劇情就唔講住了,係人都知下集先係重點,到底主角步夢嘅決心係點同埋動畫寫嘅SIF點樣屌打垃圾LLAS。今集成集都用黎
捉姦鋪,咁就講下今集細節。
呢度負責煮飯嘅係彼方同屋企開餐廳嘅愛,而彼方勁到可以救返雪菜煲屎更加印證左佢前2集係照顧得個妹幾好。
如果冇睇過可以睇返上面POST嘅LINK,每個人對於NSNM嘅觀點都係類似,就算每個人路向都唔一樣但我地都係戰友。
呢度可以睇到一年生係最好朋友,由しずく果一集已經可以睇到,而三年生關係都唔差。呢度都幾明顯咁樣寫到二年生四人組係完全冇感情,咁樣先合理,因為4個人基本上冇交集,你格硬吹到同年級好熟反而唔合理,但最慘嘅都係牙愛,動畫冇左條囡(比個鬼婆搶左)之餘重要隔離3條友修羅場。
動畫嘅侑係普通科嘅學生,即係佢都未搵到自己嘅路向,呢度可以印證左佢做音樂人呢條路係受雪菜啟發,搵到自己喜愛嘅事,可以話逆輸入返LLAS。當然啦佢咁短時間可以彈到咁真係音樂天才黎,唔去讀都可惜啦...
係第9集之前果林重係一副高高在上嘅姿態,好似永遠都要係背後出手咁,但經過大家開解之後已經成位大家嘅一份子,呢一度冇特別寫D好造作嘅對白,例如咩「唔準叫前輩果D」。然而無聲嘅推進先係最令觀眾理解到角色成長,呢一點係我一路強調LL劇情需瓖而LLAS比唔撚到我嘅野。
同上,先前都講過彼方回嘅結尾其實不是BBQ,彼方每一次訓覺都係承受住痛苦(前晚辛苦到冇得訓),咁少不免會令觀眾見到佢訓覺果陣有D唔舒服。呢一個scene就完美咁樣解決左呢個問題,更加比你睇到成個彼方回真係對個角色好大影響,動畫組真心好野。
關於點解要開始sif嘅因由,我對垃圾game其實都係太熟,因為到1x章我都已經唔想睇佢寫d屎。但大家作為1個school idol愛好者,相信可以feel到高咲侑見唔到虹ヶ咲個名係comment欄度出現嘅感覺。無論你鐘意d咩組合,幾少眾都好,都希望更多人認識到自己喜愛嘅野,例如你睇tif都唔想人稱呼你推嘅idol為「呢隊野」「呢班人」,呢1個動機對1個idol豬黎講最好不過。
前幾日睇條片嘅時候諗通左,到底句野係咩意思。我理解到嘅就係對於為左咩去做idol呢個覺悟,答案係根本咩都岩,就好似彩虹嘅顏色包含住所有嘅色彩一樣,只要係你自身嘅追求就係正確,just like a rainbow colors。
至於下集就真係田中仁決戰雨野嘅最高潮,可以預見到步夢一定會發脾氣,大家可以期待下田中仁點拆個炸彈。我只希望動畫唔好扭曲步夢嘅本心,寫到佢好有遠大夢想咁。因為說到尾其實LLAS冇講錯,佢係為左「你」而存在,為左「你」而唱歌,說穿了只係1個希望做「你」眼中唯一嘅平凡女仔。我認為只需瓖強調佢嘅本心就足夠了,就好似上一段所講,點解要做idol,just like a rainbow colors,不過動畫組幾時令我失望過?