有濕疹唔係我想 辛苦到想死 有無人可以救下我

物種變異

壓力越大對個病越唔好㗎

我個陣佢已經係瘋狂排隊狀態，你係呢輪睇過?

推依個 我都係用類似依啲方法 早排爆到全身流水落唔到床自理唔到 透過飲食攝取高密度營養令身體回復自愈能力 係咁谷啲毒出黎(會爆得再勁再徹底啲) 2-3個月後慢慢康復到做到正常人做到嘅野
另外推NNTskincare 店主係類戒過來人 你可以dm佢 會俾到有用資訊你

有冇試過戒米飯

試下去個凍的嘅地方

加油 自己都有皮膚問題 明白樓主有幾絕望

我都係嚴重濕疹人
完全明白
真係同路人先會明
我睇緊政府食緊一d抑制免疫力的藥
但有好多副作用，都係見步行步

加油！不要放棄！

樓主平時食咩
戒口嗰度我想畀啲意見

加油啊絲
我之前啲濕疹都好嚴重 都有睇過你講嗰間西醫黃X明同埋有睇過中醫 到最尾係睇中醫好返嘅 睇中醫個過程都用左四個月 同埋每一晚都會不停茶AD Cream 我覺得呢個cream都好有用同埋好止痕 你可以試吓

睇長沙灣吳毓輝，我有十年以上都比佢搞掂咗
同埋我而家有時會飲花旗參，以前中醫話濕疹唔可以去濕，係要滋陰
同埋始終係免疫系統嘅關係，年輕嘅時候的確會嚴重啲，荷爾蒙嘅原因。
加油，不要放棄

絲打有冇認過係水既問題
你屋企有冇裝過濾 東江屎水同d大廈喉管可能有影響

我一到廿歲左右就開始生濕疹
但係唔算好嚴重，但係有時都會出血

當時係用死海鹽嚟敷，但係之後都係有輕微濕疹
之後一轉咗用番梘，唔用沐浴露沖涼之後就好返晒
我就係上iherb買死海鹽番梘嘅，暫時都覺得幾好

（見你冇提日常沖涼用品，純粹想講吓用咩沖涼都好緊要）

建議每日食番啲肉，因為唔食肉皮膚會乾

如果戒得太勁，咩都唔食得心理壓力會好勁
如果皮膚出好多水，可以試下去d乾同凍既地方住下。 我響英國，通常皮膚唔會出水，不過變左頭皮濕疹。 番到香港夏天就條頸就一定黎料最嚴重係去新加坡，要去沖凍水涼先令個人冷靜落黎。r到出哂血水。
覺得心情好影響個病，我起身見到張床有皮就會炆[bomb
我最好個期係一個人去日本住dorm, 住dorm會忍手唔r痕，同埋成日排到好滿，係咁行路，心情都會放鬆d. 加油加油！！！唔好放棄！

又一個白馬嘯西風

耐唔耐都會見到濕疹po
真係好心up
只有過來人先明你痛苦
見到樓主真係好多嘢都試過 我都唔知可以比到咩意見你
或者圍爐等呢度啲人一齊開解下 會舒服啲 至少唔好唸埋一邊 釋放下啲情緒有幫助

身為過來人 我有啲建議就係 如果好痕 試下搽無比膏 或者按摩膏 或者冰敷 等個種冷凍麻痺自己啲皮膚 等自己冇咁痕

至於食物就都係清淡為主 但我見你戒得有啲太清... 唔知你係唔係真係咁多敏感 定 你怕樣樣都有問題所以唔試... 其實我就認為冇必要咁清 睇下你會唔會想做個食物敏感測試 睇下有咩真係唔食得(我冇做過唔清楚係唔係真係有用) 因為食咁清其實就冇乜營養

你可以試下用一個禮拜長度紀錄自己食過啲乜 其中試下加一啲新食物 睇下係唔係真係過敏 咁樣

運動都有需要 雖然 運動出汗係好撚辛苦 又喇又痛 係一個惡性循環 但可以由一啲低強度開始 例如 stretching 或者 yoga 去做 出少少汗 好撚唔舒服就即刻去沖涼 沖涼記住唔好沖熱水 一開始入去可以 有少少暖水 但我會慢慢較凍 最後基本係凍水出嚟
反正香港仲係23-4 度

最後訓覺就係試下用478 呼吸 同 一路訓一路聽啲relax music訓 記住唔好訓覺之前碌咁多電話 同埋訓唔著都唔好碌咁多 (雖然我知好難)

希望幫到你之餘 亦都希望你盡快脫離呢個無間地獄

利申 試過同你一樣情況 都係濕疹 搞到想自殺 呢排轉季 又差返啲

阿妹，凡事總有出路架。
如果負擔到的話，試下去皮膚科醫生打 Dupixent，應該會改善嘅。

屌你老母臭閪你老母骨灰搵返齊未?傻閪

生風疹既話 食益生菌有冇用？想知邊隻有用
祝樓主早日康復 大家都唔會有呢啲濕9病

食水,沖涼水,洗衫水改用過濾水試過未？

第一次打要一次打兩枝針做starting dose
之後每兩個禮拜一枝

兩枝就16000$ 一買要買兩枝

我旺角打 我醫生話要打就嚟佢旺角鋪打 佢中環鋪會貴啲

絲打加油
你老豆老母好撚有問題
其實佢地都有責任 唔可以你遺傳而家先發架咩
咁樣同自己個女講嘢都有