失戀 好難過 得閒傾下

我ex 以前好少ig po story，但分手後差唔多日日一個ig story，show 到自己生活好開始，好似想話俾我知佢自己一個過得好好咁

*生活好開心

咁真係要諗清楚之前分手嘅問題係咪可以解決，如果有可能解決到嘅話，不妨俾個機會大家

儘管再一齊返都有可能解決唔到之前嘅問題然後再分開，有可能再承受多一次分開嘅傷痛，但起碼大家都有嘗試付出同改變，證實真係唔適合
又或者就係呢一個機會，大家可以搵到mr. / mrs. right 走到最後呢？

無論大家想點都好，都一定要約出嚟傾清楚呀

條仔真係慘 忍咗你足足兩年
你都覺得佢有錯嘅地方
我唔知你同佢嘅性格係點
但我估佢係費時講完會傷害到你 你可能會喪鬧佢 甚至乎直接分手
你肯定以前嘅你聽完佢埋怨之後 真係會對佢好返？定係會覺得佢唔理解你 同唔肯接受你啊？

我覺得聽日應該都傾唔掂
佢態度咁飄忽
真係唔知佢想點

你個case唔同
通常講分手果個都可以易d放低

可以呀 係咪係到留
我做開cd rom
唔識用

有冇高手解答下

用陌生人嘅角度嚟睇 我覺得佢想你承認傷害咗佢好耐 同埋會對佢好返
總結 佢對你仲有舊情 如果你唔想改變自己就同佢講 之後躝得越遠越好 好似佢呢啲脾氣咁好嘅人 唔應該成為你嘅出氣筒
你肯改就主動同佢修補關係 多啲關心
完

佢脾氣都唔好
佢係變番原來咁 我地先完
所以冇可能係我一方面去改
而佢乜都唔做 等我彌補等我修補

既然佢遷就咗你兩年 唔想再遷就你
你又唔想自己改變去就佢

咁咪證明你哋本身個性唔夾 你對佢嘅愛唔夠囉
咁咪分手 做返普通朋友算

你都話冇可能得自己改 我都唔想逼一個為咗個女朋友改變自己脾氣兩年嘅人繼續扮好脾氣

兩個脾氣唔好嘅人 咪揾兩個唔介意另一半脾氣差嘅人拍拖囉 反正佢對你嘅愛已經俾你嘅壞脾氣消耗哂 你對佢嘅愛又唔夠令你肯單方面改變自己

將我呢段嘢copy俾佢睇 睇吓佢同唔同意
btw 希望嗰位巴打揾到個鍾意佢 又識得包容佢嘅人

Hi左你啦
你睇下見唔見

我都覺得係咁
我同佢都鐘意大家
但始終我地的原生性格係咁
冇可能為對方改到咁多
如果唔可以去到一個大家都舒服的位置 就只可以咁

你都識講你對人好差啦
你點對人 人地咪點對你 好公道ja
你而家怪人話move on就move on

大家女人都係咁話啦有d野
係埋一齊就係關係要對等
唔好成日覺得”我係女人 你就係要就我”

小弟7月頭嗰陣同女友冷靜，8月頭分開咗，佢講分開，都就嚟兩個月了。

由7月到9月底，我嘅情緒同健康都好差，同時間連份工都冇埋，再加屋企人失業，本身又有焦慮，自己都20到尾，三樣嘢加埋一齊真係好大嘅打擊

初頭真係食唔落嘢，愁到不得了，仲要失業冇工返但又唔敢同屋企人講，日日出去扮返工，身邊又冇朋友，每日出街都唔知可以做啲乜。本身有影相興趣，但嗰刻都冇咗動力

每日就係咁做塔羅占卜、上網睇文書睇星座，了解自己、了解對方。日日睇，睇完再睇，時而諗通，時而鑽牛角尖。試過仲好多嘢挽回都唔成功，對方都係好冷淡，但得知佢其實生活都過得唔好，可能我哋有好多內心情緒問題而家解決唔到

中間我有搵佢講嘢，但8成都係已讀同好冷淡，自己嘅情緒都愈來愈差，但呢段時間睇文真係幫助到我唔少，真正咁了解自己，唔止睇復合文，亦睇啲講兩性相處，了解自己問題喺邊

我都摸錯過門釘，明明話斷聯但又死纏，打一大段嘢以為好了對方，點知對方話：你真係好唔了解我。我個心真係痛撚到

直到9月下旬，我做好多占卜都係叫我好好愛自己先，所以我冇再比自己頹落去，我開始意識到自己唔可以再咁頹，有把聲音叫我做好啲，叫我諗下當初點吸引對方，因為我想復合，對方曾經講過我脾氣同情緒好大，呢個係佢唔愛我嘅原因之一。所以首先我要改變好自己，由情緒開始，好好對自己，好好對屋企人。

感覺上，自己個人係放鬆咗好多，情緒亦都平靜咗好多，個心都仲好鍾意對方，有時亦好掛住佢，但係我會同自己講，如果呢刻照顧唔到自己，你點樣照顧你愛嘅人？呢個係一個考驗，你呢關過唔到，就唔好講復合

我正視自己嘅得失心，做到無欲則剛，面對對方嘅冷淡同無視，而家嘅我雖然未挽回成功，但至少我嘅情緒同心態都正面咗好多，我好珍惜可以同佢講嘢嘅機會，那怕只係一句

記得睇文講過一句：你只有放低抱回嘅心態，先有抱回成功嘅機會；而抱回嘅唔係對方，而係從愛情中迷失嘅你，記住為自己而變。

我唔敢講自己好正能量，畢竟有時都悶到仆街、情緒唔係咁好，但我調整到，已經比之前進步，希望你無論想復合定move on，先好好照顧自己，冇人想見到唔好嘅你，包括前任

Agree
好厲害呀你 走到出黎
要繼續加油

我都認同 想復合又好點都好
先要梳理好自己
先會有能力處理到其他野

共勉之

樓主move on了嗎

後尾我同佢又一齊番不過依家都仲係成日會鬧交