[穿越][愛情][校園]重回青春時尋找當年失去的愛情

幾時先有文

晚飯之前有，琴晚打打下文好攰

校對中

加油

31.小彤不舒服？

我離開更衣室後看到門外旁邊的椅子果然沒有小彤的身影，我的書包也消失了。

「彤彤，你唔好有咩事啊。」我匆忙地跑出去，球場周圍也沒有小彤的身影，

「究竟彤彤去咗邊呢？」我一邊走著路，腦海中亦不斷思索著。

當我走到附近的馬路時，我看到一個賣棉花糖的攤檔擺在馬路旁邊，而小彤竟然在攤檔前面吃著棉花糖跟老闆說話。

「彤彤你做咩喺呢度㗎？知唔知我好擔心你？」我立刻跑上前抱著小彤。

「喂，我透唔到氣啦，咳⋯⋯咳⋯⋯咳⋯⋯」小彤被我抱得透不過氣，手拍打著我的身體。

「我啱啱等緊你個陣，覺得有啲肚餓咪睇下周圍有冇嘢食，點知俾我搵到呢度，啲棉花糖都幾好食，仲諗住買翻去俾你食添。」小彤說完後向我遞出一串棉花糖。

「你頭先有冇見到Alan?」我伸手接著小彤遞過來的棉花糖。

「吓，冇啊，佢唔係一早走咗啦咩？」小彤吃著棉花糖答我。

「又會咁奇怪嘅，好彩Alan冇見到小彤姐。」我心裡想著。

吃完之後，我和小彤一起到車站搭巴士回家，我們坐在巴士上層，小彤坐在近車窗的位置，而我坐在近走廊的位置。

「彤彤啊？」

「嗯？」

「你係咪原諒左我啦？」

小彤聽完我這句說話後就突然不理我。

「喂!最多我以後聽你話，唔好嬲啦好唔好？」我懇求著小彤。

「算你啦，你講㗎，以後都要聽我話。」小彤突然笑容滿面地答我。

「你⋯⋯」看來小彤早已經原諒我，我跌入了她裝作生氣的陷阱。

「彤彤，你覺得我今日踢成點？」

「幾型啊，估唔到你踢波都幾有天分。」小彤拍一拍我的頭。

「點會啊？我係為咗你先入足球隊㗎咋。」我又不小心直接把心裡話說出來。

「哼口花花⋯⋯」小彤紅著臉小聲地說。

「你講咩話？」小彤的聲音太小，我聽不清楚。

「冇嘢啊，唔講住，我好攰訓陣先。」小彤隨即閉上眼睛。

在車程途中小彤的頭隨著巴士的顛簸而左右搖擺，而她好像也睡得不好，經常動來動去，煞是可愛。

直到其中一次，我正在看手機，而小彤的頭卻突然躺在我的肩膀上。

我看著她的睡姿感到一陣安心，但也想到我也終有離開的一天，不禁感到一陣失落。

不久之後，我也擋不住睡魔的來襲，眼皮也漸漸合上。

「下一站，xxxx」巴士的廣播把我從睡夢中叫喚起來。

「彤彤起身啦，到站啦。」我拍一拍在我肩膀上睡著的小彤。

「到啦？」小彤緩緩地睜開眼睛，伸一伸懶腰。

「係啊懶訓豬。」我捏一捏小彤的鼻子。

「喂呀咁人哋眼訓嘛，唔同你講住，落車啦，下個禮拜一見啦。」小彤把我的書包還給我。

「好啦，拜拜。」

「拜拜，我哋電話傾啦。」

小彤之後下了車，並對著坐在巴士上層的我做了一個「打電話」的手勢。

「Yes。」我回到家中舉起了歡呼的手勢，因為小彤終於原諒了我。

「咦，點解我嗰傷痕冇左嘅？」我看著光滑的手臂感到有點疑惑。

「睇嚟應該係天使彤幫我，唔知佢點呢？」

在這個週末，我除了做功課外就是打電話給小彤，每次我們都談了一個小時以上。

可是到了星期一小彤的臉色卻不太好。

「哎呀。」小彤早上回來時腳步有些遲緩，神色有點不好。

「彤彤你冇事呀嘛？」我有點擔心。

「我冇事啊，唔使理我住。」小彤的語氣有點不耐煩，我也不敢再問。

小息的時候我看到小彤趴在桌子上休息，而到了下午的課堂卻經常上廁所。

「阿欣，你知唔知小彤咩事？」相信以阿欣和小彤接近閨密的關係會知道小彤的狀況。

「我都唔知啊⋯⋯⋯你放學自己問小彤啦。」阿欣欲言又止。

「奇奇怪怪咁，唔通小彤有啲咩暗病？點算好呢？」放學後我一定要問清楚小彤。

多謝你

點會係向暗病嗰方面諗㗎
估都估佢嚟m先啦

妖治巴係咪住係連登？

連登是我家

多謝你嘅全力支持先，幫我推咗咁多，過左8月中睇下可唔可以出返穩定啲

推
今日有冇文呀

睇下夜晚得唔得

今晚仲打緊，聽日日頭會有

宜家都下午，文呢

32.虛驚一場

「阿俊你知唔知Alan咩事？」阿明在上課的時候問我。

「唔知喎，做咩？」我想起上星期五在更衣室的事。

「冇啊，佢今日冇返，所以問下你會唔會知？」

「我都唔知啊。」如果阿明不說的話，我也留意不到Alan原來今天沒有上學。

放學之後，我看見小彤正在收拾東西準備離開，所以我打算趁此機會關心她的身體狀況。

「喂，阿俊聽日練波嗰度我有啲嘢同你講⋯⋯」豈料阿明突然上前擋著我的腳步跟我說話。

我看見小彤在阿明擋着我的時候就離開了課室。

「得啦，今晚WhatsApp 再講。」我沒有細心聽阿明跟我說什麼，只想快點收拾東西離開。

我揹著書包奔跑到校門外，發現小彤捂著肚子蹲下，神色痛苦。

「彤彤你冇事呀嘛？」我看見這樣的情況不敢怠慢慢慢扶起她。

「冇事⋯⋯我有啲肚痛姐。」小彤裝作沒有大礙。

「唔通當年嘅小彤係因為患有絕症先同我斷絕聯絡，表面上係去讀書，實質係去醫病？」看到這樣的情景，我開始猜測。

「咁你啱啱又痛到踎低？你係咪有咩病？我帶你去睇醫生啦。」說罷後我就打算帶著小彤到附近的診所。

「等陣⋯⋯」小彤卻突然抓著我的衣角。

「做咩啊？」

小彤紅著臉在我耳邊說了一些話，我聽到了那些話後感到非常尷尬。

「咁我唔知呢啲嘢呀嘛，我又唔會有⋯⋯」我搔著頭有點不好意思說，看來我想得太多。

「你仲講，呀嘶⋯⋯」小彤剛想舉起手想打我卻觸動了身體的痛處。

看到小彤痛楚的樣子，我腦海中忽然浮現出一個主意。

「彤彤不如你去我屋企休息下？我屋企又近啲。」

「不過你屋企冇人咩？會唔會唔係幾方便？」小彤問我。

「我阿媽近排有返工，夜啲先返。」

「咁樣⋯⋯好啦。」小彤思考了一陣子就答應。

在回家的路上，我扶著小彤慢慢地走。

「你望住我做乜？睇路啦。」在路途上不知道小彤為何一直看著我。

「冇啊，估唔到你都幾識照顧人，第時做你老婆嗰個女仔一定好幸福。」小彤不知說真話還是說假話。

「係咩？」我心裡其實非常開心。

「呢度就係你住嘅地方？」小彤指著面前的一幢私人屋苑。

「係啊，我哋搭𨋢上去。」

「呢度就係我屋企啦，你坐喺梳化休息下，我倒杯暖水俾你飲先。」進屋後，我先扶著小彤坐在客廳的梳化，將小彤和我的書包暫時放到我的房間裡，然後就到廚房倒一杯暖水給小彤。

「估唔到小宇屋企雖然唔算好大，但係都幾企理。」小彤喃喃自語。

「你講咩話？」我從廚房出來拿著一杯暖水放在餐桌上。

「冇嘢⋯⋯咦呢度有幅相嘅？」小彤指著放在電視機上的一幅合照。

「係啊。」

「你細個嗰樣都幾鬼馬，你隔離嗰兩個女仔係邊個嚟㗎？」小彤看到我童年的樣子還笑容滿面，不過當她看到我兩旁的女孩子臉色就頓時一沉。

「哦，係我左邊紮住馬尾，嗰個係我嘅青梅竹馬，阿晴，而係我右邊短頭髮，最高嗰個係我家姐。」我向小彤解釋。

我留意到小彤聽到「阿晴」這個名字，反應有點奇怪，眼珠一轉，不知道在想什麼。

「哦，唔見你家姐嘅？」小彤向我家裡周圍看一下。

「我家姐去咗美國讀書，放暑假或者聖誕節嗰啲先會返香港，返嚟就會訓嗰間房。」我指著在角落的一間房間說。

「她既然唔問，我都無必要講啦。」我還以為小彤會好奇關於「阿晴」的事。

「哦，咁隔離嗰間就係你間房？」小彤指著我家姐旁邊的一間房間。

「係啊。」

「原來係咁，哎呀。」小彤說著說著又捂著肚子。

「唔好講啦，飲水先啦。」我將尚有餘溫的水杯遞給小彤。

「唔該。」小彤接過水杯。

「係喎，你書包係咪有嗰啲嘢？我攞俾你？」我想起小彤提過的話。

「唔使啦，你攞嗰書包俾我我自己攞⋯⋯」小彤紅暈滿臉地拒絕我。

「咁好啦。」我進去我的房間將小彤的書包拿出來。

小彤在她的書包翻找了一會，卻突然尷尬地看著我。

「做咩啊？」

「我嗰啲嘢用曬⋯⋯」小彤不知所措。

「咁樣啊，一係我落街買？」雖然我想像到如果其他同學知道了之後肯定會恥笑我，不過為了小彤就不要緊。

「你唔怕？」小彤有點不好意思。

「驚咩？你同我講你要用邊隻得啦。」我拍著胸口自信滿滿地說。

「好啦，我要⋯⋯」小彤臉紅耳赤在我耳邊竊竊私語。

而家有文啦

Hello

ccv

Thanks

又live左

夜晚出

LM

樓主嗰邊仲係朝早？

33.尷尬的第一次

「希望陣間唔好撞到熟人啦。」我在去超級市場的路途上想着。

沒多久後，我終於去到超級市場，一進去我就嘗試鬼鬼祟祟去到售賣女性生理物品的區域裡。

「哥哥仔幫女朋友買衛生巾啊？我可以推介幾款俾你喎。」豈料有一個銷售員突然冒出來，向我推介產品。

「唔使啦，我知要買邊隻，唔該晒你先。」隨著剛剛銷售員和我的對話也吸引了附近其他人的注意，不禁令我非常尷尬。

在我尋找小彤需要的那種衛生巾時，我卻聽到兩把熟悉的聲音。

「喂你買呢啲嘢做咩帶我嚟，我係收銀處嗰邊等你咪得囉，陣間俾同學見到一定比人笑足幾日。」我聽到這是一個男性的聲音。

「咁我諗住叫你幫手攞住先，係咪唔得呀？」另一把略帶憤怒的女聲說。

「得，你話點就點。」那個男的好像對女的言聽計從，我遮蓋著臉偷偷地看，發現原來竟是阿明和阿欣，

「唔該可唔可以謝一謝過？」阿欣很快就到了我背後，我才發現我擋在貨品架的前面。

「唔好意思。」我嘗試壓低聲音讓他們認不出我，並隨意拿著一包衛生巾慢慢走開。

「唔該晒。」阿欣好像認不出我，只是在選購貨品，正當我想離開之時，我卻想不到阿明竟然認出我。

「喂阿俊你點解會係度㗎？」阿明指著我驚訝地說。

「仆街，冇辦法唯有頂硬上。」我心想只好硬著臉皮去面對。

「係啊，我係度求其買啲嘢姐。」

「哈⋯⋯你需要呢啲嘢嘅咩？」阿明指着我手上的衛生巾忍著笑。

「你理得我，我買俾家姐。」

「咪扮啦，你家姐去左美國喎，佢返咗嚟咩？」阿明用質疑的眼神看著我。

「係啊，唔得咩？」

「得得得，哈哈。」阿明臉上擺著一副不相信我的樣子。

「揀完啦，阿俊我哋走先啦，幫我哋問候一下小彤。」阿欣拉著阿明很快就消失在我面前。

「估唔到阿欣都知道⋯⋯掛住講都唔記得小彤係屋企等緊我，快啲買完走算，費時再遇到熟人咁就大鑊啦。」

我找到小彤要的東西後，就趕快付款回家。

我開門之後就見到小彤累得在梳化上睡著了，我不敢吵醒她，只好放下所買的東西後脫下外套替小彤披上。

當我披上之時，小彤卻慢慢睜開眼睛醒來，我的臉也與她的臉距離很近。

「你做咩啊？」

「冇啊，驚你訓緊嗰陣凍。」

「哦。」小彤若無其事嘴角卻不期然露出一絲笑容。

「對唔住，嘈醒咗你，你使唔使再休息多一陣？」我有點抱歉。

「唔緊要啦，你係咪買咗啦？」小彤看著我買來的東西。

「係啊。」

「咁我去一去廁所先。」小彤拿著東西進入到廁所裡。

幾分鐘後，小彤出來了，臉色也好像好了很多。

「你好啲啦？」

「係呀，好咗啲，不過個肚仲係有少少痛。」小彤按著腹部。

「咁樣啊，彤彤你挨係梳化度，我諗到一個方法。」我坐在梳化上拍一拍我左邊的位置示意小彤坐下。

「你想做咩啊？」小彤臉上帶著疑惑但也坐下來挨在梳化背。

小彤挨著的時候我用手輕輕揉著小彤腹部的痛處，試圖緩解她的痛楚，小彤看見我的動作卻紅著臉默不作聲。

「彤彤身材都幾好⋯⋯」雖然隔著校服，但我也感覺到小彤光滑的肌膚和纖細的身材，揉著揉著我也沉醉起來，手亦不經意地越按越上。

「啊。」小彤呻吟了一下

「做咩啊？我整痛你啊？」我聽到小彤的叫聲醒覺過來。

「你隻手摸緊邊度啊？」小彤紅著面略帶嗔怒地說。

「唔好意思。」我急忙放開手，原來我不經不覺間揉到了小彤的胸部。

「估唔到彤彤嗰度都幾大下⋯⋯」我喃喃自語。

「喂你講咩呀？」小彤聽到我的說話面紅耳赤地用腳踹向我。

「冇嘢啊。」我偷偷地聞我的右手，聞到一陣清香味。

「喂呀，啱啱嘅事唔可以同人講同埋唔準再諗啊，如果唔係我嬲㗎。」小彤抱著手臂向我警告。

「嗯。」其實我腦中還在回味剛才的觸感。

「你點知呢個方法嘅？都幾舒服。」小彤帶著好奇的眼神問我。

「之前我家姐嚟M嗰陣，我都係咁樣幫佢㗎，所以咪試下咁樣幫你。」

「原來係咁，咁你有冇好似頭先咁對你家姐⋯⋯」小彤小聲地低著頭說。

「你講咩話？」我聽不清楚小彤的聲音。

「哼聽唔到就算⋯⋯哎呀，已經咁晏㗎啦，我要走啦。」小彤看到牆上的時鐘說，站起來準備離開。

「哦，咁我送你落樓。」我替小彤背著書包，準備開門，可是此時大門卻突然間打開了。