有濕疹唔係我想 辛苦到想死 有無人可以救下我

我都係濕疹好嚴重 成日都流晒黃色水 要用紗布貼著
最難受既係連私人部位都有 真係好唔開心 好影響自尊
每次搽完醫生開既類固醇 好完一排又會再番發 啲皮膚越搽越乾+薄...唉

黃國安？

cbd cream

上年都無啦啦有濕疹
完全明白樓主既感覺
希望樓主可以早日擺脫濕疹
睇文已經覺得你好辛苦
你應該再早啲上黎開po等有經歷既人分享下心得
同正能量我覺得都好重要
屋企人唔體諒唔緊要 呢到仲有大把人關心你
加油！

試吓睇何家強？

Pm我
過來人

完完全全明白你,你睇返我以前po,我建儀你去睇政府專科醫生到睇可能會叫你試隻免疫抑制劑 硫唑嘌呤（Azathioprine）
個個人醫嘅方法唔同,你試過嘅嘢我都試過.
同埋唔撚好食類固醇,記住記住唔好食.好強調講真係唔好食唔好查
到他日你更嚴重入埋院啲姑娘見到你咁都幫唔到你仲更加谷底

心理影響生理 家人朋友唔幫你 你仲有自己可以幫到自己 我信你一定可以撐落去

迫自己唔好R ,我忍下就好返好夕水，但對腳都係爛左

我就係成功斷尾既例子，亦有唔少人成功斷尾

西醫話無斷尾，係例如有啲案例，病人皮膚先天無法鎖水

你一刀切話無斷尾，講野不負責任，害人不淺，如果事主信你就慘

你講隔離post跑步跑好嗰個唔知係咪我。

唔好怕類固醇，用得啱就冇問題，我醫生叫最多搽7日，之後要停番7日先再搽。搽到消失左就停，唔一定要7日，搽左幾多日就停番幾多日。

你搽一排，到你傷口唔會影響你跑步時，就keep住跑下，最主要係想出汗，唔洗夾硬嚟，慢慢試下。覺得跑步悶就做其他出倒汗既運動，但一定係要運動出汗，唔咪焗汗。

然後就一路咁樣重覆，番發就搽，好番就停，唔好比佢影響你做運動出汗。

慢慢你會發現隔耐左先出，出又會出少左。

睇到好心痛 祝你早日康復
唔好放棄 一定有方法的!

希望你快啲好返

加油💪🏻

中醫呢啲偽科學真係累死人
你想有生活？
keep著用類固醇吊命啦
咩偏方死海鹽椰子油自然療養法冇用架喇，有架話皮膚科醫生執曬啦

絲，過來人試過由頭爛到落尾， 以下少少分享

你睇過嘅醫生我應該都睇過晒，睇到自己配藥算，因為黎黎去去都係嗰幾味。以前好嚴重嘅時候我會去藥房開Cetirizine（抗敏藥），一日一粒/ 早晚一粒，藥膏買Elomet，少量患處搽，配合完全只食菜類，3日到皮膚停出水消炎後就要停啦，我就即去睇中醫。 中醫真係人夾人，我經過好多次試驗，我發現除咗飲食環境整潔之外，睡眠對個病情影響好大，醫生開始用中藥調整我睡眠質素，同埋身體內嘅虛火。因為之前身體成日都散唔到熱，令到皮膚好乾嚴重到會發炎出水又痕，而食岩中藥後，就已經冇爛身爛勢，好返晒。同埋我最近發現沖涼嘅水都會影響皮膚，氯氣太勁要買沖涼嘅濾水器，而家連頭髮都唔使落護髮素。

香港地生活咁大壓力，只要一唔夠休息我就會黎料，但已經冇以前咁嚴重。而家已經冇食藥，反而會買維他命補充品去保養腸胃同睡眠質素，不過呢啲都係後話啦，首先都係要幫皮膚消炎先。

呢個病可以好反覆，如果情緒唔好只會更影響病情，所以一定要學識同個病共處，作息一定要定時，我視為自己人生課題，心態好重要，共勉之。

原來咁多人有濕疹。。。
樓主老豆老母真係唔係人嚟，都唔知生嚟做咩

係呀 可以煲到好好味架
例如 青紅蘿蔔粟米薯仔洋蔥
有時仲會加紅菜頭/東瓜/南瓜/菇類/蓮藕等等
不過都要睇下夾唔夾味 有次陣味煮到出來勁古怪

無咩胃口都要食 最多食慢啲食少啲囉

一個月比唔比得起4萬?
要打半年先好

I know that feel
瞓醒d手指又損哂
我試過真係好痕r到鞋哂
我飲蛇湯
飲1,2次就好似好返好多

對依方面冇咩認識幫你唔到只可以同你打氣
絲打要加油頂住