魚煲滾湯(唔好煲多過半個鐘 會無哂啲營養同埋熱氣) 再加每日食蘋果一個 再加每日蜜糖蘋果醋

以上配方未必岩全部病人 要睇自己有無對個樣野敏感

加埋用死海鹽、中醫（雖然感覺無咩用）同埋一星期行一兩次山 而家touch wood好返哂

如果面有濕疹 可以留意下有無鼻竇炎 同埋呼吸暢唔暢順 每朝深呼吸做Mediation都有幫助

利申：生到成身都有 最嚴重個陣上埋面 腫到唔認得自己 睇中醫中醫問我駛唔駛去急症

係，唔好用煩固醇，戒口，不二法門

加油 皮膚病真係會令人好辛苦我明
見你試咗咁多嘢都無咩建議可以俾你
希望你搵到一個夾到嘅醫生
一定有方法可以幫到你 唔好放棄

加油呀
你並不孤單
得閒既過黎搵你喺你屋企附近行下散下心

推

D人叫我介口
但我做過敏test根本無野過敏
要介口係因為你濕疹爆緊驚D野食會影響病情
根本唔關食得多某類野食,但某D濕氣重食物就少食D
海鮮我就試過食crab 同龍(哈) 會番發
人人情況唔同

我大爆個陣日日出街食白雞飯同海南雞飯咋

順便分享埋 我係用cetaphil intensive 好滋潤架

幫唔到你手，但睇落都辛苦，辛苦晒你⋯
幫推

巴打,建議你睇我介紹個2個中醫
佢地真係work架

唔知打針有冇用
樓主可以諗下
生物製劑

不過當然等皮膚好返啲先用啦
唔好怕類固醇
我之前都係類固醇反彈
但最後都係類固醇醫返好我

中環 梁治西醫生
之前因為其他皮膚問題睇過
記得佢有講過長用類固醇唔可行
佢自己prefer用無副作用/依賴性既藥
唔知幫唔幫到你🙇🏻‍♀️
但起碼可能有個機會

加油！ 我細個都成日有濕疹
出曬水 痕都瞓唔到覺嗰種
都係靠慢慢改變生活方式 戒口 保濕
大個左先好返
有希望既！唔好放棄！

去咗驗血睇吓自己對咩食物過敏先
然之後用西藥壓制住先
戒咗口之後會慢慢好
當然潤膚膏一定要查好

分享下，我二十歲度有濕疹，冇睇過醫生，最後靠自己節制飲食，持續一年之後就好返晒。

我係發現自己食完蝦蟹，尤其係蟹，啲濕疹就會好犀利，所以自此就唔會再食海鮮，另外都減少運動，因為出完汗對濕疹都會有影響。

另一方面，我發覺食完涼粉同龜苓膏，都會對濕疹有好方面嘅影響，會消左炎，所以我喺呢一年日日都會食一罐涼粉或者龜苓膏，食到朝朝都肚屙咁滯，啲屎係黑色同流質嘅，捱左一年。

大概一年之後就退晒炎，而家再食蝦蟹都冇問題，只係留低因為用類固醇留低嘅斑，同埋啲班有啲位出咗啲毛髮，Research過知道呢啲都係用類固醇嘅後遺症，所以奉勸千祈唔好用類固醇。

濕疹、類固醇反彈/上癮、紅皮症、戒斷類固醇/免疫抑制劑
- 分享自 LIHKG 討論區
https://lih.kg/758201

濕疹、類固醇反彈/上癮、紅皮症、戒斷類固醇/免疫抑制劑（二）
- 分享自 LIHKG 討論區
https://lih.kg/881788

我喺四年前，2016年，經歷同你相似嘅情況，生不如死嘅生活，用咗兩年去康複，而家已經好返哂。希望我過去嘅經驗可以幫到你。

樓主有緣聯絡到我嘅話，可以幫到你手

加油啊絲打，我知道濕疹真係好辛苦
日常生活上最緊要都係保持身體有足夠水分，包括飲多啲水，搽aqueous cream （唔同Physiogel或者QV等品牌因為每個人膚質唔同，其實冇話邊隻好啲）；其實屈臣都有大罐裝嘅AQ cream賣，可以試試，不過記住買hypoallergic formulation （因為有啲AQ cream含有一種可能致敏嘅表面活性劑叫SLS）；同埋千祈唔好唔搽AQ cream就搽油性膏（比如凡士林），因為咁樣會令皮膚更加乾

同埋好多事濕疹都同居住環境嘅致敏源同個人心情有關，如果你知道已有嘅致敏源或者持續唔開心，都應該尋求相關嘅協助啊！

正話你話類固醇同口服抗組織胺一係會反彈，一係已經免疫，我唔係好知道有咩好嘅皮膚科醫生，但都想俾小小insight你就係而家濕疹有更加多嘅治療選擇架！見到樓上都有話Staquis（crisaborole）係其中一種，第二啲藥物包括免疫抑製劑例如tacrolimus同cyclosporine，生物製劑例如dupilumab，甚至係光照治療（phototherapy）都係可行嘅治療方向

祝願絲打早日康復！

三十年濕疹路過
我睇開何翠芳 佢有哂中西醫牌
我睇左好多個西醫都唔work 所以睇佢係睇中醫


不過我覺得關香港d水質同空氣事
我早兩年去左韓國旅行
兩次都係沖左兩日涼d皮膚就開始好同唔出水