【溫柔鄉】《病港ＩＩ》（１４）

呀登

病眼
又可以睇佢兩個隻抽




M:今次仲唔到我秒返你

定係佢已經畀北賢電到灰飛煙滅
寄生都做唔到

回家了吧
好似比想像中簡單喎

M係隔左幾耐 先重返大本營？

病者5年+港島大半年？

想知瓦禮仲喺唔喺大本營
滿天仲有冇偷偷地搵佢

Lm

推

推

每日一推

快啲出酒店

繼續推

Lm

lm 等加更

加更加更

Push

我整理好貼頸的衣領，拿好書角帶點破損的聖經，就正經八百地站起。

「出面聽落好熱鬧咁。」我在羈留室期間，持續聽到來自廣場外面的吵雜。

「今日係同樂日，我哋每個星期日，都會搞一次類似嘉年華咁嘅同樂活動。」少佐拉高貝雷帽子，瞧向了我：「要去感受下？Ｍ。」

「......」

「唔洗咁拘謹。」少佐低頭一笑，走來推著我的背脊出去。

要是重遇王達尼的話，他可能會用力地抱妳一輪，然後嘴巴不停地說些有的沒的。

但我和少佐，本來就是那種不善於表達自己的人。

這次重遇，我們表面上平淡無奇，但相信少佐內心跟我一樣感動。

少佐把我帶離四面是牆，冰冰冷冷的羈留室。

一行出Ａ橦大樓，就差點撞到眼睛不看路，胡亂地追逐奔跑的孩子。

「嘻嘻哈哈哈！」

他們天真爛漫的笑聲，就像印證我的付出沒有白費。

「小心啲啊。」少佐喊。

露天廣場如常生著個大營火，有人彈結他、有人跳社交舞、有人喝飲料，想跳舞的人，會主動走到正中央，等待主動接近的人成為舞伴。

「你可以自己行下，感受下。」少佐抱著手，放任我自由活動：「或者你想快手搞掂件生化防護衣，我可以帶你去搵愛紗。」

「佢知道邊到有？」我沒記錯的話，愛紗是王達尼的心儀女生、女朋友、曖昧對象之類？

「佢係我哋大本營嘅生活小百科，所以我諗佢可能知？」少佐也是猜的。

「少佐，我老公仲喺工坊準備緊落嚟，音樂就快開始，陪我跳隻舞先？」倏地，一名年約六十，但風采依然的婦人走了過來：「咦，呢位係新朋友仔嚟？」

「嗯，蕾蓓女士。」少佐微微一笑，把跳舞的邀約轉移到我身上：「佢似乎唔太習慣大本營嘅氣氛，不如你幫下佢？」

「當然無問題～」蕾蓓夫人行到去廣場中間，待我像個熟人般介紹自己：「叫我蕾蓓就可以，係宜到嘅種植專員，如果你有機會喺到食到菠菜嘅話，嗰啲就係我親手種。」

被少佐半強制性推去與人跳舞的我，只得硬著頭皮跟過去：「我係一位......神父。」

「我當然睇得出。」蕾蓓呵呵一笑，又問：「你識唔識跳社交舞？」

「識。」我之前在跑馬地馬場，跟那千金小姐學過一點點。

樂器奏起，我和蕾蓓就跳著社交舞。

「神父，你好緊張？」蕾蓓感覺得到。

「係。」我都不隱瞞了。

「哈哈哈，放心，我唔係出面啲病者，唔會咬你。」蕾蓓夫人一邊跳，一邊問別的事情：「話時話，我可以點稱呼你？」

「......馬克。」我輕輕掀開聖經，剛好瞧到個合用的名字。

「就咁叫馬克？」

「約翰 ‧ 馬克。」我答全名。

「哈哈，真係成教神父咁，你係嚟傳教？原本係住邊個倖存區？」蕾蓓夫人真多事情問。

正當我想著要如何回答時，Ｃ橦大樓的工坊四樓上，有個中年男人伸出半個身子到欄杆外，向蕾蓓喊：「喂！老婆，唔等埋我跳嘅？」

「快啲落嚟啦！」蕾蓓招招手。

隨著營火旁越來越多人加入，小提琴、鼓聲和笛子同時出現，曲風漸轉輕鬆愉快，大家步伐變成一踢一踏的，蕾蓓說這是愛爾蘭踏腳舞，適合多人一起跳。

大家後來更互相挽著手臂，不停地轉圈、轉圈，又轉圈，單是繞住圈子，就令整個氛圍變得快樂無比，即便對於踏腳舞一曉不通的我，都很快融入環境，學著他們一踢一踏的。

就算是旁邊圍觀的人，都會拍著手給予節奏。

身處這個地方中，就像可以讓人忘記時間的流逝......

到我踏出跳舞人士的範圍外，世界早已天旋地轉似，我應該是繞了太多圈。

「有冇感覺融入咗？」少佐一直在外圍觀看。

「我仲以為會好無聊。」我笑一笑。

「嘿！少佐，要飲枝？」有個啤酒肚的中年漢，握著個木箱過來：「新釀嘅熱酒，咦，外地人啊？」

「約翰 ‧ 馬克。」我直接跟他握手。

「哇，黃皮膚嘅鬼佬名......」啤酒肚大叔微愣。

「摩哥，你見唔見到愛紗？」少佐問他。

「佢好似去咗圖書館嗰邊？唔係七樓嗰個，係對面嗰橦。」摩哥指明方向。

「喔，好，唔該你。」少佐點頭。

「點啊？賞唔賞面同我啤一啤先？咁難得，大家又捱到星期日，不醉無歸啊嘛！」摩哥拿出兩瓶私釀酒，各分我們一枝：「嚟，飲啖先！」

「就陪你飲。」少佐搖一搖頭，把酒放到嘴邊喝。

跳完舞感到口渴的我，把摩哥手上得來的酒，當成水解渴：「咕......」

「咕」少佐都仰頭大喝。

「呼......」我和少佐幾乎同時間喝完。

原本可能跳完舞只有昏頭轉向，相信站得穩就很快沒事，但喝完摩哥給的熱酒，不知是否酒精濃度太高，竟然令我昏眩感加倍！

「嚟多瓶？」摩哥又拿出一枝，問。

「呢啲酒你邊到搞返嚟......」我擦擦嘴邊。

「大本營自家製嘅，熱酒。」摩哥擺出邪笑的表情：「係咪好好飲呢～」

「厲害，好酒。」我舉起大姆指。

「哈哈，你睇下你？居然舉起隻大姆指......」少佐指出我日常的回應方法：「你以前係點下頭，之後「嗯」一聲就算。」

「你咁講又好似係......」我可能真的有點醉了，居然會做出多餘的動作。

「估唔到你咁快就醉。」少佐淺笑。

「但我想講，你仲好笑，居然會特登指出我平時係點，仲用把口講埋出嚟，呢啲嘢正常你應該心入面諗下就算數，點會真係講埋出口......」我指出少佐醉了的證明。

「啊......你又講得啱......」

我們互相瞥了對方一眼，看來熱酒的醉意很強勁，不經意地讓我和少佐暴露了冰冷面具後的熱情，而把我們當作實驗品的摩哥，則站在一旁笑嘻嘻地觀看著。

幸虧的是，這裡有的人比我們還亢奮，跳舞跳得忘了形，不然就是站在一起聊天，眼裡只有對方，完全沒人注意到我們之間不尋常的對話。

為免有失身份，我們很快就重拾正經，繼續到周圍逛逛，免得被廣場愉快的音樂感染，突然性急就落場跳舞。

除了廣場中央舉辦著同樂日的活動外，其他地方都正在舉行，包括大本營的新領域，調景嶺體育館和圖書館。

以前我就在想，這兩座建築這麼接近大本營，為什麼不把它們收編成領地之一，如今終於實現了。

「行吧，摩哥話愛紗喺嗰邊。」少佐帶路。

我們可以從大本營地下飯堂穿過對面，直達圖書館那邊。

這圖書館有整整三層高，如果說露天廣場那邊是給老一輩載歌載舞的地方，那麼圖書館就是給幼童孩子逗留的地方。

從前圖書館只有七樓的一個，大家經常要擠在一起，更要坐到地上閱讀。

現在，有了這間三層大的圖書館，相信未來五年後的娛樂都不愁了。

在地下兒童閱讀專區的孩子，簡直像朵溫室的小花。

寬闊的空間、無限量提供的漫畫書，就連地板都用軟墊代替，他們合共二、三十多名孩子，正坐在中間五顏六色的小椅子上，聽從一位姐姐說故事。

而那位姐姐，就是阿玲。

少佐行入去兒童閱讀專區，打斷了故事的進行：「玲，知唔知愛紗喺邊？」

「愛紗啊......好似係三樓？」阿玲正在回想：「無耐之前，先見到佢行上嚟。」

突然，有個六歲大的孩子，用生硬的語言說：「玲姐姐，唔好理少佐啦。」

「呢位係？」阿玲終於注意到我存在。

少佐怔然，對我說：「介紹下自己？」

「我係神父，可以叫我約翰 ‧ 馬克。」今天第三次，對人說假名。

而且，居然不引起懷疑。

這要有賴自末世之後，就有一群人胡亂地更改自以為帥氣的名字，什麼「白鯨」、「不破尚」、「董倫」的。

以上只是我猜測，不排除是真實姓名。

所以，對於名字不太過份怪異的人，大家都普遍接受。

「神父？咁就好，你可以幫我睇住班細路一陣先？」阿玲問。

「我......」我低頭望往這些楚楚動人、明眸皓齒的大本營小幼苗們：「好吧。」

原本想拒絕的。

但......

感覺上，

這些孩子，

就像大本營一樣，

是這個家的一部份。

我想去認識他們每一位。

我為大本營打生打死時，這些孩子尚未出世吧？

「咁我搵到愛紗再嚟叫你。」少佐對我說。

「嗯。」我坐到講師的小椅子。

「講故事！講故事！」小孩們拍拍大腿，大嚷大叫。

待少佐和阿玲走遠，我才說：「小朋友......你哋有冇聽過，大本營有個好偉大嘅人？」

他們搶著回答：「有！黑色賢者！」如少佐所言，這角色很受孩子歡迎。

「但我想講，有個更偉大嘅人，係遠喺你哋出世之前，就已經離開宜個世界......佢嘅故事，更值得人閱讀。」我苦澀抿笑，續說：「如果無佢，我諗到宜家，宜到都係荒廢一片。」

「邊個啊？」孩子們張大眼睛，很想知道。

「佢個名......」我看著每個孩子的眸子，說出那個久遠的名字：

「叫老賢。」