有濕疹唔係我想 辛苦到想死 有無人可以救下我

呢個建議最高質
上面果d 仲講緊戒口

濕疹過來人，每個人的發病原因都不同，有時真係要夾啱醫生先分析到你個原因，希望你可以儘快搵到幫到你的醫生

收下把口啦

有無做過意大利有個新嘅過敏測試？
你會唔會有機會係免疫系統出左問題？
免疫系統過敏？
有無試過keep住兩個鐘搽一次cream加油咁用

試吓去 Facebook search 我不是濕疹 是類固醇上癮

呢個group入面好多戒緊類固醇嘅同路人 亦有好多戒類成功例子

加油 戒類頭一年地獄期唔易捱

絲打，我諗我最嚴重同你差唔多
瀨野過程同你相差無幾
隻腳流水牛仔褲都透底，
醫左兩人幾三年而家好返八成
得返啲手指同腳比較嚴重

煽情野唔打咁多，我歸納返自己覺得有用而可實行比你參考下：
去過廣州中醫院睇中醫，係有少少work但好麻煩下唔太建議。
治敏膚，早晚兩粒，有一兩個fd同我自己食都有用，但幾貴下（一個月五六百左右），可以入會平啲，呢個我當supplement長期食，食左開始收水
做運動，開始收水就去做gym，一星期三次，操完腳會覺得排左好多濕。
面搽cera ve或者天氣太乾用埋日本yuskina（橙色）， 身用vaseline 白色，上面有講aq cream，但我check過有種致敏成份所以避左，試過avveno，因為溝埋啲出水味真係太臭加上好貴，所以最終都用返vaseline，不過搽野要睇天氣，同埋我會溝住用，好似沖完涼塊面會搽cera ve先，再用yuskina，睇皮膚覺得舒唔舒適再調整

後期（好左六七成），開始係iherb訂supplement
-排酸丸，濕即係酸，排左腸胃好咗
- 神經酼胺，呢隻堅有用，幫皮膚鎖水，啲女人老左話食左會比較多水份，同理用係濕疹又work
- black seed oil，中東神奇草本精華，唔知係咪安慰劑，食左增強勉疫力
- 蛋白粉，你甩咁多皮又食得咁清，只會越黎越瘦，食啲whey protein對你免疫力好啲，同埋皮膚更新得好快其實身體好需要蛋白質

鬼覺得運動習慣係關鍵，唔好因為醜怪唔好做運動，係屋企玩下hiit慢慢黎，食多啲野，加油
抗組織胺有好多隻，要溝住食，但盡量少食，我多數用黎幫手訓覺

至於父母方面，你可以大大聲屌撚柒佢地基因唔好搞到你咁，人不轉念轉，早日康復

啤梨哥有隻濕疹番梘，你可以試下得唔得

老豆老母係咪on9的

好可能真係香港天氣問題祝福你快啲好返

另外有無試過係廚房加浴室花灑裝晒濾水器
有時水都會關事

幾皮野可以好番既話
其實應該諗諗
再咁落去 個問題有機會令你學業同工作都停晒
損失更大
幾萬蚊 1年半載已經還清

曾經睇過新聞, 喺外國有個嚴重濕疹嘅女仔, 又係試過好多方法, 但佢話得一個方法令佢減輕症狀, 就係燕麥
但我已經唔記得佢係點樣應用
我自己有少少局部濕疹, 我當時係用燕麥沖涼/浸浴, 一個月後就好返

試下針灸

利申：已經好返

試下屯門新墟陳永明
排毒(痾屎痾尿)都好緊要, 食多d火龍果/橙喇 同做多d運動喇, 一定要戒凍野, 勤d剪指甲, 加油

樓主，你唔係自己一個架，我有親人都好似你咁

根據佢經驗，無論中西醫都有機會出現你講果種情况，醫唔好不特止仲可能誘發更壞後果，同埋類固醇用得多會引致依賴同withdrawal

佢最後都係靠戒口（戒晒麩質、糖，肉類同海鮮只食雞、豬、魚），用一啲全天然有機產品（佢用阿勒頗番鹼）

最最最重要，濕疹係同壓力好大關係，無論幾難都好都要嘗試搵方法令自己情緒紓緩啲，我親人用左呢啲方法，叫做穩定返啲

同埋如果真係好痕，用凍敷好過r 爛自己皮膚

所有野包括濕疹都係會過去的，希望幫到你，加油

成個post得一個正常回覆

同我當年嘅情況一模一樣 我依家18歲 由出世兩個月開始有濕疹 高小的時候 濕疹都係嚴重到返學嘅時候 我個座位附近全部都係皮屑 身邊嘅人好似對我都有少少歧視嘅目光 行步路都覺得膝頭的皮就黎撕開 成身都r都出曬水損曬 日日沖涼都好痛 成日都癢到訓唔著 我好明白絲打嘅感受 我都嘗試過好多方法 唔同西醫 類固醇 中醫 氣功 偏方 而且都已經戒咗口 但係所有方法都冇用 見到以上其他人都話做運動食補品睇開啲 其實呢啲對於濕疹咁嚴重嘅人係冇乜用架 做運動一流汗 皮膚就又紅又痕 啲皮本身裂開咗郁動嘅時候都會好痛 而且濕疹咁嚴重真係好難睇開啲 後尾升中一嘅時候 我睇咗一個西醫係喺尖沙咀嘅 叫黃偉明 佢同我做咗敏感測試 搵到我嘅致敏源原來係塵蟎 而塵蟎喺香港其實係無法避免嘅 (據我所知香港其實好多人都對塵蟎過敏 一般食物過敏測試係測唔到嘅 唔知絲打會唔會係同一個情況）嗰時香港啱啱開始引入生物製藥嘅打針療程 不過未有其他病人試過 但係因為我果時真係冇晒辦法所以開始試左 個療程其實係針對你嘅致敏源 例如塵蟎 在服用或者注射相應嘅生物製藥 我一開頭係每個禮拜打一針 後來就變到幾個月打一針病情越好 打針嘅頻率就可以更低 結果試咗幾個月 已經有超明顯嘅改善 冇再出水 啲濕疹退咗好多 亦都唔需要再戒口 食到返以前食唔到嘅嘢 到依家大部份皮膚都已經回復正常 其他人完全睇唔出原來我有濕疹 人都開心番 終於冇再比濕疹影響讀書 生活真係改善咗好多 依家已經出咗口服療程 比起一開頭嘅打針更方便 我都由打針療程轉咗做口服療程 建議絲打可以試吓 不過佢收費有啲貴 要千幾蚊一次 但係對我來講真係好有用 簡直係完全改變左我嘅生活 冇再影響我讀書 唉 見到你篇文 令我諗翻起當初嘅痛苦 真係好體會到絲打嘅感受 希望你快啲好返

細個最嚴重全細都有 關節位頸個d全部傷口 冇忽好肉咁制

由其是頸 滲出黎d血水染到d衫都係 又痕 超辛苦

方法都係搽西藥 唔食甲殼類海鮮 盡量唔好俾d汗流到有疹地方

大個左都好左好多 不過頭後面背脊都仲有 雖然已經唔痕 但都好想搞好佢

最近開始試睇中醫 希望有用

絲打 我之前都好嚴重 同你一樣成身出水 訓唔到
香港睇極中西藥都唔得 最後去左日本醫
如果金錢許可(喺香港專科睇睇埋埋可能仲貴）
去日本清水市個濕疹醫院 係人生轉捩點

呢個世界咩人都有 巴打 你無錯 有頭髮邊個想做癩痢？
我地無辦法改變他人嘅行為 就唯有改變自己嘅想法
唔好同嗰啲毫無修養嘅賤人一般見識

真係真係要搽類固醇 一定要搽左潤膚膚吸收左先搽類固醇藥膏

我唔係生濕疹 但之前試過生暗瘡一樣生到好辛苦
冇咩可以幫到你只可以講聲加油

我今年31，早幾年爆到七彩手腳身全部爛晒，西又試過中又試過，試到最後中加西一齊搞又好彩而家叫做穩定左，叫做唔使日包夜包啲傷口

試多幾個唔同醫生同方法，總會有一個令自己感覺最舒服，共勉之