有濕疹唔係我想 辛苦到想死 有無人可以救下我

或者佢地一比面色你睇，就不停喊，喊住咁話返佢地唔啱，佢地再言語傷害你，直情就係佢地面前吊頸，我就唔信做父母會咁忍心

雖然我唔知有咩方法可以幫到絲打你，但都祝你快啲好返

You are not alone

我去到中五又係突然間濕疹，之前一直都冇 成身損曬出水，好撚辛苦，果時真係想去自殺
走去睇中醫，戒口戒到勁清，睇左成半年先完全好返，但係過左一年後又返發 變返同之前一鳩樣
之後走去睇楊志強醫生(係中環) ，一個星期已經好返大半
佢仲話唔洗戒口，除左酒之外
而家好返幾年，冇戒口 酒照飲，間唔中有好細既返發，即刻搽藥過幾日就好

我會用煮熟芫茜拎黎搽 同芫茜水飲 雖然好臭但堅持左一陣都好好多！
你好叻架啦！

去睇沈祖明
我睇完之後冇乜事！
聽日打去排期！因為多人睇到要一個月先睇到 但真係好有用

唔好放棄 加油

我個排仲有用死海鹽﹐一開始幾痛﹐但幾有用

Gayau

絲打加油啊
我以前有一排身體勁差 個陣大學住hall 生活勁唔定時
作息唔好（例如：遲睡早起、成日食熱氣野、唔吹乾頭訓）
之後搞到個人起濕疹 塊面同背隻都係
癢到我日日唔舒服 之後自信心勁低

宜家搬返屋企住 生活習慣好翻好多
同埋無咁大壓力
宜家無曬濕疹

類固醇唔好搽啊 越搽越難戒
寧願搽D普通保濕cream金盞花膏之類
同埋做多dd 運動 去下濕氣
改善自己生活方式
如果訓得差可以試下食melatonin 令自己訓好D
每日飲米水 薏米水

祝你早日康復

咦 我中醫都話食蛇對醫濕疹好

絲打建議你戒口期間要加強注意維他命吸收 尤其是係維他命a同c 有某啲人體質對於維他命吸收程度試過會直接反映喺皮膚度 好多時長期缺乏維他命而又冇諗到呢方面 最後可能就好似你咁搵唔到源頭 如果懷疑自己唔夠維他命可以上iherb嗰啲到百幾2百都有一大樽綜合維他命嗰啲食到好耐 可以試下 反正有冇濕疹食都係身體好嘅

伸利: 之前濕疹又係睇唔好 後尾食維他命開始有改善 希望可以幫到你

我覺得最大問題係出於你父母
你不如試下去朋友屋企避難/揾好鄰舍提供短期住宿
因為心情差真係勁影響濕疹/皮膚敏感，
個人燥起上嚟成日會忍唔住R，最後就愈R愈爛

利申之前日日同屋企人嘈到仆街，
皮敏+濕疹跟住發到成身都係，搲到人都癲，
比朋友話成個樣勁殘勁冇精神
最後一路睇西醫一路靠自己稍為戒口一路保持心境平靜
而家好到只係隔一排會R兩下撻濕疹，皮敏全身好翻

可以試下飲亞麻籽油 一田有得買 每日一匙羹 同你一樣有濕疹問題 一齊加油

唔知你睇唔睇到
不過介口真係好緊要
自己整肉餅
唔好落胡椒粉
食1個月 係係淨食肉餅同菜
水飲樽裝水
應該會有改善

如果做唔到
唔好話濕疹醫唔好

絲打加油
我以前都係濕疹 仲要係R到頭皮都損曬 塊面又流血
依家叫好返九成 但出街著短褲短裙都係會出一噠噠紅色嘢同超痕個陣我係靠食中藥同用藥材沖涼好返 所以你可以試下 唔好放棄

細個都係好嚴重，後來每日凡士林厚茶，掂完水就即刻抹乾用爽身粉，再狂踢波，就冇事了

樓主係咪壓力大內分泌失調？
止痕嘅話可以試下浸死海鹽
同埋定期用塵蟎吸塵機吸下床同梳化減少過敏源
加油

我以前都試過食咁嘅配搭，但冇嘢用。但將綠茶素轉咗洋蔥素後，好番少少。
我啱啱開始戒類固醇時，都會有好長時間嘅反彈期，個陣醫生開咗啲抗焦慮藥物俾我，夜晚可以瞓得著呀，但起身嘅時候就覺得好眼瞓，仲令我記憶力下降。如果你去到好絕望都可以試下。

有冇試過搽椰子油？淨係搽手試吓一個星期 一乾就搽。如果有好轉就全身搽。我搽椰子油醫好自己明白係好辛苦好無助好灰心！但係唔好放棄！總會搵到適合嘅治療方法

得罪講句，你老豆老母咁講嘢真係賤過狗