[穿越][愛情][校園]重回青春時尋找當年失去的愛情

有呀，通常比連燈慢少少上傳，但感覺我紙言多人睇啲

15.小彤的問題

兩個禮拜後，班會活動的那一天終於來臨。

「鈴⋯⋯鈴⋯⋯鈴⋯⋯」床邊的鬧鐘不停地響着。

我把桌上的鬧鐘關掉，伸一伸懶腰。

此時我的手提電話響起了鈴聲，原來是小彤打電話給我。

「靚女彤彤：喂你醒未呀唔好訓過龍呀，今日仲要早啲去食早餐㗎。」

「小宇：我醒左啦差唔多可以出門口啦。」

「靚女彤彤：咁二十分鐘後就係上次食嘢嗰間茶餐廳等啦。」

「小宇：好」

二十分鐘後，我到達了上次跟小彤吃東西那間茶餐廳，我看見小彤已經坐在一個位置，並向我揮手。

小彤今天穿了一件較鬆身的運動服裝，並穿着一條短褲，她白淨的長腿被其他男性看到令我覺得有點吃虧，於是我立即借件外套讓她遮蓋着先。她看到我的反應有點想笑，但也有點害羞不知道想着什麼。

「咁遲㗎你，我幫你叫咗嘢食啦。」我一坐下小彤就說。

「唔該晒你呀。」

幾分鐘後，食物很快來到。

「係喎你記唔記得帶通告啊？如果唔係冇得去㗎啦今日。」吃早餐的時候小彤提醒我。

「仆街。」昨晚給阿媽簽的那張通告放在了家中的飯桌上，我現在才發現今朝匆忙之間忘記了帶出來。

「做咩啊？小宇你面色好似唔係幾好咁嘅，唔舒服呀？」小彤把她白滑的手伸過來想摸一摸我的額頭。

「冇事呀，我諗緊啲嘢姐。」我把她的手捉住。

「冇事就得啦，快啲食啦。」小彤好像因為我捉住她的手而感到有點尷尬和臉紅，並把手收回。

「點算好呢？我諗到啦。」我想到可以找一個人幫忙。

幾分鐘後，我和小彤已經吃完眼前的食物，而且結好賬。

「小彤，我去一去廁所先。」我向商場廁所的方向走過去。

「好啦咁我喺出面等你。」小彤點頭答應在商場的門口等着我。

我走到廁所旁邊的後樓梯，並呼叫天使彤的名字。

「喂，天使彤，你係邊呀？天使彤」

忽然有人拍我的背部，我轉身一看，原來是天使彤不知道什麼時候已經站在我的後方。

「我係度呀，你今次又搵我咩事？」

「我今朝出門口嗰陣太匆忙唔記得咗帶份通告出嚟如果冇份通告，咁我就同唔到彤彤一齊去長洲㗎啦。」我向天使彤解釋事情的經過。

「好易姐，你張通告係咪擺咗係你屋企個飯枱上面呀？」

「係呀你點知㗎？」雖然我看了很多次天使彤施展過她的力量，但每次都令我感到很驚訝。

「嗱呢張係唔係你嘅通告呀？」她的手中白光一閃，我今天早上放在飯桌的通告就在她的手中。

「係呀唔該曬你呀。」我的手想伸前拿那張通告。

「咪住先你應承我一樣野，就係你陣間要對小彤好啲唔好令到佢唔開心啊。」天使彤警告着我。

「緊係會啦，我一定會畀一個美好同開心嘅回憶彤彤㗎。」我拍着胸口保證。

「係咁就好，希望你講得出做得到啦有咩事再搵我。」她把通告給我，隨即消失了。

當我一出到廁所外面，小彤拉着我的手急忙行去巴士站。

「你啱啱搞咩呀去咁耐？就快遲到啦！」小彤看着電話上的時間。

「冇啊，有啲肚痛姐。」

轉眼之間，巴士很快就來了，而半小時之後我們到達了中環5號碼頭，距離預定集合時間提早了5分鐘。

「喂小彤、阿俊，你哋咁早到嘅？」原來阿欣都到了。

「係呀，驚遲到呀嘛，你知阿俊好懶訓㗎啦，係呢阿明呢？」

「哦，佢去左買啲野食諗住陣間搭船個陣食。」

5分鐘後，所有人都到齊隨即就可以出發搭船了。

在大約一個小時的船程途中，我和小彤吃下零食，休息一下，很快就到達目的地長洲。

一下船之後，我們一班人就先到東灣玩集體遊戲。

第一個遊戲是閃避球，分成兩組人，15個人一組。我和小彤在同一組。

在玩閃避球期間黎楓芷不知怎麼回事經常將球向着小彤的方向擲過去。

「喂，小心。」這一球的球速甚快，正當我覺得小彤難以躲避打算去用身體替小彤躲下來時，那個球卻出現一些奇怪的軌跡，方向突然向着地上並且反彈回黎楓芷的方向。

「唔通天使彤又係度？」我向周圍看看卻未看見她的身影。

果然，黎楓芷並未能夠躲過這球，而且球更撞向她的臉上。

「哈哈哈」「有人食波餅」班上的同學都趁機冷嘲熱諷，只有跟黎楓芷的較為幾個友好的同學站在她身邊幫助她站起來。

「哼，唔玩啦，都唔好玩既。」黎楓芷之後生悶氣地坐在旁邊，直到集體遊戲的環節完結也沒有再參加。

「好啦，集體遊戲的環節就到呢度結束啦，大家可以自由活動周圍行下，6:00喺返碼頭搭船返中環就得啦。」我提醒各位同學。

「好嘢，可以去睇吓嗰啲動漫舖頭同電腦零件舖頭。」「我哋去試吓食下大魚蛋先。」「我哋去踩單車先。」班上的同學很快就離開了，而李老師也跟某些同學去吃東西，只有我、小彤、阿欣和阿明站在原地。

「好啦咁我哋出發去張保仔洞啦。」阿明說。

我們一行人往張保仔洞的方向行，經過半小時的路程之後，我們終於到了張保仔洞。

「小彤，你睇吓呢個山窿咁深咁黑應該可能真係有寶藏架。」

「係囉，咁阿欣不如我哋快啲入去睇吓。」

「小心啲呀你。」我扶着小彤慢慢走進去，而阿明就扶着阿欣。

我們在洞裏周圍看了十五分鐘，發現甚麼也沒有，只有一堆石頭，而且更是漆黑一片，伸手不見五指。

「阿欣，不如走啦，呢度都冇寶藏㗎啦，而且咁黑我覺得有啲危險。」小彤提議。

「好」阿欣答應。

當阿欣、阿明都出左洞時，小彤不知道是不是因為踏空了，突然向後摔倒，看到這個情況的我急忙保護着小彤，小彤最終沒有摔倒在地上，但就摸着自己的腳踝。

「彤彤，你有冇事呀？」我急忙問道

「我冇事呀但係隻腳好痛。」小彤握着她的腳面露痛苦之色。

我相信她的腳應該是扭到了。

「阿俊、小彤你哋冇事呀？」阿明向着洞裏大聲叫喊。

「我哋冇事，你哋行返去碼頭先啦，我同小彤陣間自己返去碼頭得啦。」我向洞外叫着。

「好。」阿明回應我之後和阿欣離開了

「彤彤，你隻腳邊度痛？係咪真係行唔到呀？」我邊揉着小彤的腳邊說

「係呀。」看來小彤連站起來也有難度。

這時我就下了一個決定。

「彤彤你上嚟啦，我揹你返去碼頭。」我拍一拍我的背部示意小彤上來。

「小宇，咁樣唔係幾好掛，我驚我好重。」小彤不知是擔心我還是害羞。

「快啲上嚟啦，唔好講咁多啦。」我催促着。

小彤之後就上左去我的背脊，上去的時候我看到她臉頰紅暈頻生，耳朵更是比臉蛋更紅。

「攬實我啦，如果唔係就好容易跌落嚟㗎啦。」小彤聽到之後更加抱緊我。

雖然小彤現在才是14歲，但我已感到她的身體已有一定程度的發育，加上她的樣子甜美可愛又高，又有氣質，上到高中之後一定是學校的校花。

我揹着小彤出了洞之後沿着海邊向碼頭方向走，期間小彤卻問了我一個問題。

「小宇，你以後係咪都會咁樣照顧我同埋係我有危險嘅時候保護我架？」小彤在我背脊上細聲問道。

阿俊話會應承你

16.班會活動（下）

我聽到這個問題，心頭頓時浮起了當年的我錯過了小彤的情景，令她對我失望難過，甚至長大後看錯了人，最後更要成為單親媽媽獨力撫養自己的女兒，心裡就如同被千枝針刺在心，臉上就不自覺地流下眼淚。

「小宇，你做咩無啦啦喊呀？」小彤急忙用手將我臉上的淚痕擦去。

「其實我好想同你講我係穿越過嚟，想同你喺埋一齊帶俾你幸福，以後一齊生活落去。」當我想說這番說話時，我猛然想起天使彤跟我說穿越到這個時空的規矩。

「你唔可以同人講你係穿越過嚟，如果唔係我可能就會帶你走。」這句說話是當時天使彤在我一穿越到這個時空時說給我聽。

我只好把這番說話埋在心底。

「係呀彤彤，我應承你我以後都會陪住你係你身邊，你有危險嘅時候我唔會抌低你。我要保護住你等你唔會受到傷害。」

雖然我知道四年後的我就要離開這個時空，但我仍然想許下承諾，而這一次的我更加一定會遵守承諾。

小彤聽到我的說話後，眼泛淚光，而我感覺到我的肩膀上有幾滴水滴將我的衣服滴濕。

「多謝你呀，小宇。」小彤抹乾淨臉上的眼淚小聲地說。

「我同你使乜講多謝，我哋慢慢行返去碼頭啦，好唔好？」

「嗯」

臨近黃昏，在夕陽的照耀下我揹着小彤的身影由兩個身影合而為一。

「小宇呀？」

「嗯，咩事？」

「你覺唔覺得人生有時真係好變幻無常，有好多野如果唔而家去做，以後就未必有機會做。」小彤語重心長說。

我聽到這番說話奇怪着小彤在這個時空才14歲，為何會這麼快想未來人生是如何。

「係呀，不過彤彤你先得個14歲，做乜咁快諗以後嘅嘢呀？」

「冇啊突然之間覺得大個之後有好多野想做已經冇時間去做同埋做完嘅意義已經唔同而家去做嘅意義所以咪想問下。」小彤有感而發。

「唔緊要啦，你要記住我會永遠係你身邊無論係你而家或者大個之後想做乜嘢我都會支持你陪住你去一齊完成佢。」

「真嘅？你唔准講大話㗎，如果講大話點先？」小彤在我耳邊對着我說。

「我講大話嘅話就天打雷劈， 出街比車撞，跟住⋯⋯⋯」小彤用揞住我的嘴不讓我繼續說下去。

「你有意外嘅話，咁以後仲點樣照顧我呀？」小彤有點害怕抱着我。

「我只係想同彤彤你講我唔會講大話，我一定會講得出做得到。」

「嗯我信你啦，你揹我去嗰張長凳度休息下啦。」小彤向我投出信任的眼光，指着海邊的一張長椅。

於是我放低她在長椅上。

「小宇，我想食大魚蛋，不如你幫我去買？」

「好呀。」

五分鐘後，我就買來了一串大魚蛋，我看見小彤嬌柔的身影坐在長椅上，柔順披肩的長髮在海風的吹拂下飄逸，視線看着大海，好像有很多心事。

「彤彤，諗緊咩呀？」我走過去坐下並給她一串大魚蛋呀。

「冇啊只係覺得人生有好多拘束，冇得好似海鷗咁樣無憂無慮自由自在地咁鍾意做自己做嘅嘢。」小彤指着在海邊飛翔着的海鷗說。

小彤的這番話令我想起為何人的生活會這麼多掣肘，不能自由自在跟自己喜歡的事和人生活下去，尤其是經歷過過長大後去拼搏事業的我更有共嗚，令我覺得人生不免有點唏噓。

「係呢，小宇你做咩淨係買一串嘅，你唔食咩？」小彤見到氣氛有點傷感於是轉移話題。

「冇啊我食少少得㗎啦。」

此時小彤將串魚蛋放在我的面前示意我張嘴，餵我食了一粒魚蛋之後自己再食一粒，如此這般一串魚蛋很快就吃完。

「好啦我哋走之前不如我哋自拍一下。」小彤見差不多到集合時間要返碼頭，希望留一張照片作為記念。

「好呀。」我從褲袋拿出手機，之後扶着小彤坐在海邊的欄杆，讓她舉起我的手機準備拍照。

「Yeah !」小彤舉起「V」字的手勢，我也學她舉起「V」字的手勢。

突然之間，小彤好像坐不穩，差點向後跌，我匆忙攬住她的纖腰，而她的頭和我的頭貼在一起，她感覺到我的動作，呆呆地看著我臉蛋紅撲撲的十分可愛。

「喂彤彤你望鏡頭唔好望住我先快啲啦。」我緩解一下這個尷尬的氣氛。

「得啦，邊個得閒望住你，我數三聲就影㗎啦，1、2、3」我和小彤的第一張合照就此誕生，相中的我攬着小彤的纖腰，小彤的頭和我的頭貼着，神情異常親密。

「嗯幾好。」我看到照片之後心感滿足。

小彤看到照片之後，纖手擰着我腰間的軟肉。

「哇痛呀，彤彤你做咩搣我呀？」我感到腰間又有一陣痛楚。

「哼，鬼叫你抽我水啊，呢個係對你嘅懲罰，仲有罰你揹埋我去碼頭呀。」小彤蠻不講理地說，但語氣聽來毫無責怪的感覺。

「車明明係你自己差啲跌落去，我先扶住你⋯⋯」我小聲地反駁着。

「我話係就係，咁你而家揹唔揹我呀?」小彤有點生氣。

「好、好、好，我揹。」我拍着背脊示意她上來。

「小宇咁就乖啦，快啲行啦就夠鐘啦。」小彤笑臉盈盈地爬上來我的背脊，我也揹着她向住碼頭的方向離開。

小宇

有限期嘅愛情就係咁

17.陪小彤回家

10分鐘之後，我終於揹着小彤到碼頭。

「喂阿俊、小彤你哋兩個冇事呀，頭先係張保仔洞問你哋嗰陣又唔講話小彤受左傷既？」阿明和阿欣看見我揹着小彤，走過來慰問我們。

「冇呀，我搞得掂啦，費時你哋兩個入嚟個陣又跣親，搞到到時又唔知照顧邊個先好。」

「哇，點解阿俊揹着小彤既？」「你哋去做過啲咩嚟？」班上的同學看到我揹着小彤偷笑着趁機看熱鬧。

「有啲人真係零舍麻煩，要人揹着。」黎楓芷看到小彤受傷不知道是不是幸災樂禍，冷嘲熱諷多幾句。

「小宇你仲唔快啲放我落嚟，其他同學見到我哋咁樣係咁笑我哋啦。」小彤拍着我的背脊示意我放她下來。

「彤彤你隻腳仲腫緊呀我點放你落嚟呀。」我看着小彤的腳踝說。

小彤只好繼續被我揹着，但卻不敢迎面看着眾人的目光。

「阿俊，小彤冇咩事呀？」李老師關心問。

「冇事佢隻腳頭先扭親，我會睇住佢㗎啦。」

「好，咁小彤就交畀你啦。」李老師臨上船之前再叮囑我「記住係船上面啲動作唔好太親密呀，其他同學睇住㗎。」

「嗯，我會儘量小心啲㗎啦。」

李老師說完之後就帶着同學上船了。

「小宇你講咩呀？即係話你想係船上面同我做啲親密嘅行為啦。」小彤在我背上小聲質問我。

「就算係，咁又點？你唔係當我係細佬咩，有咩好驚呀?」我想起上次我問小彤為何叫我「小宇」的原因就有點生氣。

「車人哋如果真係當你細佬呀今日就唔會同你講嗰啲嘢啦⋯⋯」小彤喃喃自語。

「你講咩話？太細聲，聽唔清楚呀！」可惜的是我只顧揹着小彤，並未聽清楚她的說話。

「冇嘢啊，快啲行啦，啲人就嚟走晒啦！」小彤紅著臉催促我。

於是我也跟著大隊，揹着小彤上船返中環。

船程途中，我就讓小彤坐在我的隔壁，方便我照顧她。當她在船上面有什麼需要時，我基本上都是隨傳隨到。

「小宇，我想飲水。」

「小宇，我想食零食。」

「小宇，我想去廁所。」

即使她想去廁所我也揹着她到廁所門口，而她去完之後我又將她揹回我們船上的座位。

「小宇呀？」小彤又叫我。

我心想小彤是不是又想叫我做事。

「我有啲眼瞓，想休息下到中環叫我啦。」小彤打着呵欠。

「好啦你瞓啦，到咗叫你。」

小彤很快就進入夢鄉，但不知道她是因為船的上下顛簸，還是船艙的冷氣凍，而睡得不好經常動來動去。

看到這樣的我突然就捉着她的頭放在我的肩膀上，並替她披上我的外套。

「小宇，你做咩呀？」小彤好像因為我這個動作而醒過來。

「冇啊想你瞓得好啲，你快啲瞓啦。」我揞住小彤的眼睛說。

「哦，好啦，多謝你呀，小宇。」小彤說完之後露出滿足的笑容，很快就睡着了。

看到小彤的睡相雖美但唇邊流着口水就覺得有點好笑。她的口水更流在我的肩膀上，不過我也不介意。

經過一整天的奔波，我也有點疲倦，我的眼皮無意中也慢慢合上。

半小時後

「各位乘客本班船已經到達中環碼頭。」這個廣播將我從睡夢中喚醒，醒來時突然打了個乞嗤。

「懶瞓豬，叫你又唔醒，唯有用呢個方法啦。」原來是小彤已經醒來用頭髮撩我鼻孔。

「你個衰妹呀。」我捏一捏她的臉蛋。

「快啲揹我行啦。」小彤將外套還給我，並提醒我要走了，原來大部分乘客已經落船。

我揹着小彤落船，李老師之後亦解散了我們班的同學。

「阿俊你使唔使幫手呀?」李老師看見我揹着小彤，臨走前問。

「唔洗啦老師，我搞得掂，我會送小彤返屋企㗎啦。」我自告奮勇地送小彤回家。

「咁好啦，你哋小心啲。」李老師說完後就離開了。

突然我感到耳朵傳來一陣痛楚。

「哼想去我屋企，有咩居心?」小彤在我背上紅著臉扭著我的耳朵質問我。

「冇呀，咁你扭親腳，一個人好難返屋企嘛，咪送你返屋企囉，你唔信我，我可以發誓㗎。」我舉著手示意要發誓

「得啦，得啦，我信你啦，快啲行啦。」小彤急忙拍掉我的手，催促着我。

我跟小彤搭的士去到她家附近，並替她在附近買了一枝跌打酒，讓她在家可以揉一揉腳。

「我屋企就係呢度啦。」我揹着小彤來到一間大屋前。

小彤按一按門鈴。「嚟啦。」是一把女人的聲音。

「阿女你返嚟啦？呢位係？」那女人一開門問

咁快見家長

見定先，爭取小彤屋企人支持

唔好意思今日樓主有野做，聽朝睇下出唔出到1篇

突然間有個諗法 如果彤彤都係穿越返嚟 而兩個都唔知對方係穿越返嚟
兩個人為左對方一路默默咁做 應該都幾正

多謝支持

多謝你支持，睇埋落去就會知，btw小弟煩緊升學啲嘢可能出得慢少少，但應承大家一定唔會爛尾。

諗住local定overseas?定係已經唔係今年DSE

hd year 1

橙呀今年hd同asso

慢慢出唔緊要，最緊要唔好爛尾，加油

係呀，今年sem 啲gpa唔太好睇，所以之後會抽啲時間搵書，不過應承大家會繼續寫故

多謝你呀西暪巴，一定應承你

18.初見未來岳母大人？

這個女人眉目間有著小彤的感覺，衣着雖然高貴，但是不知道為何會給人一種親切感。

「係呀，我返嚟啦，佢係我嘅同學叫阿俊。」小彤指着我說。

「auntie ，你好，我叫張俊宇，係小彤嘅同學。」我介紹著自己。

「auntie，小彤今日係長洲班會活動嗰陣受傷，所以我揹佢返嚟。」我解釋我在這裡出現的原因。

「阿女你做咩唔打電話同我講啊我搵架車去接你呀嘛。」小彤媽媽有點責備著小彤沒有通知她自己受傷。

「媽咪，咁我諗住唔洗咁大陣象呀嘛，都係扭親少少姐⋯⋯」小彤小聲反駁着。

「你睇下你隻腳腫晒，仲話扭親少少。」

「auntie，唔關小彤事，係我冇好好睇住小彤所以佢先受傷。」我見小彤媽媽好像責備着小彤，便幫她解圍，而且小彤的受傷我也有責任。

「阿俊你唔使咁講既，我知個女有時會有啲大頭蝦，我都未多謝你送小彤返嚟，都唔早啦，不如留低食餐飯，當報答你送小彤返嚟。」小彤媽媽看著手錶上的時間，笑着邀請我留下來吃飯。

「auntie，咁樣會唔會唔係幾好呀，好似有啲打攪你哋咁。」我有點猶疑。

「點會啊，多個人多雙筷姐，唔好講喇，快啲入嚟，你揹住小彤唔攰咩？」小彤媽媽說完後走進屋裡。

「快啲入去啦，我媽咪都叫你唔駛客氣，定係你係唔想係度食飯呀？」小彤在我背上有點失望問我。

「緊係唔係啦，點會唔想？」我摸著小彤的頭說。

「算你啦。」小彤扭著我的耳朵說。

於是我也用手機發了一個訊息給我阿媽，讓她今晚不用煮我飯。

我揹着小彤進去她的家裡，一進去她的屋裡，我發現原來也是如普通家庭一樣，不是特別華麗。

我揹着小彤並輕輕地將她放在梳化上，並坐在她旁邊。

「阿女你隻腳咁腫，有冇係出面買跌打酒返嚟？」小彤的家裡沒有跌打酒，於是小彤媽媽見到小彤的腳腫起，準備出外購買。

「auntie，我頭先同小彤係出面返嚟個陣已經買左。」我從袋子裏拿出一枝跌打酒。

「阿俊你真係細心，咁你幫阿女搽埋啦，我要準備去煮飯。」小彤阿媽向我打眼色。

「auntie咁樣會唔會唔係幾好呀？」我怕幫小彤搽跌打酒在她腳踝上的動作會過於親密。

「點會呀，啱啱我都見你直程揹埋阿女返黎囉，况且我見阿女個樣都幾開心又唔介意。」小彤阿媽好像知道我在小彤心目中的位置偷笑着。

「媽咪呀，你講咩呀？」小彤害羞得另一隻腳跺一跺地上。

「冇呀，我要去煮飯喇，阿俊你快啲幫阿女搽啦。」小彤媽媽說完這句後就進入去廚房煮飯了。

「咁⋯⋯⋯」我拿着跌打酒不知所措。

「算啦我自己攞嚟搽，畀我。」小彤伸出手打算拿我手中的跌打酒。

突然之間我捉着小彤的腳踝，她的身體雖然尚未發育完成，但她白淨的玉腿也令我心神恍惚了一陣。

「得啦，唔好郁啦，我幫你搽。」

「小宇你⋯⋯」小彤好像對我這個反應感到驚訝，但隨即流露出滿足的笑容。「好。」

我坐在小彤旁邊細心地替小彤搽跌打酒，過程中她也有時忍不住痛。

「啊，好痛。」小彤面有難色。

「忍一忍喇，一係彤彤你咬住我膊頭先。」我伸一伸我的肩膀到她面前。

「你會唔會好痛㗎？」小彤好像有點不好意思。

「唔會呀。」說完後我就用力揉一揉小彤的腳踝。

「啊⋯⋯」小彤慘叫一聲後一下咬着我的肩膀。

我忍着肩膀上所受的痛楚，很快就替小彤揉完腳踝。

「對唔住呀，小宇，我係咪咬到你好痛？」小彤看着我肩膀上紅紅的牙印有點擔心。

「唔緊要啦，彤彤，只要可以畀你忍到痛就得。」我心想其實都頗為痛楚。

「好啦，你哋兩個洗埋手過嚟食飯啦，已經煮好飯啦。」小彤阿媽站着廚房門口的旁邊笑容滿面。

「好。」我和小彤不知道是不是讓她的媽媽看見剛才的情景有點尷尬。

五分鐘後，我們洗好手就準備開飯了。

「阿俊啊，你成績好唔好呀？」小彤阿媽在吃飯時候問我。

「幾好，差過小彤少少。」我說完後視線看着小彤見她只顧低頭扒飯，不敢看向我。

「咁都幾好啊，阿俊呀你覺得我個女點？」小彤阿媽頓然問我。

我看見小彤停下了扒飯，靜靜地低頭等待着我的回答。

「係，我覺得小彤係幾靚女，又善解人意溫柔體貼，有時都幾可愛。」我想起之前與小彤去看電影和剛剛搽跌打酒的反應就覺得搞笑。

小彤聽完後面紅耳赤，不禁在飯桌底下搣了我的大腿一下。

「彤彤你做咩搣我啊？」我稱讚你也不行？

「哼」小彤不理會我的問題，繼續吃飯。

「阿俊，咁你之後要對阿女好啲，得閒多啲一齊出街，最緊要唔好影響學業就得。」

「媽咪你講咩呀，我同小宇又唔係你諗嗰種關係⋯⋯」小彤臉蛋紅撲撲的又跺一跺腳。

我聽得一頭霧水，她們口中所講「嗰種關係」是甚麼意思？

「得啦，唔通你係我嗰女我會唔知你諗咩，你從來都冇帶個男仔返嚟屋企嘅，動作又未試過咁close」小彤阿媽彷彿明白了一切偷笑着。

「阿媽啊，你唔好再講啦⋯⋯」小彤害羞地跺一跺腳。

突然小彤的家門前又傳來兩把男聲。

「阿媽」、「老婆」那兩把男聲對着小彤阿媽說。

「我哋返嚟喇，有飯食未啊？」

加油
個故好清澀

多謝支持，睇下遲下劇情發展會唔會有甜

唔好落啦好耐未睇過純愛

落先再問下大家意見，今晚睇下出唔出到文