對於LLAS個新嘅香港偶像講普通話事件,我有啲諗法,歡迎大家討論下。
tldr:多啲感謝官方,嘗試教官方廣東話,逐步取代普通話設定。
正文:
其實LL肯用香港呢個設定,我已經好感恩。原本佢哋可以用上海、北京,宜加變相幫香港宣傳。角色登場初時講過一句廣東話「冇問題啦!」,雖然後來又講返普通話,最近又唱普通話歌。但點都好,至少廣東話曾經被記錄過,香港嘅曝光度點都高咗。
對於宜加唔上唔落嘅狀況,我覺得比起煽動小粉紅炎上,或者由反共一方炎上,不如我哋採取結交方式。例如未來radio寫信去表達:「身為香港人,對香港偶像好有親切感!」,或者寫去公司表達謝意。仲有,作詞人我覺得都係突破位,因為虹咲以往每個idol都係keep住同一個人/團隊負責哂所有solo歌。例如果林嘅三首solo都係BEATNINE負責,而最新嗰首三地語言歌亦係由佢負責,可以推斷未來香港偶像嘅歌都係由佢包辦,所以只要集中向佢游說就夠。
我覺得向故事作者、作詞人表達謝意之餘,仲可以教一啲簡單廣東話,例如「加油(gaa jau)」「一二三四(練習打拍子)」「好勁呀」之類。萬一未來獲得採用,廣東話嘅使用比例就會上升,普通話就會無形中被捨棄。呢種慢性滲透,唔會一下子引起小粉紅炎上,但長此可以抹除中共特色。
廣東話同普通話,或者係香港同中共嘅鬥爭,唔係咁容易一朝一夕去判定成敗。既然對方玩滲透,我哋就要以其人之道還治其人之身。舊年嘅事件成功令香港登上世界舞台,宜家有呢個機會可能可以進一步宣傳,我哋就要好好把握,積極宣揚:Hong Kong is not China。