[穿越][愛情][校園]重回青春時尋找當年失去的愛情

推一推

推呀

70.中途放棄？

當我差不多再次睡著的時候，一把熟悉的聲音驟然喚醒了我。

「你搵我？」我一打開眼睛，那個冷漠的臉容在我眼前再次出現。

「嘩你嚇死我咩？」我面前的人正是好久不見的天使彤。

「你係唔係有事搵我呀？」

「你又知嘅？係咁嘅⋯⋯」我就將我擔心的事一五一十告訴給天使彤。

「呢樣我幫唔到你喎。」豈料天使彤的回答讓我感到意料之外。

「吓，點解呀？」

「總之⋯⋯今次我幫你唔到啦！」天使彤吞吞吐吐地說著並轉過身去。

「咁算啦！」雖然我心裡對於天使彤不肯幫我感到有些奇怪，但是也沒有任何辦法。

「係呀，差啲唔記得提你添，你記住你仲有半年左右就要離開呢個時空㗎啦。」天使彤提醒我。

「我記得㗎啦。」雖然我不想面對事實，但是我也沒有辦法去控制。

「我走啦。」天使彤「嗖」一聲就離開了。

「仲有一粒鐘，都係瞓多陣先起身！」

我一返到學校就看見不同的聖誕裝飾，例如禮堂外有棵聖誕樹，上面掛滿了學校同學、老師對來屆公開試考生祝福字句，而不是單純只有聖誕裝飾掛在上面。

今天除了有聖誕歌唱比賽接着也是各個班別的聖誕聯歡會，所以事實上今天是不用上課。

「咁多位同學、老師早晨，今日係全校造sing比賽舉行嘅日子，稍後比賽將會分為男子組、女子組以及合唱組三個部分進行⋯⋯」店上的主持說完開場白後比賽就拉開了帷幕。

男子組的比賽先打頭陣，男子組比賽差不多結束的時候，工作人員就通知小彤上台準備。

「加油呀，小彤，我哋會係台下幫你打氣㗎啦！」阿欣在我旁邊鼓勵著小彤。

小彤抓著我的手，深深地呼吸一口氣，並沒有多說一句話就走進後台準備演出。

「嚟緊就係女子組嘅比賽，第一位參賽者係6A班嘅黃心晴同學，參賽歌曲係《鍾無艷》。」

主持說完後，我就看見阿晴慢慢從後台走出來。

阿晴聲線一開令我驚訝萬分，原來我從小到大的青梅竹馬唱歌十分厲害，我不知不覺間也沉醉了在歌曲之中。

當阿晴唱到副歌時，我卻感到她的目光看著我，我急忙拍醒自己。

「唔通阿晴係唱俾我聽？睇嚟要搵機會同阿晴一五一十講清楚。」

歌曲很快就完結，接下來就到小彤演出。

「第二位參賽者亦都係嚟自6A班嘅楊小彤同學，參賽歌曲係《歲月如歌》。」

「咦小彤點解會揀呢首歌嘅？阿俊你知唔知因乜解究？」阿欣在我旁邊問我。

「我諗可能小彤唱俾中六嘅同學聽掛，畢竟就快要離開呢個有六年回憶嘅地方。」

小彤的歌曲眨眼間就演唱完畢，之後其他參賽者也順利演唱了她們的歌曲，依我估計冠軍應該在小彤和阿晴之中。

「最後，就到合唱組嘅環節，首先6A班嘅楊小彤、張俊宇同學會為我哋帶嚟《其實你心裡有沒有我》呢首歌。」

「阿俊，加油，我應承你唔會做第一個笑你嘅人。」臨上台前，阿明跟我說。

「頂你。」我哭笑不得。

「我數三聲，你哋就可以行出去㗎啦。」舞台上的工作人員跟我和小彤說。

「好！」小彤回答著

我緊張得手心和額頭都冒著冷汗，心跳加速。

「唔使咁緊張啦，有我喺度呀嘛！」小彤主動牽起我的手走出去。

舞台上的燈光和台下密密麻麻的觀眾霎時間令我腦海一片空白，連歌詞也忘記得一乾二淨。

「叮⋯⋯叮⋯⋯」可是歌曲的前奏不識趣地開始奏起，我再看小彤一副十分期待的表情就知道已經不能中途退出。

正當我不知道怎唱第一句時，台下觀眾突然全部消失。

我再看旁邊小彤的表情如定格一樣，時間應該是停頓了。

突然之間在禮堂觀眾席的最後一排我卻看見那個熟悉的人—天使彤。

我腦海中原有的歌詞神奇地忽然全部記起來，而天使彤向我稍稍微笑就離開了，時間也重新繼續運轉，我急忙開始演唱。

因為唔知可以點樣整主角班人

福巴

樓主幾時有文

今日出

支持！

樓主過嘅一日係有幾多個鐘

71.落敗？

當我和小彤一起唱完這首歌，全場觀眾都站起來向我們報以熱烈掌聲，這個反應令我欣慰不已。

我望向小彤，而她同時也正望向我，我猜想小彤心裡應該十分感動。

之後的表演就是Michael 跟阿晴的演出，他們兩個合唱的歌曲是《好心好報》。

他們唱完最後一句後，默默地走下了舞台，經過我們的時候，阿晴用挑釁般的眼神看了小彤一眼。

然後，終於到了結果宣布的時刻⋯⋯

「係，以下我哋將會由副校長頒發女子組嘅冠軍同亞軍。」台上的主持說。

「女子組嘅亞軍係6C班葉子婷同學。」亞軍竟然不是阿晴也不是小彤。

「冠軍係6A班嘅黃心晴同學，恭喜晒。」阿晴先拔頭籌拿下女子組的冠軍。

阿晴此時掩著嘴從座位站起來，看似十分激動，腳步平穩地走上舞台領獎，而小彤的樣子則好像有些失望。

「唔緊要啦，我哋仲有合唱組嘅機會呀嘛。」我安慰著小彤。

「嗯！」小彤被我安慰完後，好像恢復一點信心。

「好啦，最後我哋就會請校長幫我哋頒發埋合唱組冠軍，有請校長！」

校長上台之後，主持先宣布最後三強的名單。

「最後三強分別是6A班嘅張俊宇同楊小彤同學，6A班嘅黃心晴同6B班嘅謝米高同學，6D班嘅⋯⋯」

我和小彤及另外兩組人在宣布後就到台上準備領獎。

「首先季軍係6D班嘅⋯⋯」看來冠軍有機會是我和小彤，不然就會是阿晴和Michael。

「好彩唔駛輸俾佢哋姐。」我見阿晴拍拍胸口說。

「咁我嚟緊就會宣布埋冠軍嘅得獎組別，冠軍就係⋯⋯」主持說。

「6A班嘅張俊宇同楊小彤同學！」主持說完後，我整個人呆在原地。

「喂，唔好發呆啦，我哋真係贏咗。」小彤看我一臉茫然，急忙拉著我上前從校長手中領獎。

「頂，估唔到合唱輸咗比佢哋，都唔知係咪因為你！」我聽見阿晴在旁埋怨著Michael 。

頒發完合唱組別的獎項後整個活動也正式完結，之後我們中六每班的同學在各自的課室中舉行了最後一次的中學聖誕聯歡會，在聯歡會上有不少同學祝賀我們得獎。

我們班在聯歡會上除了叫到會之外，也有同學製作的食物，其中包括阿晴。

「阿俊，你可唔可以試下我整嘅曲奇餅呀？」阿晴走過來問我，我正想拒絕她的好意卻看到她的神情好像不太開心，所以我也不忍心拒絕她。

「咁我食一舊試下啦。」我隨意拿一塊來吃。

「嗯，都幾好食喎。」想不到阿晴也擅長製作曲奇餅。

「你鍾意就好啦！」阿晴笑得十分燦爛，彷彿已把剛才在聖誕歌唱比賽的挫敗一掃而空。

「都係唔好令到阿晴繼續誤會先得。」正當我想跟阿晴說清楚我們之間關係的時候，小彤卻從洗手間回來了。

「你仲唔食嘅？」小彤看到我的碟子十分乾淨。

「我諗住等埋你呀嘛！」

「你個蠢材，又唔幫我夾嘢食，啲嘢就嚟比人食晒啦，仲等！」

幸好最終我們也有吃下少許東西，而聖誕聯歡會也就此結束。

幾天後，小彤傳訊息給我。

「小彤：你知唔知兩日後係咩日子呀？」

我隨即看著手機上的月曆，發覺兩日後是12月24日。

「我：兩日後咪平安夜囉！」

「小彤：除咗係平安夜呢？」

我思考了一會，可是卻怎樣也想不到12月24日到底除了是平安夜還有甚麼特別。

「我：諗唔到喎，係咩？」

「小彤：咁你慢慢諗啦，拜拜！」小彤說完這句之後就下線了。

「神神化化咁嘅！究竟係咩呢？」我腦海不斷重複想著關於12月24日的一切卻在床上不經意又睡著了。

推一推先！

樓主4日la 想點樣先

72.別具意義的平安夜

「死啦，聽日就係12月24號，究竟係咩意思呢？」我不斷地問自己。

「喂，阿欣呀？」我決定打電話給小彤的好友阿欣問清楚。

「阿俊？你搵我咩事？」

「我想問呢你知唔知聽日係咩日子？」

「聽日咪平安夜囉。」

「除咗呢樣仲有咩特別？」

「咩呀⋯⋯究竟你想問咩？」

「係咁嘅，小彤佢⋯⋯」我就將小彤問我的問題一五一十告訴給阿欣。

「小彤問你嘅⋯⋯」阿欣思考了幾秒。

「啊！我知啦，乜你咁都唔記得㗎！」

「咁係咩日子？」

「聽日咪小彤生日囉！」

「吓！我咩都冇準備到！」我竟然忘記了小彤生日，禮物和蛋糕也沒有準備。

「有冇搞錯呀你？」

「等我諗下先，禮物可以聽日買，但係蛋糕唔知買唔買得切⋯⋯」我煩惱緊蛋糕的問題可以怎樣解決。

「蛋糕嗰度我可以幫你。」

「真㗎，點解？」

「我屋企有親戚開蛋糕鋪，我可以叫佢哋漏夜幫你，睇下趕唔趕得切。」

如果阿欣可以幫我解決蛋糕的問題，那就真的是十全十美了。

「咁唔該晒你先，下次請翻你食飯！」

翌日中午，我和小彤先去圖書館溫書。

「溫完書我哋去邊？我今日可以晏啲先返屋企。」小彤問我。

「我哋食埋飯之後去尖沙咀海旁睇燈飾好唔好？」

「哦，冇其他啦？」小彤有些失望。

其實我當然有準備了其他東西，可是為了給小彤一個驚喜，我只好忍著不告訴她。

我們之後首先去了一間時裝店。

「呢條裙幾啱你喎，不如你去試下？」我看到一件連身裙十分適合小彤的身材。

「咁貴嘅算啦不如！」小彤見了價錢牌就嚇了一跳想拉著我離開。

「唔緊要啦，今日係你⋯⋯」我差點又說了出口。

「今日係我咩？」小彤一臉疑惑。

「冇嘢，你快啲去試啦。」我推着小彤入試身室。

小彤換了裙子走出來的時候，我彷彿眼前一亮。

「唔該就要呢一條。」我向店內的售貨員說。

「大鑊今次實用晒成個月嘅零用錢。」我在付款的時候心中暗暗計算。

「小宇做咩呀？」

「冇嘢呀⋯⋯」畢竟是小彤的十八歲生日，一個月的零用錢也算值得。

「咁我哋跟住去邊到食飯？」

「呢間啦！」我和小彤去到一間日本菜餐廳。

豈料我和小彤一進去餐廳準備點餐時卻發覺價錢比起普通日式餐廳異常昂貴。

「小宇，呢到啲嘢好貴，不如我哋去第二間食？」

「係喎，我唔記得呢到係尖沙咀添，食嘢緊係貴。」我心中非常慌張，但是今天是小彤生日怎可以令她掃興？

「唔緊要啦，你隨便叫啦。」

「咁好啦。」不過小彤好像也看穿了我的心思，只是叫了一碗麵吃，而我當然叫了最便宜的套餐⋯⋯

「小宇呀？」

「咩事？」此時的我和小彤正走向海旁看燈飾。

「你今日怪怪地咁嘅？」小彤用懷疑的眼神看著我。

「邊有呀？你睇下幾靚！」我指著海旁的燈飾，順便轉移話題。

「係喎，真係好靚。」

維港的夜景加上聖誕燈飾互相輝映，而且身邊有我最重要的人，穿越到這個時空總算是不枉此行。

「唔記得去攞蛋糕添。」我突然想起要去拿蛋糕。

「彤彤你喺度等我一陣！」

「做咩呀？」

「我好快返！」說完這句後我就用最快的速度跑到附近的一間麵包店。

「你係阿欣嘅朋友？」麵包店的老闆問我。

「係呀，蛋糕呢？」

「嗱，蛋糕係度。」麵包店老闆小心翼翼把裝著蛋糕的盒子給我。

我準備把錢交給老闆時，老闆卻遞手示意不用。

「阿欣俾左啦。」

「原來係咁呀，唔該晒！」

我再次回到海旁卻發現她在海旁的長椅睡著了，於是我替她披上外套。

「對唔住，嘈醒左你。」小彤在我披上外套時突然醒來。

「唔緊要，你去左邊呀？呢個咩嚟㗎？」小彤指著我手中的蛋糕盒子。

「你合埋眼先！」小彤閉上雙眼我也趁機把蛋糕拿出來。

「可以開眼啦！」

「楊小彤18歲生日快樂！」眼前的蛋糕上牌子正寫著這樣一句說話。

「乜原來你知㗎？」小彤看到眼前的蛋糕感到驚喜。

「緊係啦！」

「唔怪得啦，今日又送裙又請我食貴野，平時你都唔係咁嘅。」小彤恍然大悟。

「乜嘢呀，你講到我平時對你唔好咁。」

「係啦係啦，你對我最好。」

「你快啲許願先啦。」我把蠟燭點好，小彤就對著蠟燭許願。

小彤把蠟燭吹熄後就切開蛋糕，在吃蛋糕的時候小彤的鼻子沾上了少許忌廉。

「你睇下你食到成個污糟貓咁！」我打算替小彤抺乾淨時，我們兩個卻有一種異樣的感覺，兩個人的嘴唇亦不斷接近。

正當我以為可以親上小彤的時候，她卻一把推開我。

推一推！

73.新年願望

「咦，阿欣阿明你哋點解係度嘅？」小彤向著我背後說。

我急忙向背後一看，原來真的是阿欣和阿明正在偷笑著看我們。

「你哋繼續啦，我哋乜都睇唔到。」阿欣說完就和阿明準備一起離開。

「你哋睇到晒？」小彤害羞地不敢看著阿欣問。

「緊係冇啦！」阿欣說完這句後走過來在小彤的耳邊說了一些話，之後小彤的臉就變得更加紅潤。

「我哋走啦！」阿欣挽著阿明的手臂就離開。

「頭先阿欣同你講咩？」

「冇嘢呀！」小彤說完後就想急步走。

「你個樣唔似冇嘢喎。」

「總之冇嘢啦！」

「咁我哋而家去邊？」我問。

「吓我諗住返屋企㗎啦。」

「哦⋯⋯好啦，我仲諗住可以夜啲先返添。」我悄悄地說。

「夜啲先返？你有咩企圖？」小彤彷彿聽到我的說話，臉紅耳赤質問我。

「冇呀，快啲返屋企啦。」我主動牽著小彤的手，而小彤也像是默許我的動作並沒有鬆開。

「你送到嚟呢度得㗎啦。」我陪著小彤走到她家附近。

「咁好啦，我返屋企。」當我打算回家時，小彤卻拉著我的衣袖。

「仲有事？」

「你合埋眼先！」

「咩事呀，古古怪怪咁嘅？」不過我還是依言閉上我的眼睛。

當我閉上眼睛的時候，我感到我的嘴唇上有一片濕潤輕輕帶過，我頓時睜開眼睛卻發現小彤早已走進屋裡回頭向我微微一笑。

「頭先彤彤係咪錫我呢？」我在回家的途中摸著嘴唇暗自興奮。

在這個聖誕假期我和小彤並沒有太多機會去約會，即使是出來見面也是到圖書館溫書，直至除夕那天我們才有機會去圖書館以外的地方，但是也是和阿明、阿欣一起去。

「你哋陣間同唔同我哋一齊去倒數呀？」阿欣打算和我們除夕去維港海邊倒數和看煙花。

「好呀！」小彤答應。

於是我和小彤還有阿欣阿明吃完飯後就去了維港海旁和很多人一起倒數。

「5，4，3，2，1，新年快樂。」我看見小彤在踏入新年的一刻雙手合十閉眼許願。

「係喎，我都唔記得許願添！」我急忙也閉上眼睛。

「希望最後呢半年可以同小彤好好相處，唔會有咩唔好嘅事再發生！」

聖誕假期完結後我們還要考模擬試，然後最後一日的上課天也即將到來。

「彤彤你今次模擬試考成點呀？」

「應該可以啦，你呢？」

「我諗冇全級第一應該都有全級第二嘅。」

「哈，你咁寸嘅！」小彤敲我的頭示意我不要太囂張。

「講下笑姐。」

最終成績出來時我真的是全級第二，而小彤就是全級第一。

「下個禮拜就係Last day啦！」小彤和我放學的時候在路上說。

「係呀，諗返起第一日係呢間學校上堂、去廁所、食飯嘅日子⋯⋯」回想起初中的時光，煩惱都是比長大出來社會工作還是高中、大學讀書的時候少。

「仲有遇到小彤嘅日子⋯⋯」不過這句說話我是放在心裡面沒有說出來。


「鈴⋯⋯鈴⋯⋯」鬧鐘不停地響，我一把把它關掉打算繼續睡。

「阿仔你仲唔起身？就快遲到啦，今日係你最後一日返學校上堂啦！」阿媽在我的房間門外敲門叫醒我。

「大鑊！」阿媽這一句話瞬間令我睡意全消，我從床上起來打開手機一看發現再不起床就會遲到，於是我就立刻換好校服，嘴上咬著麵包就出門了。

「小心啲呀！」阿媽在我出門的時候叮囑我。

「快啲轉綠燈啦！」我在到學校前最後一個路口的交通燈等候著。

「哈⋯⋯哈⋯⋯」最終我雖然用盡全力趕上，可是也逃不過遲到的命運。

「唔該等埋！」背後有人叫喊出來。

「小彤？！」我還記得小彤剛來到這間學校的時候上課的第一天也是遲到，不過之後她在整個中學生涯也沒有試過遲到。

推！

文呢?

樓主 你唔好俾我哋屌一屌先出文好唔好

仲寫緊，好快有俾啲時間我

樓主寫緊寫咗成十日都未有

74.六年來的最後一天

「咦，阿俊你都係到既?」小彤注意到我走過來跟我說。

「你同第一日嚟呢間學校嗰日一樣都係遲到。」

「估唔到你仲記得。」小彤輕聲細語地說。

「係呀，我哋快啲入去啦。」

今年整天也沒有很多課堂，每一堂我們也會和老師拍照作最後留念，甚至有些同學會找其他班級的老師和同學拍照，而且大家都會在不同同學的校服上寫上鼓勵的說話。

在放學之後，我並沒有好像平時一樣很快就和小彤一起離開學校，而是和同級的同學一起拍照。

「你幫我同阿欣影張?」阿明把手機遞給我。

「好！」

「你同小彤唔影咩？」阿欣說。

「我哋唔使啦。」我和小彤害羞地對視著。

「咩唔使呀？緊係要啦！話晒都係中學最後既回憶呀嘛！」阿欣極力勸說。

「咁樣呀……」我和小彤還在猶豫不決。

「唔好再呀吱阿咗，快啲啦！」阿欣一把將小彤推向我。

我只好把手搭在小彤的肩膀上，而阿欣就準備拿起手機拍照。

「咔嚓！」「再影多張啦！」阿欣拍完後想再替我們拍多一張。

「等陣！」突然有人向我這邊叫着。

「阿俊你可唔可以同我影一張呀？」原來是阿晴叫我。

「咁樣呀⋯⋯」正當我不知道如何婉轉地拒絕阿晴的時候，卻又有另一把聲音向這邊叫嚷著。

「阿晴，我想⋯⋯咦阿俊你又係度嘅？」

「係呀，Michael你搵阿晴有事？」

「冇呀，我諗住搵阿晴影相姐。」

「咁樣呀，阿晴你同佢影好唔好？」Michael 出現正好可以替我解圍。

「但係我淨係想同你影咋⋯⋯」阿晴向我走近多步，我只好不自覺地退後一步，並向阿明投以求救的眼神。

阿明也不知如何是好，而阿欣此時說了一句話

「不如咁啦，我哋大家一齊影咪得囉！」

「係喎，點解我諗唔到可以咁樣解決嘅呢？」

最終我們六個人就拜托了同學替我們拍了一張大合照。

「係啦，我哋互相對方寫低一啲鼓勵嘅說話。」

我首先在小彤背脊上面寫下「記住有咩唔開心都要同我講，我知你好叻女，但係有時有啲嘢講出嚟會舒服好多。」

之後我都在阿明他們的校服寫了一些鼓勵的說話。

「小宇你返到屋企先至好睇下我寫咗啲咩，唔好咁快睇同比其他人睇到呀！」小彤是最後一個在我校服上寫上鼓勵的說話。

「哦，神神祕祕咁嘅！」

小彤寫完之後就匆忙替我披上外套，彷彿害怕其他人會看到。

我和小彤之後在學校門前拍了一張合照後，就各自回家了。

我一回到家中沒有即時換掉校服，而在脫下來尋找小彤寫下的字句。

我找了一兩分鐘後，終於讓我找到。

「小宇，我知你好醒，我唔驚你DSE會考得差，我只係想同你講希望我哋可以永遠喺埋一齊，咁就足夠㗎啦。」

看到這句說話，眼眶中滴下來的淚水即時將我的校服染濕。

之後的日子小彤和我都正在全力準備DSE，並沒有太多時間見面，直到DSE核心科目開考前的一個月，我們終於見面，不過⋯⋯

「喂？阿晴？你搵我咩事？」

「我有啲嘢想同你講⋯⋯你星期日下晝得唔得閒？」

「咁就好啦，一於借呢次機會同阿晴講清講楚，無謂再令佢亂諗嘢！」我心中已經有了全盤的計劃。

「我得閒呀，咁啱我都有啲嘢想同你講。」

「咁我哋到時係返『老地方』見啦。」

「好！」我想我應該知道阿晴口中的「老地方」是指哪裡。

隔了一個小時後，這次是小彤打來。

「小宇你得唔得閒呀？星期日下晝陪我去行街？」

「我⋯⋯」我正猶豫着好不好將我和阿晴見面的事告訴給小彤。

「小宇，你係咪有咩事？」

「其實係咁嘅，我星期日下晝⋯⋯」我決定和小彤交代清楚。

「就係咁啦，所以我陪唔到你呀，對唔住。」

「唔緊要啦，小宇我可以搵阿欣同我去㗎嘛！」

「不如彤彤你都同我一齊去同阿晴講清楚呀？」

「唔好啦，咁尷尬，都係你自己去算啦。」

「咁好啦。」

我和小彤閒聊多幾分鐘後就掛斷了電話，而星期日那天亦轉眼即至⋯⋯

推一推！