有冇試過係唔適當既場合笑出聲？

話說以前有份工個太子爺就好鍾意曼聯
佢繼母雖然好唔鍾意佢但都會扮下野做樣討好佢
太子爺本身係傻下傻下智力唔係好高果種

有一日老闆娘叫人去停車場拎野俾太子爺
好高調咁同班同事講有禮物送俾太子
咁我拎果陣都覺得件禮物出出地事
咁太子爺第一眼收到話好開心曼聯波衫來
老闆娘就叫佢拆來睇下鍾唔鍾意
拆果下太子個樣當堂由變
佢同我講：籃...籃球波衫來嘅....
老闆娘再問多口鍾唔鍾意
太子爺：鍾....鍾意呀.....
聽到嘅同事都忍笑忍到傻左

有冇人覺得中山話好好笑
我覺得係好重口音嘅廣東話
有一次跟親戚去中山 唔記得做咩 但應該係生意上嘅嘢
對方應該係啲咩供應商嘅老細 佢一路行好認真咁講解一啲野 我就一路喺度笑 你真係忍唔到

屌

第一日翻客服
坐我隔離個team leader接到大陸人電話
佢嘅普通話爛撚到我忍唔住大大聲笑出嚟
成team人即刻望左過嚟
最後比佢由第一日翻工針到我辭職個日

https://youtu.be/kj-b2CDixS4
殘體字 但第一時間諗起呢條片

入咗廁所笑到爭啲俾人以為我笑佢賓周細

頂

屌 我都試過 叫阿爺講錯阿爸收野 跟左d親戚一齊叫

中學嗰陣聖誕節會有啲咩聖誕party，Party前一個禮拜有日全班連埋兩個班主任喺度傾Party啲嘢，講到每人要俾幾錢買禮物之類，嗰陣其中一個班主任係光頭，fd A 同fd B講話不如買把梳比阿Sir，嗰陣因為成班都講緊嘢好嘈，咁我聽唔清楚，就問fd B佢頭先講咗啲咩，嗰陣B已經笑到仆街，之後好大聲同我講話買把梳比阿Sir，點知佢講果下咁啱全班突然靜咗，個光頭阿Sir聽到即刻怒啤fd B，嗰陣全班啲人都唔敢有咩反應，但係我忍唔住笑到仆街， 之後啲friend見我笑佢哋又忍唔住笑，最好笑係連另一個班主任都忍唔住喺度笑

中學做社個陣係台上面宣緊誓，隔離係校長同校監


點知樓下班撚屌引我笑跟住好唔爭氣咁笑咗出嚟

去做gym比女PT教推胸 佢一路示範點推 我淨係掛住望佢對波 仲見佢好認真咁講就笑左出聲 佢話 笑乜啊？

中學個陣中文堂，老師讀詩，其中有一段 「玉人何處教吹簫」， 勁多人笑左。最後被女老師鬧。

推 你若放棄 誰衛我城

希望以後開會嗰陣唔會突然間浮現呢個回覆出嚟，唔係實笑到抽筋

睇你哋一頭霧水仲好笑雖然我都唔知佢up乜9

以前有個老師塊面上面有粒好大嘅墨，仲大過家燕媽媽嗰粒
有日上上下堂（lunch之後）有人擺咗杯珍珠奶茶喺枱度
條友細細聲同隔離位講個老師粒墨好似珍珠
然後一個傳一個，個個都笑到仆街忍到震哂咁
個老師就咁樣
勿相認

基本動作
mit 大脾
咬自己條脷
望第度

爆火果下要三樣一齊做

中學早會前不嬲都會喺操場等打鐘
有條友唔知做咩玩拋書包
又咁勁一野拋左上籃框卡實左啲網
佢諗住扯返落尼 點知跳起一扯
扯唔到不止仲打埋鐘夠鐘排隊早會
嗰下我哋已經係咁笑條友on9

咁早會開始都比返幾分尊重忍下笑啦
點知望到原本企滿人嘅球場唯獨書包下面嘅圓形冇人企空左出尼
然後又有個校工拎左條梯望住個書包半天吊
但早會未完只好企喺場外望住等
一個書包搞到要隔離+隨時stand by咁都已經忍得好辛苦
仲要個訓導喺台上訓話嗰陣時不時拎過尼望下個書包
佢望完我哋又望 佢仲要講左句希望大家守紀律唔好標奇立異嗰下我哋笑到癲左咁

點解可以咁仆街？

捐血

無事不過本身都唔諗住高分

喺戲院睇鬼片
有條女突然尖叫
搞到成場喺度笑
之後成場就好似變咗笑片咁
間唔中就有人笑

有時見到人係咁笑
自己都會笑

呢個聽朋友講，又係破地獄
佢話果次個師傅花樣特別多，無端端搵人抱隻鵝出來，唔知代表超渡定點。另一個師傅拎住把桃木劍係隻鵝面前揮舞，隻鵝個頭又下意識想避佢，個樣好似話：屌你睇住fing 咪發到我呀！我朋友唔敢笑塊面谷到紅晒