有濕疹唔係我想 辛苦到想死 有無人可以救下我

有皮膚病真係好折磨
幫你推吓 唔好放棄

我本身由頭到腳板底都係
去完好返8-9成 無出水無流膿一覺訓天光
返左嚟差唔多一年 除左有時夜訓手面會痕返 其他都無復發

西醫治標 中醫治本
呢d真係偽科學謬誤黎
係有用就標同本都醫到

試下用cbd產品去慢慢代替類固醇

其實西醫睇邊個都差唔多
因為西醫用藥標準化
個個都係開差唔多嘅藥

加油絲打 祝你快啲好返

唔知
我係因為濕疹先搵佢

我雖然淨係幾日生過濕疹
但我生左十幾年好嚴重嘅暗瘡
明白壓力有幾大,仲要屋企人唔supportive...

可以試下係iherb 買啲薑黃素食，最少可以令到你唔會R啲濕疹位置

加油呀💪🏻

ex曾經全身嚴重濕疹雙手爛到連牙刷都唔夠力拎之後佢睇廣華醫院中醫飲中藥同用中藥浸洗皮膚持續左大半年之後接近完全好返，偶爾會有小小番發已經唔會影響日常生活

我本人近年雙手都有濕疹，如果持續痕癢就黎r到有傷口之前就用睇西醫用剩既類固醇壓一壓制返之後不停用卡倫保濕，極痕果陣就用日本曼秀雷敦ad膏止痕因為日本版有麻醉藥成份效果好明顯

https://youtu.be/QuZlPRrb8FM
斷食同生酮飲食好有用
糖 碳水化合物都係毒藥黎 加劇身體發炎
斷食就好似reboot身體咁 清除毒素同多餘既細胞



利申1年前同你一樣 入過2次院 住左廿日
後尾調節飲食加在家休養先慢慢行到路
好感恩而家出到街 起碼D人無望住我 歧視我
唔好用類固醇啦 只會更差

我本身有一排突然惡化，果排每個星期都睇research paper, 最後都平穩返。我有幾個point, 睇下幫唔幫到你

1
我好似見你話有換床單，我建議你用防麈蟎床上用品會徹底啲。因為塵蟎會喺床褥枕頭入面住，然後夜晚出黎。你就會接觸到佢地排泄物或者屍體而敏感，所以就咁換床單無咩用。香港賣呢啲被鋪野好貴，amazon 會平啲。大概千幾蚊枕頭套+被套+床套可以搞掂。

臨訓之前用可以吸塵蟎嘅吸麈機吸一吸會好啲，你第一次吸會吸到好多白色粒粒（可能係你嘅皮sik, 又有人話係塵蟎）。但係其實唔使dyson,有其他牌子都做2000到就做到。我本身無用專除麈蟎果啲機，因為見吸力太細，果啲紫外燈要長時間先有用。就咁照一照真心唔知有咩用。

2
我自己都有類固醇反彈，但係如果你覺得類固醇可以幫你平復到病情，而令你生活質素上升返，我都覺得你可以睇住黎用。因為心情壓力都會影響都病情。你咪當buy time,同時睇下有無第二啲方法可以幫到你。

3
supplement 我都試過好多，我初初都以為就咁食supplement 可以斷尾，結果就大爆發。我都問過醫生，佢話暫時無research paper 話有咩supplement 對濕疹有幫助。我而家有食omega369同維他命雜，叫做啲皮膚無咁乾。我唯一未試過嘅係益生菌。我聽過啲人話去檢大便睇下大腸內差啲咩菌然後去補返。你都可以睇下呢個方向啱唔啱你。普通supplement, iherbs 平好多，但係益生菌就睇返佢有無特別嘅儲存要求，iherbs未必可以做到。

4
除左睇皮膚科醫生外，果時我都search過有人會睇免疫科醫生去醫濕疹。你都可以參考下。

5
仲有痕嘅時候避免r佢，我就通常會拍個傷口拍到痛就會唔痕。r佢損左就會有新嘅一攤濕疹。

希望幫到你la, 你都可以去fb 有個濕疹group再問下人意見或者睇下有無人可以互相support下。不過佢地通常都叫人界類固醇，自己睇下咩啱你la.

有朋友係查cubedhk藥膏
搽左幾日爛既位收哂水
目測好左8-9成
佢話樽野係介類固醇用

老母話會易有敏感同氣管差
老人家野都係講個信字

regular:每幾個鐘噴olay保濕噴噴加搽無印良品jojoba油
痕既話搽藥房買到既薄荷膏

你試一排就知道正好好用

我係回應返上面位巴打，佢話「治本......可以用少少」
治少少本？

要打到幾時？

其實都係一年時間，你試左幾個皮膚科，幾個中醫，一堆偏方 ，每樣都唔知有冇一個月就轉，好難好wor