【溫柔鄉】《病港ＩＩ》（１４）

推病港

出版社有考慮過 不過唔到我決定

如果搵唔齊可到豐林文化fb 網上訂購

Push

推呀

推

推

終於追到live

這是必須的

課金可唔可以加多更

推到墨巴寫足24小時

唔係幾抵出

談論完正事的我們，正欲離開這裡。

當我們步出安靜的走廊，便聽見外面一陣人聲鼎沸，激烈的呼喊聲都傳入耳內。

我和少佐一同行近，只見大堂入口聚集了一群年輕的大本營小伙子。

他們圍成圈形，似乎在看戲。

好奇的我們，便行到人群之中，看看中間到底發生什麼一回事。

只見，一位年輕的傢伙，正拼命地攻擊大舊！

大舊不見數年，髮型和肌肉一樣沒變，那黑亮的掃把頭依然保持豎直，當然不少得那件市井的白色背心。

「啊啊！！啊啊！」至於那位對他出拳猛打的年輕人，即使施盡渾身解數還是被大舊一一抵擋下攻擊：「好難打得入呀──！」

我記得大舊現正使出的，是大本營防身自衛術，這裡每個學生幾乎都會用。

原本我們以為是什麼執爭，少佐正要把他叫停時，人群中有一位人兄，卻率先喊停：「夠鐘！一分鐘已過！」

「唉嗄......」那位年輕人停止了攻擊，交下一塊硬焦糖。

「仲有冇人要挑戰啊，哈哈，贏咗嘅話呢到成盒俾你哋。」大舊拿出一個盒子，入面全是放著方形小巧的硬焦糖。

「領導！？」、「少佐喺到喎......」、「少佐！」、「挑戰下啊！？」

人群中，出現了各種聲音。

「你哋做緊咩？」少佐問。

大舊摸摸頭髮：「哈，同佢哋玩緊囉。」他果然深得學生喜歡。

「大舊老師話，只要一分鐘內打到佢個身一下，就俾哂成盒糖我哋喎！」有個女生說。

「但要俾一粒硬焦糖做報名費，少佐試下啊？」旁邊的男生支持他。

「係囉，試下呀！幫我哋打低大舊，分返啲糖嚟都好。」

「大舊老師宜家有成盒喇，完全係土豪啊！」

「要試下？」少佐笑問。

「我？」

「嗯，幫你俾報名費。」少佐拋顆硬焦糖，到大舊的手中：「有位新朋友想參加。」

大舊厚實的手掌，一手接住糖塊：「無任歡迎，呢位朋友仔點稱呼？」

接著，群眾的視線都一同移到我身上。

今日冇文？

我好像，又被少佐推出去了。

「馬克。」我就唯有摺摺手袖，跟他玩玩兩手：「約翰 ‧ 馬克。」

「好，我叫大舊，之後會即將俾你見識到，全將軍澳最厲害嘅防身自衛術！」大舊像不動明王，神色嚴正地盯著我。

「咁，就多多指教。」我行入圈中。

「一分鐘計時，現正開始！」一名有錶的學生高聲宣佈。

挑戰展開，大舊的眼神立即更為銳利。

我也想看看，經過接近六年的成長，他到底厲害到什麼程度。

於是，先是試探性地進出直拳。

大舊毫不猶豫，就使出了撥手。

我又使出側踢，大舊就彎舉小腿，擋住中盤。

試探結束。

接下來，我等待時間倒數......

「約翰馬克先生，咁快就放棄！？」戰意高昂的大舊，還順著格鬥的節奏搖擺著身子。

「最後五秒！五、四──」大家一起倒數。

「三！」

「二！」

變線踢！

「呯！！！」

腳掌如同流水的曲線，狠狠地擊中大舊的頭部。

「嗚啊！！」始料不及的大舊，硬生生吃了一腳。

身形健壯的他狼瘡幾步後便重拾平衡，但他已經輸了。

圍觀的學生們都目瞪口呆，包括在遠處樓梯看戲的傢伙也是，好像沒一個人看得清，我如何使出這一招踢擊技。

「我無眼花啊嘛......」負責倒數的那位學生，揉一揉眼睛。

「隻腳好似蛇咁扭轉、改變向方嘅！？」

「好型呀......」

大家都為這一招正常不過的招式，異常地讚嘆。

「呢招叫「縱蹴」......」大舊雖然被我擊中頭腦，但還是很清楚我的技巧背景：「係出自巴西極真空手道嘅技術。」

「哇，咩嚟？聽都未聽過......」學生們困惑。

「少佐，你朋友馬克，係個武術家？」大舊打量我一眼，補充一句：「啱先個下，唔係虛有其表......係有一定力度。」

「佢只係位神父。」少佐轉移話題，向大舊招招手：「好吧，大舊，拎盒糖嚟，我哋贏咗。」

「好，我願賭服輸，嚟！」大舊把糖盒交給我們。

我在糖盒拿了一塊硬焦糖放入口，作為自己的小獎勵，結果卻被少佐一盯。

「咩？唔食得......？」我問。

少佐這才說：「唔記得同你講......我哋大本營宜家有法定貨幣，就係呢啲３ｘ３公分嘅「硬焦糖」，一個有工作、有學習、有貢獻嘅人，一星期先會獲發一粒。」

就是說，我吃了錢入肚？

在少佐把硬焦糖分回給原本的年輕挑戰者後，這段在體育館發生的小插曲就告一段落。

「過咗成日，居然無人認到我。」夜了，我們回到設計學院那邊。

「你唔係紮起啲頭髮，啲人可能都有印象嘅。」少佐說。

「今晚我訓邊？」

「跟我嚟。」

少佐走上樓梯，一口氣把我帶到八樓去。

這樓層，以前是屬於董倫那群知識份子所居住的地方。

這一層都有人居住，但人數沒有樓下幾層的多。

「少佐。」有位巡樓的守衛，遇到上級便點個頭。

「今晚呢位客人會喺到休息一晚。」少佐正介紹我。

「收到。」守衛得知消息，便繼續巡樓。

少佐把我帶去一間面向西南的房間，那裡有塊落地大玻璃，但窗簾都拉下了。

「聽朝見。」我本以為今天，就到此為止。

結果，卻有意想不到的發展......

「見唔見到。」少佐行近窗邊，凝視對面大廈某一個單位。

「嗯？」我走到他身邊，沿著他線視瞧去：「有咩嘢。」

「望下彩貴閣嘅十二樓單位。」少佐又說。

我從下數起，數到彩貴閣大廈的第十二樓單位，也發現了那恐怖的事。

有個人，正在窗口暗地監視著大本營。

「你幾時發現佢？」只是環境太黑，單位又沒開燈，看不清他的樣貌。

「幾個星期前。」少佐說。

「咁都發現到，厲害。」

「我係收到一封告密信，先知道大本營原來已經俾人監視、跟蹤緊，特別係我。」

「你意思係，有人提醒你？」

「嗯，所以我先特別注意周圍，我代入監視者嘅心態，然後就俾我意外發現宜條友。」少佐仍然盯緊十二樓單位，那個黑漆漆的人影：「佢哋好醒目，夜晚先會出現喺窗口位，觀察大本營嘅情況。」

「佢哋？仲有其他人？」

「如果係得佢一個嘅話，我就即刻會上樓郁手。」少佐說出自己的隱憂：「但係，佢應該唔係自己一個，而且係應該有一班人，因為就算係近近地西南面嘅嗰堆私樓，都有監視者存在。」

「到宜家為止，搵到幾多個？」

「三個，仲有一個喺東南面嘅變電站到，唔排除有更多，所以暫時唔打草驚蛇。」

「會係咩人。」

「仲有咩？就只有艾康嘅走狗。」少佐說。

「咁真係全方位滲入。」

「你應該知道，艾康追殺佢個妹艾匡嗰陣，我哋短暫接受咗艾匡幾日，相信嗰陣已經有艾寶琳混入嘅耳目留意到，而且艾寶琳反對派嘅流亡領袖，如果離開咗艾寶琳，咁佢哋可以喺將軍澳揀嘅倖存區，就得返大本營同康城，所以佢仲係監視緊，我哋有冇接收咗對佢不利嘅人。」

「咁封告密信係邊個俾你？」

「就係反對派個領袖，佢係托人送信俾我，亦因為呢件事，我同明雲先決定暗中咁支援「聯合倖存區」成立，艾康太猖狂。」少佐望向我。

我思考了一會，坐到桌子上笑：「仲以為你哋將軍澳宜到係天下太平......」

「你嗰到好亂？」

「亂到我幾乎都唔可以主動出擊，太多勢力互相牽連，所以我先想打通將軍澳區嘅隧道，若果有咩事嘅，都有援兵或者逃生門可以走。」我說。

「我哋幫你搞生化防護衣，你幫我清理佢堆走狗，呢個合作唔錯？呢啲事情你最精。」少佐提出。

「就咁話，但聽日幫我搞把武器先。」我把三張電腦椅平放，然後躺到上面。

「嗯，聽日你會收到，詳情再講。」少佐按按眼眉，看來他都累了。

「呵欠～早抖。」我揮手。

「晚安。」少佐離開房間。

加更

感謝支持

m同少佐好似佐助同鳴門

墨B，呢個咩黎架？

虔誠者係最應該出書而又未出嘅故

我都嚇左一嚇
我以為係小松故，點知一禁入去全部都係拉丁文