【溫柔鄉】《病港II》(14)

976 回覆
931 Like 4 Dislike
2020-10-30 13:21:43
墨B真係大個仔了。。。
2020-10-30 14:48:03
東星
2020-10-30 15:10:26
一嚟就打大佬
2020-10-30 15:41:53
中三睇到依家大學就畢業都未完故
2020-10-30 17:21:07
隔離台羊先生嘅窮撚直頭要等到個孫燒俾你
2020-10-30 18:21:36
小弟強烈推介屍家馬鞍山
2020-10-30 18:23:08
魔瞳已經快咗好多
窮撚我當佢棄咗故
2020-10-30 18:24:40
屍家其實是咪已經完咗故
2020-10-30 18:27:22
完咗喇咩! VICKY
2020-10-30 18:40:34
幾個月無出文了
2020-10-30 20:10:37
仲諗住儲番半年文嚟睇
BTW 係墨巴台係咁講其他故
2020-10-30 21:07:18
up
2020-10-30 21:45:37
2020-10-30 22:10:51
「但你問過我好多次。」

「因為你講嘅都唔係真實。」

「點先算真實?」我舉出幾個例子,讓少佐說明一下:「穩定嘅生活,結婚、生兒育女,安享晚年?」

「你就無諗過?」

「呢啲唔到我諗。」

「呢啲生活,你值得擁有。」

「不過講起上嚟,原來你同夏晴仲未結婚?」

「名義上係結咗,但仲未辦一場婚禮,我見宜段日子慢慢安靜落嚟,先有宜個念頭。」

「宜個年代有個可以俾到婚禮嘅老公,都可以話係夢想,夏晴佢最近搞緊咩?」我距離上一次見她,已經是很久遠的事。

「佢?教緊啲細路讀書識字,平時會喺對面圖書館嗰邊。」

倏地,有個漢子手握麥酒來到旁邊:「兩位,晚上好~」

是袁豐,看來他也下班了。

「袁豐,今日有冇食到你缺貨?」少佐說。

「老實講,差唔多清哂。」袁豐低沉地笑兩聲,然後逕自喝悶酒:「成個倉庫得返一樽酸黃瓜喺到,我記得少佐你講過唔太鐘意食酸瓜,就無拎出嚟俾你哋。啱先我去完李惠利大樓嗰邊嘅遊客宿舍,諗住推廣下啲酸黃瓜,清埋最後一件倉,不過佢哋似乎唔太想食?畢竟呢啲只係開胃小菜,佢哋好嘴饞,有肉有蛋先肯食,不過今個星期應該圍唔到本。」

我皺眉一問:「點解?因為我哋食咗成個星期招待客人嘅份量?」

「嗯,所以我睇今個星期都零收入,除非有腦子入水嘅遊客,會鐘意食酸黃瓜,哈哈哈哈。」

沒想到區區幾碟小菜,就讓居酒屋食物售罄了。

袁豐搖搖頭,又說:「不過睇怕都唔會有,大家俾昂貴嘅價錢到嚟,都係為咗食精緻嘅日式料理,而且我醃嘅黃瓜特別重手,食完會酸到塊臉會變青嗰隻。」

「遊客?邊到有遊客。」我環顧四周。

少佐又再介紹:「艾寶琳同康城倖存區嚟嘅人,我哋都會稱為遊客,前者來往就比較頻密啲,每日平均都有三至八個人左右。」

「原來宜家咁樣已經可以叫旅行。」那我不就經常偷渡......

少佐指向李惠利大樓:「佢哋住喺二樓個到,係我哋安排遊客居住嘅宿舍,通常嚟得嘅人都非福則貴,有少少閒錢。」

一說到遊客,大本營鐵門那邊,就傳來開門的指示:「準備開門!兩個人入。」接著,大本營的戰士便持矛迎接。

「一講就有人嚟。」袁豐喝口熱酒,望向大門。
2020-10-30 22:11:01
「咁夜都仲有人嚟?」少佐都好奇,哪個人這麼晚到來。

只見,一名配備單劍的成年男子,正揹著位身形微胖的少年進來。

「睇嚟係護送遊客過嚟嘅艾寶琳病獵。」少佐一眼就看出。

「嗄......貴華少爺,到咗啦。」艾寶琳病獵把貴華放下。

這個身穿歐洲貴公子服裝,名字叫貴華的胖子,好像有點眼熟。

「唔該你!」貴華雙腳落到地,就掏出一把紅色的玩具槍:「呢到係小費。」

「叮叮叮叮叮叮──」貴華扣下扳機,玩具槍隨即射出大量艾幣。

「呃、多謝」病獵手忙腳亂地,撿著射在身上的艾幣。

貴華射擊完畢,就往槍管吹一口氣:「呼。」然後,他見露天廣場營火會這邊,有著不少的大本營居民便主動過來。

「佢想點......」我看著逐步靠近的他。

少佐默默一笑:「睇嚟係個有錢仔。」

「各位大本營嘅人類你哋好,我想問你哋一啲事情啊!」貴華說。

大本營圍在營火前的居民,都困惑地望向他。

「我想問你哋有冇見過一位灰髮、藍色瞳孔,好似天使但其實係人類嘅女仔?」貴華來到大本營的第一件事,便這樣問。

「灰髮嘅女仔,又藍眼睛,佢係咪指娃娃......」少佐小聲說。

「我諗就係。」我繼續盯著那小子的身影:「娃娃識佢?」

「可能係朋友?」少佐都不清楚。

「灰髮女仔......我朝早好似見到......」一位婦人說。

「睇嚟佢真係嚟咗......」貴華露出暗喜的神色,然後向婦人射出艾幣:「Good job!」

「我、我都見到啊!」一位方格外套的大叔舉手。

「十分好!」貴華又向大叔射出艾幣。

「我都見到!嗰個女仔啊嘛......」又有個男人自稱遇見。

「點少得你!」貴華又賞他一槍艾幣子彈。

「咁、咁我都見到啦!」、「我細細個同佢踢波嫁!」、「我識佢呀。」、「我都見到啊!」、「我琴晚發夢個陣遇到啊。」、「我前日見到佢喺天台倒立呀!」、「佢係我失散好耐嘅女嚟......」大本營的居民開始爭先恐後地,承認自己遇見到灰髮少女。

貴華見人數有點多,直接伸手入衣服內,然後往天上灑出一大堆艾幣。

「啊啊啊!錢呀!係錢啊......」向來性格純樸的大本營居民,一下子變成貪財的小狗。

全部人跪在地上忙著撿錢,連原本彈奏著溫馨音樂的木結他手,都停下來撿錢去。

這傢伙,是錢太多嗎。
2020-10-30 22:11:11
「呵呵......如果佢係咁有錢,幫我間食店圍到本就好,咁樣下個月就唔洗咁辛苦。」袁豐還在喝酒解愁。

「你哋一直圍唔到本?」

少佐主動解答:「萬事起頭難,要經營一間奢侈嘅食店係好難嘅事。」

作為大本營唯一的特許經營的食店,袁豐背負不少業績的壓力。

「既然今日你請我哋食咗咁好嘅一餐,我無理由令你入不付敷支。」我望向袁豐,說:「我幫下你。」

「嗯?馬克先生有咩妙計。」袁豐望向我。

「搵下呢啲大富大貴嘅外地人笨,應該都唔係好離譜?反正佢哋都大把錢。」我站起來,行到貴華面前。

「請問你都係見過嗰位女仔?」貴華見我近來,便問。

「你搵緊個女仔,叫娃娃?」

「噫啊......你知道佢個名!」貴華興奮不已,神色激動:「無錯無錯!佢叫娃娃啊!即係傳聞中嘅貝果少女啊!每次我見到佢都會如痴如醉......心情就好似來回地獄又折返人間咁......如果佢係一部鋼琴,咁我就係一枝結他,如果佢係天使,我就係魔鬼!如果......」

「得。」我制止他繼續說廢話:「其實我都識娃娃。」

「你係佢嘅......?」貴華想問。

「你唔需要知。」我往他的身邊鬼祟一瞥,裝作跟他說悄悄話:「你只要知,我有啲好嘢益你。」

「好啊!有咩好嘢益我?」貴華喜悅的臉色突然一變,腦子發怔:「有好嘢益我?......點解呢句嘢好似喺邊到聽過,而且把聲點解咁熟......」

趁他深思期間,我搭住他膊頭:「我知道娃娃好鐘意食大本營某間餐廳,你可以去嗰到睇睇。」

「邊間?」貴華大驚。

「大本營,工坊四樓──風火林山。」我說出地址。

「風林火山?聽聞過好似係大本營嘅日式居酒屋嚟。」貴華點一點頭,這就出發去:「好,唔該哂你。」

「袁豐。」我回望他。

得知即將有生意上門的袁豐,馬上比貴華更快的跑上四樓開舖。

待貴華遠去,少佐才開腔:「你咁樣呃人都有。」

「無呃佢,娃娃今日的確講過好鐘意食嗰間嘢。」我繼續坐在營火前。

畫面一轉,來到四樓的「風林火山」居酒屋。

來到店舖前的貴華,先是敲一敲門。

袁豐以日文說出「歡迎光臨」,貴華便開門行入。

貴華先被居酒屋內的裝潢驚艷到,然後滿心期待地坐在吧檯前。

「咦,裝修幾好喎。」貴華往整張吧檯看。

「哈,叫唔差。」袁豐說。

「聽講呢間居酒屋,有一位漂亮嘅女子好喜歡過嚟?」貴華借故問出娃娃情報。

「啊,你講嘅係藍眼睛嗰位?無錯。」袁豐點頭。

「我遲啲應該會約佢嚟宜到共進晚餐,今晚就先試試師傅你手勢先。」

「價錢方面......我哋收得比較貴。」袁豐摸著掌。

「錢唔係問題,請拎出最精緻嘅美食出嚟。」貴華微笑。

「絕對無問題。」

接著,袁豐他背向貴華,輕輕扭開放滿酸黃瓜的罐子蓋......

店裡,只有這款食物招待客人。

「嚟,醃漬酸黃瓜,開下胃先。」袁豐把小黃瓜切成一顆顆,給一小碟予貴華品嚐。

「青脆深綠嘅顏色,賣相唔錯,呢種酸黃瓜,最好就係用嚟刺激下食慾。」貴華這就執起雙筷,吃著酸酸的黃瓜刺激胃部。

緊接,袁豐又背向貴華,雙手握住那樽酸黃瓜罐子苦思著,該做什麼菜色好。

「之後會係咩呢?」貴華一面樂觀地,等待著袁豐下道料理:「拖羅定海膽?刺生都好似唔錯。」

「嚟,涼拌酸黃瓜。」袁豐給出料理。

「悶熱嘅晚上,涼拌食品係可以解熱,都好。」貴華照吃無疑。

「嚟,飯糰。」袁豐再給出料理。

「飯糰?真係充滿驚喜......」貴華雙手握著飯糰放到眼前凝視,想要看穿內裡餡料:「入面會係放咗三文魚定係明太子呢?」

「咳......」袁豐合上眼睛。

貴華張大嘴巴往飯糰一咬,內裡發出清脆的一聲。

「嚓」

酸溜溜的感覺,慢慢從貴華口中揮發。

「啊......」貴華把飯糰從嘴中拿出,面色極為辛苦:「咳咳!點、點解啊!點解入面又會係酸黃瓜嫁......!金槍魚呢、吞拿魚呢、海膽呢,你將啲食材收埋哂喺邊啊!?」

袁豐又把一杯深綠色的飲料,放到吧檯上。

「好酸呀!」貴華忍不住,把口中的酸瓜渣吐出:「咳咳、水、我要水啊......」

貴華看都沒看,就把那杯飲料喝下。

貴華不喝還好,一喝面色就立即鐵青:「噫......嗄......點......解......」

「係酸瓜汁,十分之有益。」袁豐答。

貴華掩住酸不可耐的嘴巴,快要吐了:「嗚嗚咕咕......」

袁豐則厚著臉皮回避問題,繼續把各種酸黃瓜做法呈出「之後仲有酸黃瓜青絲,係個好考刀功嘅菜色嚟,請你要好好品嚐。」

彷彿有一股魔音,正在貴華耳朵和腦中迴響:

「酸黃瓜、酸黃瓜、酸黃瓜......」

「啊啊啊!!!」貴華嚇得直接從椅子上跌下。

他二話不說,就要奪門而出。

「咔」可是門推不動。

「放我出去啊!」貴華求救。

「客人你未俾錢。」。

貴華掏出艾幣槍往店內一陣掃射,把大量艾幣射出:「放我出去啊!」

「其實你用拉嘅方式就出到去......」袁豐一邊撿著錢,一邊提醒他。

貴華把門一拉,正式逃出居酒屋去。
2020-10-30 22:12:11
補300正評
2020-10-30 22:16:15
2020-10-30 22:20:23
又屈鳩貴華
2020-10-30 22:23:25
笑到個肚抽筋
2020-10-30 22:24:25
「酸黃瓜、酸黃瓜、酸黃瓜......」
「酸黃瓜、酸黃瓜、酸黃瓜......」
「酸黃瓜、酸黃瓜、酸黃瓜......」
2020-10-30 22:40:17
上次係賣三級片
2020-10-30 22:47:29
仲要睇個黑衣同老女人扑嘢
2020-10-30 22:51:15
貴華真係好正
2020-10-30 22:59:11
次次都呃鳩貴華
btw想睇少佐咁正經嘅人去呃貴華
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞