[穿越][愛情][校園]重回青春時尋找當年失去的愛情

827 回覆
67 Like 4 Dislike
2020-06-23 01:18:07
快啲出文樓主,加油努力,幾好睇
2020-06-23 01:45:54

不自然咁諗起呢套劇
2020-06-23 01:52:32
6.穿越後的我與中學生小彤的相見

重遇以前的小彤感覺就如同重獲新生,不過在她眼中我跟她卻只是分別了一天。

「唔緊要,快啲返埋位啦,就快開始上堂啦。」數學老師說

小彤緩步走向我隔離的座位,重新看見當年的小彤,不禁回想起當年種種的往事以及小彤長大後的不幸,令我決心要帶給小彤幸福。

「喂,做咩望到我實一實嘅?你啲文具要唔要架?跌曬落地下啦。」小彤看到我呆呆地看著她感到有點奇怪。

我不發一言地撿起地上的文具,不敢再正面看著小彤。

「喂,你有冇事啊?」小彤有點擔心問我

「冇,我冇事,要唔要紙巾啊彤彤?」我看著她擦著額頭上的汗,所以遞了一包紙巾給她。

「喂,做咩叫我彤彤?同你好熟咩?」雖然如此,小彤也一下把我遞過來的紙巾從我手上搶走,臉上的紅暈不知道是因為熱還是害羞而出現的,連耳朵也是紅紅的。

「彤彤......唔係,小彤我好耐冇見你所以......」我有點口吃

「乜野呀,我哋琴日先見完嚟,同埋唔好再叫我彤彤呀,快啲專心上堂啦。」小彤嬌嗔地說

「小彤,你唔洗理佢架,阿俊一朝早遲到返到黎就神神化化咁。咦你哋兩個今朝前後腳咁返嚟,唔通咁快......」阿明奸笑著說

「哼,邊個會同佢一齊返學校呀?」小彤急忙打斷阿明的說話。

「關你咩事啊,專心上堂啦。咁多野講。」阿欣扭著阿明的耳朵說

「喂喂喂,好痛啊,放手啦。我專心上堂啦。」阿明急忙拍著阿欣的手提醒她鬆開隻手。

「哼,算你知驚啦。」阿欣鬆開了手。

看到這個情景的我,感到一絲欣慰,臉上亦露出一絲微笑,以前熟悉又愉快的校園生活又回來了。

「收埋所有嘢,今日突擊測驗,考返你哋中一數學既野,唔合格嘅人放學留堂補課。」數學老師對著全班同學說,接著派發題目。

「吓」「唔係掛」「成個暑假冇溫書,今次大獲啦。」班上某些同學即時表現出十萬分不情願。

「小彤,呢個測驗你有冇信心?」雖然長大後的我已經知道小彤是一個名副其實的學霸,但是我仍假裝不知道向小彤問道。

「哼,邊個想同你講野?我緊係有信心啦,仲會一定高分過你。」整節數學課我想借著問數學題的機會和小彤聊天,但小彤卻沒有理會我,這次終於成功了。

「好呀,睇邊個高分啲。」我明知不敵也不服輸地向小彤挑戰

「邊個怕邊個,輸左請食飯。」小彤胸有成竹地說

「好啦,測驗而家開始啦,唔好再講野啦。」數學老師對著我們兩個說。

我一看到題目,就信心滿滿,因為雖然我的外表是14歲,但我心智已經是26歲,所以這些題目對我是毫無難度。

「咦我搵唔到個筆袋嘅,唔通今朝太急出門冇帶?」小彤測驗開始之後未開始做,反而緊張地尋找自己的筆袋。

「唔好再搵啦,用我呢枝啦。」我快速把我唯一一枝筆放在小彤的桌上。

「咁你咪無筆用囉。」小彤有點擔憂地說。

「我唔緊要啦,你快啲做啦。」我催促著小彤

「好啦,陣間中午請你食飯。」小彤說

最終我的測驗只做了三分之一就沒做了。

老師測驗完了之後隨即評改了所有題目,而我看到小彤的試卷分數接近滿分。

「張俊宇,陣間落堂留一留低。」數學老師說

「阿俊,你會唔會有事呀?」小彤有點愧疚地說

「應該唔會有咩事,最多咪放學留堂,唔好唔開心啦。」我安慰著小彤

「咁好啦,陣間我等埋你一齊食飯。」小彤臉上終於回復一點笑容,但神情仍有少許擔憂之色。

「好」

十分鐘後,我離開課室,小彤仍在課室外等著我。

「老師同你講咩?」

「老師話俾多次機會我做,結果做得幾好,所以老師唔洗我留堂。」

「好啦,不過我借左你枝筆都係有啲內疚,我請你食飯啦。」小彤說

「有靚女請我食飯,我點會拒絕,行得未?」我轉移話題笑道

「行啦,口花花。」我看見小彤的臉有點紅之餘臉上亦顯露出一點微笑。
2020-06-23 01:57:44
有啲似,不過會儘量寫得唔同啲,同埋為左方便其他讀者睇,巴打下次有建議俾我唔洗quote文,btw多謝你嘅支持先
2020-06-23 01:58:35
多謝支持,希望你睇得開心
2020-06-23 02:05:16
聽日再繼續,而家暫定住每日兩更先,正皮數到某個數量或者視乎故事進度就會加更,所以未正皮嘅讀者比啲正皮個post,支持樓主繼續寫落去。
2020-06-23 02:12:39
習慣左quote文
sorry
2020-06-23 02:14:32
唔緊要
2020-06-23 02:38:45
手動正皮
2020-06-23 10:10:11
多謝你,雖然計唔到,但都係小弟寫故嘅一種動力
2020-06-23 16:00:48
點解啲人唔正皮架,明明咁好睇
2020-06-23 16:03:19
唔緊要啦,可能小弟文筆未夠好,有你哋係度對小弟已經係一種動力令小弟寫埋落去架啦
2020-06-23 16:06:47
真係已經好好啦,繼續gogo
2020-06-23 16:08:15
多謝尋覓巴,你都加油btw應該6點前出第一更
2020-06-23 16:51:40
7.我和小彤的第一頓午餐

我與小彤一出到校門之外,就商量吃什麼東西好。

「是但一間茶餐廳都冇所謂啦。」我說。

「唔洗同我慳錢bo。」小彤笑道。

「唔係,係我想食茶餐廳呀。」我說。

「嗯,好啦,我知附近商場有間茶餐廳幾好食,不如去試下啦。」小彤想了一會說。

「好呀,唔好講咁多,行動最實際。」我急忙說,因為我都肚餓了。

我與小彤之後來到了一間餐廳。

「呀,我突然記起一件事,你記唔記得聽日要選班長?」小彤一邊食一邊問。

「吓,係咩?」我有點驚愕,可能因為我剛剛才來到這個時空,所以很多記憶還未記起。

「哼,你咩都唔記得,咁你記唔記得我琴日放學問你嘅嘢?」小彤說到這突然低頭而且臉有點紅。

「我真係唔記得。」我不停地撓著頭,嘗試記起小彤昨天說過的事。

「吓,你真係唔記得架,算啦,咁你應唔應承我一齊選男女班長,你琴日話返屋企之後會考慮下架?」小彤聽到我忘記她所講的事神情有點失落,

「點解係一齊選嘅?」我問

「琴日李sir話如果有同學選想班長既話,除左選個陣要拉下票,就係要自己搵埋partner一齊選,方便之後互相合作。」小彤解釋

「咁樣呀......」我聽到思考了一會。

在我思考期間,我突然聽到了一把熟悉的聲音在隔離桌子發出。

「阿軒,我哋聽日不如一齊做partner,我唔想俾楊小彤做班長,見到佢就覺得乞人憎。」那個聲音說。

我頓時那把聲音發出的位置看過去,原來是我們班的其中一位女同學黎楓芷正說服我們班另一位男同學阿軒一起競選班長,亦令我回想起當年有關於黎楓芷和小彤一起競爭班長的往事。

黎楓芷,她是我們學校中一時的全級第一,也有一定的美貌,不過後來隨著小彤轉到我們學校,在很多人眼中她的美貌不及小彤,當然在我心裡也是同樣的看法,而且連成績也被小彤超過,所以黎楓芷一直都視小彤為中學時期的競爭對手,甚至到中學畢業也一直針對著她,所以我也對她沒有太大好感。


「阿俊,你同我一齊做班長好唔好?」我記得當年的小彤也央求我一起搭擋競選班長。

但是當年的我卻因為我的毒撚性格,所以沒有答應小彤,甚至最終支持了黎楓芷和她的搭擋擔任班長的職位。

「小彤,唔好唔理我啦。」我記得小彤之後有一陣子非常生氣,無論我怎樣找話題,她還是不理睬我。

「小彤,唔好嬲啦,我支持黎楓芷做班長,係因為我由中一開始已經知道黎楓芷有返咁上下的能力。」我急忙解釋

「咁你即係唔信我啦?」我看見小彤眼泛淚光

「唔係呀,唔係呀,我哋係好朋友,我點會唔信你,最多你以後要選咩,我都支持你。」我急忙哄著小彤

「真係?勾手指尾啦。」小彤破涕為笑,並伸出她的尾指。

「得啦,唔好成日喊啦,成個細路女咁。」我也伸出我的尾指去勾著她的尾指

「哼,你話邊個細路女話。」小彤扭著我的耳朵說

「冇、冇、冇」我求饒道

「哈哈,楊小彤你搵個毒撚同你一齊選班長,我話俾你聽楊小彤,你聽日一定係我手下敗將。」黎楓芷的聲音將我拉回現實原來她已經站在我們旁邊。

「我哋一定會嬴你,小彤我應承你聽日我哋一齊競選。」因為想起當年的事,我突然有點不服氣大聲地說。

她們也許猜不到我有如此大的反應和決定,臉上均露出錯愕之色。

「好,敬酒唔飲飲罰酒,聽日你哋一定輸硬,阿軒我哋走。」黎楓芷說完後就拉著那位叫阿軒的同學走了。

「多謝你呀,阿俊,咁我哋快啲食完嘢返屋企諗下聽日點拉票。」小彤嫣然一笑後,隨即吃完手上的東西。

「你睇下你食得咁快,成個污糟貓咁啦。」我指著小彤的臉上笑著說。

「唔好郁,我幫你抺。」我拿出一包紙巾,細心地幫小彤擦去嘴角的污漬。

也許小彤看見我如此細心和有點親密的行為,隨即面紅耳赤。

「我走先啦,你慢慢食。」小彤急忙拿起書包離開了。

「喂,你未埋單呀,喂......」

「呢個大頭哈真係......,又話請我食飯。」我拿著銀包唯一的一百元結賬後也回家了。

「究竟聽日點拉票好呢?」我一邊回家一邊在想。
2020-06-23 16:55:46
夜啲食完飯仲有一更,咁多位讀者如果諗到點拉票,可以順便俾啲意見樓主可以點拉票先好。
2020-06-23 17:22:47
支持樓主,感激樓主睇我個故- 好人一生平安
2020-06-23 17:23:38
多謝支持,大家一齊加油
2020-06-23 17:44:40
補返個序先
2020-06-23 17:44:52
序:
每個人的青春總會有一些遺憾,當你想去補償既時候總會係覺得為時已晚,所以呢個故主要係俾咁多位讀者係睇故嗰陣可以記返起青春時嘅一點一滴,希望各位讀者睇得開心,亦追求到自己理想嘅幸福。


我叫阿俊,今年26歲,大學畢業,只係生活平凡枯燥嘅一個打工仔。

突然有日係街上遇到中學第一個暗戀嘅女仔,知道左個女仔現時既生活,但係就無法去改變任何野。

主角之後在機緣巧合之下獲得穿越嘅機會,透過穿越到中學嘅時候去追返自己心中最愛嘅人,由此去改變未來。
2020-06-23 18:02:50
好正呀彤彤
2020-06-23 18:04:05
你個故啲女都正呀
2020-06-23 18:54:47
好好睇,支持
2020-06-23 18:57:34
多謝你,希望你睇得開心
2020-06-23 21:56:53
文呢
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞