首先個故事就淺白到唔洗解釋架啦我欣賞有2個地方:
1. 佢用開頭5分鐘令我充分了解到用左3年唔認識嘅人
2. 我睇完就明點解要搵本渡楓
但都有個問題就係其實個尾埋得唔好,簡單講即係彼方重過緊非人生活,呢一點其實冇轉變過,只係講左出黎釋懷左
如果你淨講劇情其實呢一集就真係普普通通啦,但如果你係鐘意深入分析就會明白唔係表面咁易解。
如果話平時果D叫彩蛋咁呢一集果D應該叫炸彈(?),因為佢唔單止係事但MIX D歌詞入去做致敬,佢係直接用彼方3首歌講完呢一集
「お料理 勉強 全力です!
もちろん、寝るのも全力です…?
朝昼晩」 - 眠れる森に行きたいな
首先故事一開首就補完左垃圾game嘅設定,垃圾game本身係話彼方係精英班所以要成日溫書咁上下先會好眼訓。
眠れる森に行きたいな呢一首歌非常非常淺白就係「我好眼訓我要訓覺」,而如果你用垃圾game個設定去睇其實就真係普通到極限,但經過動畫組嘅改寫你就會突然間覺得首歌變左第2個意思。
但我覺得最撚過份係2nd album嘅My Own Fairy-Tale,呢一首歌本身其實都唔係好知佢講乜春,無啦啦又咩夢世界又盛。
但如果所謂「夢之國」就係彼方一路搵緊嘅歸宿,睇完呢一集我可以好直接咁解釋夢之國就係同好會,係一個載住彼方夢想嘅場所。然而更加驚人嘅係下半part。
「みんな 夢の世界へようこそ
今日の彼方ちゃんは ワガママお姫様
みんなが笑顔で見られるこのお時間が
ずっと続けばいいんだ」 - My Own Fairy-Tale
「 ワガママ」係呢首歌出現左好多好多次,如果你淨睇垃圾game你理解到嘅「 ワガママ」應該就係我好任性,我想訓咪訓。經過呢一集之後呢一份任性就由自私昇華成為「我想不理後果咁樣堅守我同妹妹嘅夢」。呢一個任性嘅公主,同時成熟左幾百倍。
最後就係童話之星,呢一首歌其實相信大家都覺得平平無奇。
「1人じゃ描けない
素敵なお話 続くよ 続けよう
もっと もっと!!!
一緒に歌おうよ…」
但係如果呢一番說話係同小遙講嘅話,就變成一個溫柔嘅姐姐一路堅持所講嘅心聲。
當然呢堆野如果唔係田中仁寫你可以當我自己ff,藍色窗簾。但經過前幾集佢都係用歌詞黎貫穿成集,例如快樂天才、世界第一的wonderland、之前寫過嘅wish,我真心覺得佢研究d歌重深入過填詞人。