有濕疹唔係我想 辛苦到想死 有無人可以救下我

加油💪🏻

丹羽真係有用，唔一定要去日本嘅，我食佢隻SOD同茶丸都好大幫助，尤其類固醇rebound 時期。

除咗斷食，其實食純素都有用！
蛋奶肉必須戒，戒咗3個月完全斷尾

利申：以前嚴重到訓又訓唔到，工都返唔到

我屋企人都有濕疹 我覺得睇完你篇文 控制好自己情緒係最緊要 我明白好難去唔在乎人地眼光 特別係屋企人 我屋企人就係一情緒爆發啲濕疹就好癢
試吓搵d開心嘅嘢做 例如 學下野進修自己 唔開心果時 落街吹下風 同好朋友一齊分擔咁
如果你講有咩方法令你舒服啲 我會建議你去參加wederm 搞果個濕疹course 內面有好多同行者 一齊分擔下 試多啲濕疹同行者推介既方法
同埋 試吓訓之前輕輕做十分鐘伸展運動，如果你爆緊濕疹 甚至靜坐，希望幫到你訓
絲打 加油

有一種濕疹係心情影響而爆出黎
你盡量要判斷自己係邊隻濕疹

做下保濕搽下cream已經好夠
唔好搽類固醇, 痕要忍
唔怕死可以搽無比膏, 但搽完都係要做保濕

我細個開始有濕疹，手、腳同背脊有，十幾年睇咗無數中西醫，食藥針灸戒口，煲啲唔知咩水浸手浸身等等。最記得有個中醫話要排毒，連續食一個禮拜藥跟住排曬出嚟就冇事，瀉咗三日連阿媽就唔敢煲畀我飲

前幾年睇咗個醫生，佢開啲好普通嘅敏感藥丸（藥房唔洗醫生紙就買到嗰啲）同藥膏畀我（唔洗覆診返去配藥就得，上網查過同之前搽嗰啲差唔多），但教咗我啲生活習慣：

1. 勤搽cream，洗完手沖完涼一定要搽，所以我成屋+office+袋都會有枝cream。我有show畀醫生睇我搽咩，佢話一般市面嘅都冇乜問題，最緊啱自己同搽完冇差咗（例如痕/腫），唔洗追求啲好貴、廣告標榜醫濕疹嘅。
2. 先搽cream/lotion（補水）再搽 ointment 油劑（保濕），如果你乾爭爭咁搽油劑，對手根本唔夠濕，只係感覺上好滑，唔係真滋潤。
3. 著長袖棉質衫褲，全天候戴棉質手套包括瞓覺（12蚊店有售）因為你未必知致敏原係乜，有時掂咗都唔知。另外搽咗cream/藥膏嗰啲會好快high到冇曬。
4. 剪指甲。有菌同易R損。
5. 除非知致敏嘅食物係乜，否則戒口冇乜用（西醫唔信濕熱乜乜物物），冇得食鍾意食嘅嘢好慘，對精神健康都有影響，精神健康對濕疹都有影響㗎。雖然係咁，我都有聽之前睇過嘅中醫講少食啲濕熱嘢（例如芒果），但仍然成日食海鮮。
6. 出街一定要搽防曬，因為皮膚表層破壞咗會更加容易曬傷，同cream一樣，搽完冇差到、啱自己都冇問題。

醫生仲話唔洗覆診，因為除非係藥物敏感，如果唔係都係開返嗰啲藥畀我

我依家好咗好多，已經有三年冇大規模爆發（全身咁爆），都係得啲零星濕疹（幾隻手指/一撻撻咁發），一出就㩒住佢，包括食粒敏感藥同搽醫生開嘅藥膏，通常幾日都會減退返。

我平時可以就咁返去配藥，但我之前專登約見醫生想多謝佢，點知佢話唔關佢事，好返有好多因素，可能係生活習慣，可能係咁啱嗰隻藥啱我，可能少咗壓力，可能係我老咗

老實講我睇過好多中西醫都係親戚朋友同事介紹，醫得好佢地但又未必醫得好我，所以都係要慢慢試，盡量維持良好生活習慣咁，希望好快你可以控制到病情，過返啲正常生活，you're not alone

agger vaseline好

樓主加油

絲打加油呀
情緒其實真係好大影響
我知道好難
不過希望你唔好灰心呀！
我細佬以前都有濕疹
佢食咗顧小培博士嘅營養產品兩年到
之後完全斷尾
佢係藥學博士 咁以前喺美國啲藥廠做
之後就自己研究藥 佢係研究用啲比較平民嘅草藥去做健康
產品 （一般藥廠唔用 因為賺唔到錢）
我建議你真係可以去睇下佢
佢唔會一黎就叫你買咩買乜 佢會用好多研究報告同你分析病情（唔收錢）
而我自己有眼疾 佢啲嘢對我真係有效
門市喺尖沙咀
希望幫到你！支持你

信中醫真係on9
中醫真係垃圾黎..我睇西醫好番既。無介口。只係多飲水做運動.同比好勁既類固醇.食同搽..都好番成6-7年..

我前幾年都試過突然有濕疹
對手生哂水泡 勁腫 流膿
睇西醫短暫好返
一停藥就又復快
—
後來調整返情緒 轉咗工
休息咗一個月 就好返 d
依家手同身都仲有濕疹
但不至於好似之前咁嚴重
—
我明濕疹痕起上嚟真係會好躁
我成日講 痕到好想斬咗隻手落嚟
試下揾啲有興趣嘅嘢散心
調整一下情緒
一邊揾方法治療

睇你打嘅都覺得好辛苦
我之前都有生過濕 復發幾次 成晚都瞓唔到 夜晚特別煎熬..搽咩都冇乜用
淨係知唔可以沖涼沖太熱水 盡量都凍水
椰子油對我都有小小幫助
同埋一搽薄荷野會仲嚴重
有濕疹仲好影響自己心情
雖然好難 不過希望你可以保持心境開朗

試過有濕疹
搵到過敏原 唔食就好左9成
睇中西醫都係冇用

我 5 年前因為讀設計成日捱夜唔訓，搞到開始有濕疹。呢 5 年黎，我濕疹愈黎愈嚴重，但有近年黎，我開始識得控制佢，減少佢病發次數。

1. 唔好捱夜，訓得好，已經可以好返好多。
2. 訓前訓醒，要搽夜保濕，特別係訓之前。
3. 戒口方面，我建議你食益生，打理好自己腸胃先。然後就間唔中都可以食下牛。（當然如果你係勁敏感既另計）
4. 壓力，真係好大爆發既主因之一！堅係要學識減壓 ！如果唔係，濕疹一早，你會因為好核突唔想見人。但由於要返工/返學有得唔見人，所以會搞到自己好唔開心，好大壓力。然後濕疹又會爆得甘 d ，就係甘沒完沒了 .... 惡性循環！
5. 運動，堅係要做運動 ！好有效改善體質，繼而改善濕疹出現次數！我知你依嫁好嚴重，做唔到運動，一出汗就仆街了 ... 所以，我最尾先打呢個原因。希望你試左上邊 4 個做法之後，皮膚一好返，就要即刻開始做運動，唔好等！

以上係我呢 5 年向濕疹上邊既血淚史 ... 希望幫到你。

最後，送上西醫一名，如情況嚴重緊急，需盡快護理，可以試下佢。雖然斷唔到尾，但好有效，好多人睇，睇醫生+等囉藥，你預 3-4 個鐘。我明白中醫先有機會斷尾，但我一直搵唔到岩我既中醫 ... 同埋中醫要長期睇 ... 好貴

西醫：黃錫明 - 地點旺角 （自己上網查）

再有野想知，可以 pm 我。

忍住唔r得唔得？

好似有大麻製藥

CBD油啦 好有用下

自己食緊PGut

Ig: biomed_hk

絲打可以睇下我個po

加油 唔好死 你捱得過 好叻女你已經 好多人支持你