墨說
2020-10-24 23:28:46
就算救不了全部,
都要救得一隻,得一隻。
事情過後,當日沒出席、更差點把全員害死送上絞刑台的莫風被視為叛徒,只被葉青茶驅逐到外面一個土匪組織當卧底。
「成件事,就係咁?所以你哋最後,都係被降服成皇室嘅走狗,就係因為要救其他狗。」我得出結論。
「無......」明日駿慢慢抬起頭來,對我說:「我哋成員可能係降伏哂,成為咗真正嘅皇犬......但青茶首領佢......我睇得出佢仲、懷住殺死所有皇室嘅心......只係差個機會......真正嘅走狗!其實應該係順應佢哋遊戲規則嘅人啊!和平係唔會有任何改變......」
「或者,對你哋而言係正確,但站喺我立場,你哋大本營不利,我都唔會放過。」
「嗚唔噫......」明日駿淚水又湧出。
我回到走廊,少佐亦都出來了。
「點?」少佐問。
「了解咗少少故事,不過無咩特別,唔會令我同情。」我說。
「殺定放。」
「唔係應該你決定?」我望向少佐,反問:「領導人。」
但實際上,
我自己都拿不著注意。
「汪!汪汪!汪汪汪──!」忽地,外面傳來不少狗吠聲。