有濕疹唔係我想 辛苦到想死 有無人可以救下我

你戒口前一日三餐食d咩？
戒緊口又食d咩？
例如：
早餐茶記餐旦面熱奶茶
午餐快餐B凍0T
晚餐焗豬/老麥可樂等等
—————————————-
你運動量係點？
一星期會花幾多時間？
爆汗型/爆肌型/瑜珈型？
—————————————-
除左濕疹，現時生活有咩係kick住你？
即係最帶比你負能量係
讀書/工作/人際？
係點樣嘅負能量 形容下

高質必推

絲打你好 我都同你差唔多年紀
啲濕疹淨係生系塊面度
最嚴重嗰陣仲生喺塊眼皮到隻眼都睜唔大
好似一大塊死皮咁
每朝早起身就係摸吓自己塊面
照鏡見到啲死皮就好似一個50歲嘅大媽咁
見到大學啲同學個個化哂妝咁裝靚靚女女咁
個心真係好痛

同濕疹抗爭左三年幾 有以下心得：
唔好睇西醫 佢只會開類固醇俾你茶
一開始查完係好快見效 但效果好反覆
然後啲皮膚越查越薄 越來越脆弱
可以試吓睇中醫 睇過太多中醫啦 究竟邊個最有效我唔識講

唔好晒親 沖涼唔好沖太熱嘅水 沖完就盡快搽lotion
用啲護膚品唔好有香料 最好係低敏配方無色素無添加


最緊要嘅嘢係戒口戒口戒口！
唔好食牛肉海鮮！ 十分之緊要
戒一兩個月係冇效㗎 芒果菠蘿濕熱野都咪鬼食
我戒咗三年口 就真係冇發過

多食乳酪同西蘭花🥦
皮膚穩定咗之後我有定期去做一啲保濕Facial
當然要揀啲性質溫和嘅 唔好問我係邊間做我唔係美容院打手

同濕疹對抗呢條路係好漫長要有心理準備係冇得斷尾 可以做嘅嘢係諗辦法同佢共存
盡量唔好trigger到

我好記得我屋企人都俾咗啲好難聽嘅說話我
同我講邊有人女仔塊面搞到好似你咁㗎
我嗰陣聽到心都痛
返工嗰陣時 因為濕疹發作 原本要見客嘅都唔使我見啦

好想同絲打講 ： 有濕疹唔係你嘅錯 唔好逼得自己太緊一步一步慢慢嚟 屋企人唔支持你唔緊要 心態健康最重要 呢個世界仲有好多人愛惜你 你已經好努力 辛苦你了

我都係用依款，仲有aq cream
之前關節位、手指、咀唇都有生濕疹
睇過中醫西醫
中醫話係大壓力會引起濕疹
飲左幾次藥，但覺得太苦所以放棄
西醫睇過幾個，冇睇專科，但開啲藥都大同小異
個時R到冇左完整皮膚，加上細菌感染，所以唔可以搽類固醇。只能夠用鹽水洗傷口，出街同瞓覺嘅時候就用紗布包住。
西醫開咗
- 類固醇：等到啲皮膚慢慢開始生，跟指示早晚各揸一次
- 抗組織安/止痕：有睡意，夜晚瞓覺會好啲
- 維他命B
夜晚瞓覺時候帶手套，就算R都唔會直接指甲R⋯

之後慢慢開始好，係iherb買supplement
- 繼續有食維他命B
- 魚油，益生菌
- melatonin：幫助訓教
沖完涼就揸lotion，盡量揸嘅嘢都唔好有香料/色素
做運動，當郁下行下都好。

不論中醫西醫，最緊要搵到適合自己嘅方法
絲打加油，早日康復

加油唔好放棄

我都係細到大濕疹 成身包括塊面同頸r到都出哂血水
都試過想自殺 係咁喊 但要不斷同自己講唔好放棄 會好的
睇過無數醫生包括中醫西醫針灸沖涼咩都試過
而家叫左穩定左好多 好左8成
有幾樣野係我覺得幾重要 希望幫到你


一個細心同有heart嘅中醫係好重要
佢唔單止係你皮膚嘅醫生，佢仲係你嘅心理醫生

唔好盲目戒哂所有食物 因為總會有人叫你唔好食乜 其實你自己係最清楚食咩會差左 有啲食物其實你一路食開都冇事就唔洗戒

我個陣中醫係叫我戒 牛羊鴨鵝蝦蟹 菇類 榴連 芒果(芒果我一食就出事）但佢講明係呢啲係會發嘅食物 發得勁個陣唔好食 情況好啲其實係可以食 所以唔洗唔開心驚以後都冇得食

用松焦油皂沖涼 （一般藥房有得買）放佢入起泡網用（無品良品最好用） 唔好沖太熱嘅水同太耐 印乾身就要搽cream 全身都搽 （我係用Bioderma Atoderm intensive Baume)

降低你嘅expectation 唔會突然一嘢好返哂 的確係要時間 我都用左起碼一年

濕疹嘅病人通常都係脾胃差 少飲啲凍嘢 要飲都含係口等佢冇咁凍先吞 都係中醫教

多啲換床單被袋 吸塵
不斷同自己講 會好的會好的會好的 唔好放棄 死係解決唔好問題 唔好輸俾佢



第一次share可能1999 希望幫到你

推

聽frd講要食多啲血基鐵質 動物性果種

佢可以幫助身體製造一種激素 提高免疫力

咁濕疹就會慢慢好

另外有隻藥膏幾work 搽咗一兩次已經好4-5成

而且係草本藥膏 不含類固醇 但香港無得買

未必比到好明確solution, 但分享少少個人經驗/小知識：
1. 沖涼用凍水，凍凍地我會無咁痕，無咁痕就唔會r咁多。要時間慢慢習慣，我個陣係毎次都用反方向嘅溫水煮蛙慢慢變凍，最後日日都沖凍水涼
2. 訓多啲訓好啲，有講法係濕疹係同免疫系統有關，而睡眠嘅質同量對免疫係極之有影響。上網google有好多方法，睇吓邊啲啱使
3. 調整心境，有啲人壓力愈大濕疹會愈惡化，我諗其他負面情緒如抑鬱都有差唔多效果。所以濕疹影響生活->唔開心->濕疹惡化，係一種惡性循環。雖然mood 唔係可以話變就變，但都係有方法嘅。例如有巴打講做運動係其中一個方法（但代價係會出汗會痕），另外都私心推薦試下meditation, 基本上係情緒上嘅萬能藥

除咗中醫之外，都有啲其他「食療」理論嘅。冇medical 背景好難fc係咪真啦，只係一試無妨啫
4. 有一個種講法係濕疹/其他過敏係因為腸道嘅菌類失衡。簡單講啫係壞菌太多，益菌（益生菌）太少。可以自己google吓呢個方向。例如泡菜好似係幾多益菌（雖然佢辣），仲好過益力多
5. 斷食（fasting）都有機會對濕疹有幫助。斷食唔同絕食，唔係想你餓死，唔一定要長時間完全唔食野。個理論係話會幫到免疫系統嘅運作，如果你英文都ok, 用英文google 會搵到多啲料（敏感嘅英文統稱allergies）

仲有一點，雖然有啲廢廢地，就係真係要用盡所有方法唔好R
例如叫朋友見你R就提你，R一次罰錢一次， etcetc

利申，以前有但唔嚴重，宜家大致上無咗。我自己都唔知exactly 以上邊樣幫咗我，加油頂住，呢到個個都撐你

有冇試過「布緯食療」？屋企人試過有效

你r到成床死皮 好多菌會以死皮做糧食滋生
包括成日攪到人濕疹既家居塵蟎 真菌等
我明係痕 但試下以摸代替r 舒緩下果下痕癢就算
床具要清潔乾爽勤啲換

夜訓肯定會惡化
特別係夜晚係床玩手機睇劇之類
你一靜落嚟感觀特別敏感
一有少少痕一定r到仆街 r完又甩皮又多死皮 無限輪迴

即食面/現成肉食物都唔好食咁多 鈉質太多都會惡化

共勉之啦 香港好多人都有濕疹

加油 你願意做咁多野已經好勁
我係過來人 嚴重時同妳一樣

要接受過程係辛苦 要相信痛苦唔會last forever
慢慢你身體會習慣 慢慢妳心態亦會強大，要向呢個方面唸

實質少少既建議，去做一次敏感測試睇下有乜嘢過敏源

Last but not least 心態係最重要 情緒會掌管妳身體免疫力所以妳要控制好妳情緒

如果你同你老豆老母解釋完都仲咁對妳 唔係你問題 係佢哋有毒 少啲同佢地接觸 多啲同你阿妹傾

唔開心記得翻翻黎呢個post 個個都支持你

你先十九歲 人生慢慢長路 濕疹只會係你人生一小篇章 好既野陸續會黎

仲有日日換枕頭套 得閒用塵蟎機吸下床單床褥
唔好攬住毛公仔瞓
除非你成日洗佢哋
唔好用毛巾洗面 除非日日換條毛巾 用手撥啲水去塊面就碎 之後搵紙巾 印乾 仲有少少水份未乾到好緊繃嘅時候就茶面霜

唔好飲啲有咖啡因嘅嘢 唔好飲酒食煙 包括二手煙
屋企空氣太污糟 就買部空氣清新機

可能你一開始會覺得種種小細節好煩
但慣咗就唔會㗎啦
呢啲嘢已經全部融入左我生活
突然之間要我列舉我都舉唔哂
另外性愛好似可以醫到濕疹 冇對手就自娛一下

仲有食嘢唔好食咁油膩咁重口味 炸嘢甜野都唔好食
生冷野都唔可以食
哈哈不如調返轉頭講可以食咩啦
白灼嘅青菜 同埋白肉 雞肉同豬肉
乏味嘅生活係好難捱 但你要信有一日會捱過

同埋早啲瞓覺
晚安絲打 連登好多人支持你嘅

可以試吓呢個，店主佢嘅故事同你一樣佢仲要有小朋友一出世冇幾耐已經有濕疹，你可以試吓，我冇用過佢濕疹嘅系列不過我用過佢其他嘢我覺得好好，因為真係好天然對皮膚冇乜負擔應該會好啲

絲打要加油！

咪亂戒口 人人致敏源唔同 中醫果啲濕毒都唔好盡信
去驗血 但有機會都唔關事 可能係免疫系統出事
上iherb睇吓有咩supplement啱 畢竟你自己身體自己最清楚 試多啲唔怕
買部吸塵蟎機都好有用
之前健康台有個巴打有篇好詳細嘅康復post 你可以睇睇

絲打靚唔靚女?

靚女唔會痾屎同埋唔會有濕疹

希望樓主例外

明白，但your are not alone

想問下你依家情況係點，同埋iherb supplement有無推介咩牌子？

lm

濕疹想好番最緊要個身體免疫系統搞番好多人濕疹都係免疫系統出左事 當然敏感都有
但長時間濕疹最好係免疫系統著手
最簡單 多喝水 食蔬果
訓多啲（最緊要）
唔夠訓啲傷口會痛
夠訓唔痛少痕
同保濕啦 皮膚復原保濕好重要
正常身體健康 免疫系統搞番好 濕疹會慢慢好
你戒口營養吸收少左唔足夠 想個身體點好番
做番正常 健康生活 比時間 無得急
人類身體本身有自我復原能力
唔好比壓力佢 慢慢會好番

我都試過好嚴重濕疹停過學
以下係我覺得最有用嘅嘢，未必對你有用，但係請盡量一試。一定要做到超徹底。

1. 全戒口，唔係再諗唔可以食乜嘢，係諗可以食啲乜嘢。淨係食熱白飯，水煮有鹽冇味精嘅肉同菜，飲熱水/暖水。其他全部嘢都不了。
2. 斷食，基本上要做到第一點，冇可能出街可以食飯，所以午餐一定唔食。而家有得work from home係好啲。
3. 張床不停吸塵除塵蟎洗床單。呢個影響真係好大。但係前提係你要有部靚嘅吸塵機。一個短期有效但好快有返蟎嘅方法就係用熨斗熨床褥同埋被。因為熨斗淨係可以殺到表面嘅塵蟎。
4. 做少少行氣活血嘅運動，即係有氧運動嗰種，但係如果出好大汗都會好麻煩。
5. 拗損咗嘅地方要用消毒藥膏消毒，唔好畀佢發炎，但係唔好用酒精抽乾啲水分。
6. 唔好沖熱水涼
7. if possible, 唔好咁大壓力

加油呀 都知道濕疹好辛苦
我自己都忡捱緊
可以試下食益生菌 我食完之後幾work