濕疹上年先開始有 9月開始不受控制 我好辛苦 每日最多淨係瞓兩個鐘 瞓醒起身成張床都係皮 好似沙漠咁 啲皮膚出水出到 每日要換3套睡衣 一日24個鐘應該18個鐘都係喺度R皮膚 完全停唔到手
全身皮膚都爛晒 伸唔直隻手 行親路隻腳啲皮膚都好似撕裂到就爆咁 真係好痛 學業工作亦因而受到影響 上堂專注唔到 因為企唔得耐所以反唔到工 停左收入
儲蓄亦用得七七八八
我未出過國 未去過旅行 一路都好努力反pt 想揾錢去見識世界 但辛苦儲返嚟嘅所有錢都用哂係哩個病到 真係好可悲 但更可悲嘅係我父母亦都唔體諒我 老豆老母處處中傷 問我係咪出去同人亂扑嘢 話我係生性病 叫我行遠啲 話我仲臭過乞丐 句句諸心 身痛 心更痛 我掂完嘅搖控 水壺 佢地仲會即刻拎去清潔
其實有濕疹唔係我想 我已經好積極咁樣進行治療 已經盡我所能..
一開始我啲濕疹只係生係隻腳到 範圍好細 去咗睇西醫佢開咗啲類固醇比我 查完類固醇啲濕疹係好快好 但係兩個月之後就翻發
而且越發越多 之後都係keep住睇西醫 睇左好多好出名嘅皮膚專科
黃x明 譚x棠 楊志x...好多好多個
佢地主要都係開類固醇比我 係好快見效 但係好快又反彈 而且每次翻發嘅時間都會愈快 濕疹範圍亦都愈發愈大 由一開始$5銀大細
到而家大過手掌 不停出水 紅腫得好勁 手又不停生紅點
之後上網搵資料發現我呢個情況應該係類固醇反彈 就開始戒類固醇 亦拒絕再睇西醫用類固醇 最多食抗組織胺藥(但其實已經食到純哂無乜用)
我仲去左睇中醫 但係睇完情況仲嚴重左 全身不停生紅色點 食完中藥個人勁唔舒服 個胃勁痛不停肚瀉 隻腳出水仲出得嚴重咗
我知道中醫係人夾人 所以唔死心咁去睇多左兩位 仲試埋放血針灸過程痛到生不如死 係咁流眼水 今次無乜副作用 但係都係唔太見效
因為搵唔到啱自己嘅醫生就開始試吓偏方浸死海鹽 用金銀花水 芫荽水 蛋黃油 食益生菌魚油等等嘅補充劑 搽銀水黃獅子 用平凡媽媽濕疹同行嘅產品 但係都係0作用 仍然不停出水好痕 依家都唔知應該查啲咩
我已經好乖咁樣戒口 戒糖 麩質 蛋奶 海鮮 牛 所有濕毒嘅嘢我都冇再食 水果都好小食 床單被鋪日日都換 所有日用品換哂做低敏純天然類型 我仲去咗做致敏源測試 但係都係搵唔到自己對咩敏感
有諗過做運動 見到隔離鋪有個巴打跑步有改善到濕疹 但我連行路都好吃力..跑步對我而言係天方夜譚
我真係唔知可以點 我好攰好攰
有晚辛苦到不停喊 仲拎肽想吊頸一死了之 最後比我阿妹見到阻止左我 事後我都有反思過 咁樣就去死好脆弱 其實我都好唔甘心 有好多野做想做 我仲有好多野需要做..
再嚴重落去可能要停學 但我真係極度唔想 咩都唔緊要 冇得食自己鍾意嘅嘢 無得打扮 出街比人用異樣目光掃視都唔緊要 但唯一我唔想放棄 最著緊嘅係讀書 我好想快啲好反 我想讀書拎獎學金 快d畢業出去做野逃離呢個屋企
我實在無辦法 所以我係到求下連登咁多巴絲打 有無人有方法可以令我舒服啲 或者會有中醫介紹比我 ..
（因為某d原因我唔用tg 所以無得pm）
真係咩都試晒。加油
