[穿越][愛情][校園]重回青春時尋找當年失去的愛情

多謝支持，係新讀者啊，好耐冇見過

琴晚有啲事未打完，而家有文啦

正路就應該係老母嘅……
但我硬係覺得係alan

費事劇透

文呢樓主

出文未

聽日日頭出

仍在努力中

34.選科的抉擇

「阿仔今晚⋯⋯」一進來的那個人向我說。

「咦，阿媽你今日早咗返嚟嘅？」進來的人正是我的媽媽。

「係啊，做晒啲嘢咪早咗返嚟，阿仔呢個咁靚嘅女仔係邊個嚟？你女朋友仔？」阿媽看著我和小彤奸笑著。

小彤聽到之後紅著臉默默地低頭，不敢說一句話。

「阿媽呀，唔好亂講嘢啦，呢個係我嘅同班同學楊小彤。」我指着小彤向阿媽解釋。

「Auntie，你好，你叫我小彤得㗎啦。」小彤重新抬起頭輕聲細語說。

「小彤啊，不如今晚留低食埋飯先走？」阿媽邀請小彤留下來吃一頓飯。

「唔好意思呀Auntie，好夜啦，我屋企人會擔心，下次有機會我哋先一齊食飯。」小彤婉轉地拒絕。

「阿媽我送小彤落樓。」我替小彤背著書包說。

「好啊，你哋兩個小心啲。」

在送別小彤的過程中小彤臉上露出一副欲言又止的樣子。

「小彤你係咪有嘢想問我？」

「唔係啊，只係我發現原來你同你阿媽嘅感情都幾好。」小彤有點感慨。

「你同你屋企人感情唔好咩？做咩咁問？」上次我到小彤的家明明看到她們一家人相處都頗為融洽。

「唉⋯⋯一言難盡。」小彤好像想起一些不開心的事。

我不敢問發生了什麼事，我怕再問只會令到小彤不開心。

「你送到嚟呢度得啦，快啲上返去啦。」我陪小彤一直走到附近的公園，她卻推着我走。

「咁你小心啲啦。」我把書包還給小彤。

「得啦，當人細路女。」小彤輕輕敲我的頭。

我一返到家中之後，阿媽卻拉著我坐在梳化上說話。

「阿仔你係咪鍾意小彤啊？」阿媽彷彿看穿了我的心事。

「係啊⋯⋯唔係，阿媽你點知㗎？」

「你係我生嘅，我點會唔知你諗咩，我睇得出小彤好似對你都有啲意思，你要好好珍惜佢啦。」阿媽拍拍我的肩膀。

「阿媽你唔反對我而家拍拖咩？」

「點會呢？而家時代都唔同左，最緊要唔好影響你讀書就得啦，想當年我同你老豆⋯⋯」阿媽看著遠方好像想起了當年的往事。

事實上，我當年上學時只顧讀書和留意小彤，甚少和父母說話，只有吃飯的時候先會談上一兩句，長大之後更加很少回家探望父母，每逢大時大節才會回家一次，多數都只顧工作，想不到阿媽在我讀書時已經有關心同理解我，但我長大後卻忽略了父母，想到此處，我也不禁流下了男兒淚。

「阿仔你做咩喊啊？」阿媽看到我突然流淚匆忙遞紙巾給我擦下。

「冇事。」我用手擦下眼淚。

我暗中一定決心這次穿越回來不單止要追回小彤，也要好好陪伴父母。

翌日早上，回到學校我就看見紅光滿面的小彤正在跟阿欣聊得很投入。

「Alan你返嚟啦？」當我剛坐下我的位置時，我卻聽到坐在我附近的黎楓芷說這句話。

我向門口一看，原來Alan回來了，不過他看上來臉色有點蒼白，看來當日所受的傷還未完全復原，他看向我的眼神雖有憤怒之色卻沒有他之前威脅時那樣炯炯有神。

快樂的日子總是短暫的，在中三這段的日子雖然我和小彤還未是男女朋友的關係，每天也會一起放學，相比起未穿越之前我和她的距離已經拉近了不少。

到了中三最後一次大考前的一個月，老師在放學時跟我們班的同學訓話。

「咁多位同學，初中嘅日子好快就完結，即將就要踏入高中嘅階段，大家都要決定好自己將來高中讀咩選修科，希望各位同學可以係嚟緊呢一次大考盡力而為啦。」

李老師說完之後就宣布可以放學了，而我和小彤、阿明和阿欣卻在商量選甚麼科。

「呢個試都幾重要，聽老師講話決定到可唔可以入到自己想讀嗰科嘅班，你哋諗住讀咩科啊？我同阿欣都諗住讀文科。」看來我的穿越也改變了一部分的歷史，歷史中的阿明和阿欣當年是想讀商科的。

「阿俊你想讀咩？」小彤不答阿明的問題卻來問我。

「我就鍾意理科或者IT，不過商科都ok，仲未諗好。」我想起當年的我雖然比較鍾意理科，但是最終為了跟小彤高中同班也去讀商科。

「咁樣啊，不如我哋一齊讀商科啦，咁我哋高中咪可以同一班囉。」小彤向我提議。

「哈，乜小彤你想同阿俊同班未？」阿欣笑著說。

「阿欣你講咩呀？我只不過係諗住高中可以同阿俊繼續做同學，係學習上大家互相幫助姐⋯⋯」小彤長篇大論地解釋。

「你真係咁諗？」阿欣好像知道小彤的秘密一樣。

「阿欣你⋯⋯」小彤跺一跺腳舉起手就追著阿欣。

「救命啊！」阿欣很快就逃離了課室，而小彤也窮追不捨，而我和阿明對視無奈一笑，接着收拾好東西趕快追上去。

然而，在我們離開之後，課室卻有一個人走出來看着我們的背影，嘴角邪邪一笑。

小宇唔知仲要受Alan幾多災幾多難先捉實小彤隻手一世

現實太多好似Alan咁嘅人啦，令人有好重嘅無力感，然後十居八九嘅人會走咗去，懦弱令佢哋活於罪疚感當中。面對，並唔係係好似打呢兩隻字咁易。

新讀者，btw估唔到會留意Alan呢個角色

冇錯係新讀者。唔算留意Alan嘅，不過代入小宇去睇呢幢高牆（雞蛋與高牆）覺得好攰啫。

多謝支持，俾左正皮未，btw我寫Alan呢個角色可能誇張左少少

Hello, 今晚有冇文呢

今晚應該寫唔切，最快聽朝

早晨，現在為您報時，下午４點１５分。

我搞緊讀書嘅嘢，睇下可唔可以盡快出文俾你哋

咁讀書緊要啲，慢慢啦

點都唔會爛你哋尾，放心

文呢樓主

今日會有，俾啲時間我

新讀者留名 樓豬加油！！

35.人間蒸發

出了校門之後，我和小彤跟阿明他們分道揚鑣各自回家，在回家的路途中，小彤問我一些事。

「小宇，聽講你下個月考主科之前係咪仲要考實驗試？嗰日我使唔使等埋你放學？」小彤問我。

「係呀，考實驗試前一個禮拜諗住留係實驗室練習下，可能會夜左啲，到時候放學你自己返屋企先啦，我返到屋企會打電話俾你。」

「咁好啦。」

考試的日子很快就到來，今天就是考實驗試前的一星期。

放學之後我們班內一些有修讀理科的同學到實驗室練習，老師在旁監督我們，直到下午五時半。

「今日都練得差唔多啦，大家可以放學啦。」老師說。

「老師我想練多陣啊。」我感覺自己對實驗步驟還不是太熟練，想練習多一會。

「咁樣啊⋯⋯你練多半個鐘好走啦，走個陣記得熄燈。」

「好，唔該老師。」

半小時後，我將實驗試內容再練習一次，對自己的表現也感到滿意，所以準備收拾東西離開，此時我卻聽到實驗室的大門突然打開。

「唔好意思呀，呢度其他人唔入得⋯⋯」我聽見開門的聲音打算提醒來人。

豈料，一轉頭看見竟然是Alan，他拿着上次我在更衣室看到的那把開山刀和一桶裝滿不知名液體，在實驗室門口怒視着我。

「你又想點？上次仲輸唔夠？」雖然我看到Alan拿著的開山刀比起上次更加利落和尖銳，但是我也不會害怕。

「上次只係你好彩，今次神仙都難救你，我要你走唔出去呢個實驗室。」Alan說完之後突然迅速揮著刀向我斬來。

我匆忙放下手上收拾中的東西去抵擋，我用腳踢向他的胸口再拿起桌下的椅子抵擋。

「嘶。」Alan被我的腳踢得退後一步，但是手中的開山刀速度沒有絲毫減退的揮下來，插在我用來抵擋的椅子上。

Alan嘗試用盡九牛二虎之力拔起插在椅子上的開山刀，但開山刀卻絲毫不動。

「想走？冇咁易！」我趁此機會準備離開，Alan卻迅速地用拳頭揮向我的臉龐，我急忙用手抵擋，當Alan的拳頭擊中我的手感到一陣刺痛，我也趁此時踢向他的要害。

「哇我x！」Alan用手按著要害，神色十分痛苦。

我準備再在這個時機逃走，Alan卻猛然推實驗室內的桌子，令我被撞倒在地上，並且用另一張桌子擋在了實驗室的門口，而他趁機逃出了門外，我卻困在實驗室內。

「你想做咩？」正當我想搬開桌子時我看見Alan將他帶來的一桶液體倒在地上，並拿出打火機。

「呢啲係火水嚟，你點好打都唔夠啲火快㗎啦，都叫左你唔好同我爭小彤㗎啦，搞成咁何必呢？」Alan說完後用打火機燃點在倒在實驗室地上的煤油，火勢迅速蔓延過來，而Alan也向我投以得意洋洋的眼神慢慢離開。

我心感不妙，這不是因為火勢很快會燒到我，而是實驗室內存放很多易燃氣體和液體會造成爆炸，我嘗試用水去弄熄火勢，但是奈何水量不及火勢蔓延的速度

「天使彤，你有冇辦法呢？」我看著火勢漸漸蔓延到實驗室的周圍，我嘗試走到尚未被火勢波及實驗室的窗邊，並且搖動我頸上的鈴鐺。

五分鐘後，站在校門外的暗處的Alan看到實驗室的樓層發生猛烈爆炸，嘴角微微一笑就踱步離開了。

翌日早上，小彤跟阿欣約好一起回去學校。

「唔使擔心啦，可能阿俊夜左返屋企攰得滯冇通知你姐。」阿欣安慰着小彤。

「佢好少咁無交帶，我驚佢有咩不測⋯⋯」小彤美麗的臉蛋浮現出擔憂的神色。

「喂你哋咁遲先返嘅，知唔知琴晚好大件事？」阿明看見阿欣和小彤回到課室，拉著阿欣說。

「有咩事啊？趕頭趕命咁。」阿欣不耐煩說。

「琴晚學校實驗室爆炸啊，你哋唔知⋯⋯」阿明尚未說完，小彤已經消失在阿明和阿欣眼前，跑向實驗室所在的樓層，阿欣看見這樣也向阿明示意，兩人隨即跟上小彤的腳步。

多謝你有文啦