首先永續 180日 visitor 呢招好易被 boarder 當佢 intent to overstay,然後 bam 咗佢。而佢做 visitor 嘅時間唔會計入 5+1。visitor 冇醫療冇得返工呢啲唔講了。
咁就一係你先娶咗佢,然後大家一齊 BN(O) visa。
另一個係佢自力行其他 route,例如先 working holiday 然後盡快轉 working visa。但留意 working holiday 係唔計 settlement 嘅 5+1,佢要由佢拎到 working visa 嗰吓先計。呢條 route 你哋會各自入籍,正常你會入到籍先。個風險就係佢搵唔到老細幫佢出 working visa,或者中途畀人炒咗而搵唔到工續命,而你又未拎到 BC,佢就未必再留到喺英國。
依家亦未研究到一個 BN(O) 過咗英國先同居甚至結婚,可唔可以中途加人做家庭成員申請 BN(O)。
簡單啲講,你哋要諗清諗楚係咪都打算同對方過世。如果唔係,佢就要有能力同信心自力行 working visa 技術移民條路。
結婚同移民都係重要決定,依家仲要一齊計劃嘅話,真係要坐低坦誠傾清楚。
祝巴打好運。