養過6年幾金魚，希望幫到大家，歡迎你問我答

樓上啱，我啱啱開始樣都係裸缸，分鐘嘅話養文種/草種（上網有介紹草/文/龍/蛋種），不過我個陣養龍種，啫係平時黑色突眼個種，因為比較雜種冇咁易病我唔係貶底佢哋，真係咁稱呼。。。

平嘅可以平到2蚊條十幾蚊一袋（8到10條），你要好似樓上巴打個啲靚靚金魚就貴啲4條尾個啲就28蚊買過38又買過，都係睇嗰間街市或者店賣得貴唔貴，可能貨源平佢就賣平

係呀你可以同佢玩，佢會隔住玻璃追住你啲手指

唉 我以前啱啱養都死唔少魚 最可惜嘅係金魚無左你永遠都冇可能搵返一條一模一樣嘅 真係好心痛 尤其係靚魚真係可遇不可求

冇啊冇研究，身邊都冇人做呢行唔識搞

我有個客專賣鬥魚，最衰唔識魚場做唔到佢生意

我都係建議裸缸，等有經驗之後再慢慢加野入去，驚有啲人養養下又唔養之後好似晒嘢

運貨路來講唔係大陸比較近？

你想撈啲咩魚

之前我一個缸養咗九條，其實我都覺得迫，但係老竇要養無辦法，太迫最煩係疾病管理

我啲金魚好衰㗎，平時鍾意食屎都算，次次換完水，就特登痾返條新鮮滾熱辣，之後咬完吐/噴返出來係都要咁做

人地直接同泰國買

我都好鐘意碟蝶尾 但蝶尾我覺得最好同返蝶尾養 因為搶食太斯文啦 唔夠其他金魚搶 所以冇養到 個人經驗係蝶尾只能同蘭壽，丹頂，水泡眼比較斯文嘅魚一齊養，千奇唔好同琉金，獅頭，和金比較強勢嘅魚混養

其實我有記得佢哋個樣，你話啲魚條條一樣，其實個面真係唔同

我有混，太斯文/蠢真係會輸蝕，仲之都係雜/文種強勢好多，次次食嘢都搶得勁快又食得多，游水又快，有時候淨係可以用網隔住比其他食

我又撈下仙 利申唔好學 個時一個1蚊銀好溫純 養到依家手板大 成日兇我啲金魚

我最多都係金魚撈金魚，咁巴打個度依家點？你去兇返佢

啱啱養個時成日見到靚 忍唔到手 ，但真係勸咁多位新手睇啱先買 缸要大魚要少水質先會好 養得多就換密啲水 唔好害左佢地

利申自己都做唔到但近兩年忍手忍得好左

咁佢又唔係真係啄落去嘅 條仙養左兩年 想照顧到佢終老喂飽啲會冇咁aggressive

一個魚缸 10條魚 3條魚冇左隻眼係咩原因

師兄十條魚係咩魚

普通金魚

師兄有冇咩contact 想睇下有冇機會做下你客仔 雖然近來我都冇咩買魚

如果同種嘅話 可能某幾條比較強勢 最好都係揀返差唔多大細 但金魚都有唔同品種 某啲品種會比較強勢 好似草種魚文種魚，龍種蛋種多數比較弱勢 所以盡量唔好混養強弱勢魚種 同重嘅就養返差唔多大細

其實魚缸生青苔係咪就唔洗餵
佢地會自己食青苔