感情問題個人一律建議分手所以我都係總結下twitter點睇,
唔好殺我。同時呢d野冇正確答案,你當然當諗多左,希望唔好信晒亦都可以講下你點睇
呢一塊野相信大家都唔會陌生,就係第一集步夢係唱完Dream with you之後主動送比侑。對你同我黎講,呢一塊係一個裝車飛嘅卡套。然而對於鼓起勇氣唱出載住十幾年心意嘅Dream with you嘅步夢而言,呢一塊野代表住佢當下嘅決意,佢地兩個人黎講就唔再係一個卡套。
由官方出嘅goods我地可以知道裡面裝住嘅係東雲往來學校嘅定期券,亦係佢兩個住嘅地方。呢一度代表住步夢希望每一日都一齊出門口一齊返屋企嘅希望,所以先將呢一塊野送左比高咲侑,至於「我想同你一齊返屋企」代表d咩相信唔難理解。呢度重未完,下面繼續解釋。
有住呢一個希望嘅步夢,今日就係一向出雙入對嘅車站(睇返站名同上面張車飛)目前住侑離開,目的地係同另一個女人一齊嘅地方
。與此同時,定期券代表住只可以坐呢一條路線,呢度有兩種講法,第一種係步夢只能夠係高咲侑一齊嘅呢一條路線前進;另一方面,佢亦只可以被呢個框限死左,冇左侑,佢就唔可以再向前。
中段RINA食嘅餅乾,可以見到彩虹上面痴住綠色嘅粉紅色比人食左,係一條唔完整嘅彩虹,似乎已經暗示緊接下來會發生咩事。
步夢係部室訓著左終於等到侑同佢返屋企,佢一路期待嘅係侑會講出一句「我想同你一齊返去」,記得上面講過咩嗎?係呢一度相信不言而喻。可惜一路上侑就一路雪菜雪菜雪菜,係呢一度出現嘅路牌表達左兩個人嘅內心已經向住兩個方向咁樣行。
侑叫步夢去佢屋企,話有野比佢睇,當下講完呢句之後馬上出現左逃生口嘅公仔。係呢一刻嘅步夢,唔希望面對事實,侑心裡面有另一個人嘅事實。由侑一路以黎嘅舉動正常人都會諗「你條仆街又想雪菜雪菜架啦」,步夢呢一刻就真係想「逃生」。
第一集嘅圖片,大家對比返今集真係直頭兩間房黎,咁你可以想像下自以為了解侑嘅一切嘅步夢係久違咁踏足呢度果陣又點會唔激動?
呢一度除左咸濕野之外唔難見到步夢夾住佢對腳係想講你唔好再行前了,因為就好似第一集咁,侑實在太快,佢就算幾努力都好都追唔上了。