[穿越][愛情][校園]重回青春時尋找當年失去的愛情

痴鬼線乜嘢劇情嚟 點解會寫到alan咁癲嘅
Btw 寫得係幾好睇，繼續加油

多謝西暪巴支持，我寫Alan呢個角色係誇張左啲，btw下次想覆我唔使quote文

返到現代

點解會咁諗

因為你篇文個標題囉

你想咁快完咩

樓主嘅真愛係糊仔

36.壞消息

———

我聽到關於小宇的消息後就再也忍不住衝向實驗室所在的樓層。

當我到了實驗室所在的樓層，發現有幾個警察正跟一個老師說話，實驗室外的地方明顯熏黑，實驗室內部也成為了廢墟，而我認得那個老師正是昨天監督著小宇練習的老師。

我欲衝上前希望從那個老師口中得知小宇的消息，此時我的右邊卻有一隻右手拉著我。

「邊個啊？原來係李老師，對唔住啊，我唔知係你。」我不耐煩地意圖掙脫那個人的手，卻發現原來是我的班主任李老師。

「唔緊要嘅，我明白你嘅心情，而家警察係度問緊老師琴日件事嘅經過，你唔使咁擔心啦。」李老師安慰着我。

「李老師，我想問你知唔知阿俊究竟而家去咗邊？」雖然如此，我還是想知道阿俊的去向。

「小彤我可以講俾你聽不過你要有心理準備。」

「好。」我深呼吸一口氣。

「頭先我問過啲警察，佢哋話琴晚消防員過嚟嗰陣救熄晒啲火之後冇見到阿俊，反而喺事發現場搵到呢部嘢。」當李老師將那個東西給我時，我腦海頓時一陣空白，我拿著那個東西不知如何是好。

———

「行快少少啦，咁鬼死慢。」我拉著阿明跑去實驗室，到了實驗室門外小彤正在跟李老師說話。

「小彤你冇事呀嘛？」我看見小彤的反應遲緩，眼神放空。

「冇⋯⋯」小彤還未說完突然暈倒在地上。
———

我一睜開眼睛，一絲白色的光線刺進我的眼睛，我下意識用手擋著並慢慢醒來，我身上竟然穿着病人服躺在一間病房的床上，而病房窗外的天色已晚。

「點解我會嚟左醫院嘅？有冇人啊？」我向著病房大門的位置叫喊。

「阿女你終於醒喇？嚇死我啦。」突然一個中年女人衝進來抱著我。

「我冇事啊，媽咪點解我喺度嘅？我唔係返緊學嘅咩？」進來的人正是我的媽媽

「冇啊，你今朝係學校突然暈咗，老師通知我嗰陣你知唔知我幾擔心你呀？好彩醫生話你冇咩事，應該係因為一時激動先會暈低。」媽媽有點責怪我。

「對唔住啊媽咪，要你擔心。」

「唔緊要啦最緊要你冇事，陣間醫生應該會嚟睇你，如果冇咩事你今晚可以出院㗎啦。」

「仲有呢部手機你暈咗個陣一直攞住，呢個手機邊個㗎？」媽媽遞給我一部手提電話。

「呢部手機係阿俊嘅⋯⋯」我一看到這部手提電話就感到憂心。

「阿女你都唔使咁擔心啦，阿俊嘅事李老師同我講過下，阿俊佢應該會吉人天相㗎，我去同你搞啲出院手續先。」

「好，唔該媽咪。」媽媽在我說完後就離開了病房

「唉⋯⋯小宇你究竟係邊？」我看著阿俊的手提電話希望他快點出現。

一星期後，中三大考終於來臨，而今天也是大考周期的最後一天。

在這一個多星期，小宇完全銷聲匿跡，沒有人知道小宇究竟去了哪裡，我聽聞小宇的媽媽更因此而擔憂過度進了醫院，而實驗試也因實驗室受到嚴重破壞而取消。

「小宇你快啲出現啦，好多人都好擔心你。」我在進試場前心中默默祈求著小宇歸來。

「老師我想問阿俊如果返咗嚟，有冇得補考？」我看見李老師正在試場門口鼓勵着我們班的學生，於是我上前問道。

「有嘅，不過佢要喺呢個考試周期完結之前返到黎囉，你都唔好咁擔心啦盡力考好呢個試先再諗其他嘢啦。」李老師鼓勵我。

「老師，我會努力㗎啦！」

沒多久後，我看見學生陸續進入試場，同時也看見那個我最討厭的人，Alan。

「喂小彤你咁早到嘅？」Alan竟然走過來搭訕我。

「關你咩事。」我不想跟Alan說話。

「係唔關我事，不過你高中一定會同我同班㗎啦，阿俊嗰條廢柴仲想阻住我。」Alan討厭地不停笑著。

「阿俊失蹤嘅事係咪同你有關？」我隱約覺得小宇失蹤與Alan有著千絲萬縷的關係。

「關我鬼事，佢嘅失蹤係意外嚟。」Alan表面上自信地答着我，眼神卻閃閃縮縮。

「呢位同學唔該你返埋位，考試就開始啦。」監考老師看見Alan和我說話警告著他，Alan只好悻悻然地回到座位。

「考試完咗之後我一定要查吓Alan同阿俊失蹤呢件事有冇關係。」我心中暗暗下定決心。

「唉⋯⋯如果小宇係度就好。」我一打開試卷後，發現這次的試卷內容不深，我相信如果小宇能夠出席考試也難不倒他。

考試時間過了將近一半，正當各位同學都埋頭苦幹地答題目時，試場大門卻突然打開。

「唔好意思啊老師，我遲咗嚟考試。」從試場大門走進來的那個人說。

我一轉頭看，心中感到難以置信。

「行快少少啦，咁鬼死慢。」我拉著阿明跑去實驗室，到了實驗室門外小彤正在跟李老師說話。

「小彤你冇事呀嘛？」我看見小彤的反應遲緩，眼神放空。

「冇⋯⋯」小彤還未說完突然暈倒在地上。

呢part係邊個人視覺

阿欣

我想問係咪之後會出快D呢我見今次隔咗兩日就有一次更新

盡力啦因為讀書嗰邊問題算係解決左

好嘢終於唔駛隔五至六日先有一更

其實有時都要有啲靈感先寫得快，當然五、六日嗰陣係因為讀書未解決先咁

37.天使彤的秘密

就在火焰意圖把我吞噬之際，我心中暗暗叫喚着天使彤的名字，並且搖動掛在頸上的鈴鐺。

突然間，實驗室的窗口一聲巨響，一個穿著白色衣服，背上長著翅膀的女子撞破了窗子飛進實驗室，我一看正是好久不見的天使彤。

「你終於嚟啦？」我滿心歡喜能夠逃出生天。

「係，我哋快啲走先。」天使彤神色有點暗淡，拉著我就想離開這裡。

「等陣！」我看到地上有一張學生證，拿起一看發現竟然是Alan的學生證，我思考了一下決定先拿著這張學生證，說不定之後可以幫助揭穿Alan的真面目。

「行得啦！」待我說完，天使彤就帶著我飛出窗外，過了幾十秒後，實驗室就發生猛烈爆炸。

「會唔會跌死㗎？我咁重⋯⋯」天使彤帶著我飛了不遠後，我看到天使彤面有難色。

「唔會啊，你唔好郁嚟郁去就得！」天使彤責怪著我。

語音剛落，天使彤的能量好像越來越虛弱，翅膀也越來越短，我和天使彤也開始墜落，幸好我和天使彤最終墜落在一棵樹下，墜落時的衝擊力也因為撞到樹枝、樹葉等東西而有所減緩。

「嘩好痛！」我感到我的盆骨在墜落到樹下的草地時有少許痛楚，我嘗試站起來並走向天使彤墜落的地方。

「你有冇事啊？」我慢慢扶起天使彤。

「我冇事⋯⋯噗。」天使彤竟然噴出一口鮮血。

「你咁樣仲話冇事，不如我送你去⋯⋯」我想想天使彤並不是人類，送她去醫院也無補於事。

「唔使麻煩你啦，我自己搞得掂。」天使彤掙脫我的手自己先行離去，我看她走了一陣子，卻跌倒在地上。

「你睇下你仲話自己搞得掂，我送你返屋企，你上嚟啦。」我心中思考著雖然天使彤只是負責送我到這個時空，但她也有責任監督著我，所以一定會住著某個地方，方便隨時找到我，於是我拍拍我的背部示意我背她回家。

天使彤猶豫了一下也慢慢爬上我的背部，她在路途上指示著我她家的方向，走了幾分鐘後我來到了一間大屋前。

天使彤的大屋有兩層，大門前的右邊有一個小花園，我將天使彤放下來，她口中好像不知道念了甚麼咒語後，大門就打開了。

當大門一打開，就有一隻不知道甚麼物體跳到天使彤的懷裏，我怕天使彤有甚麼危險急忙上前一看，發現原來是一隻貓。

「呢隻係我隻貓，叫芒果。」天使彤向我介紹著。

那隻貓看著我一會後跳到地上，用頭蹭著我的鞋子，想不到天使彤的貓也挺親人。

「好啦，唔該晒你送我返屋企。」

「我唔該你就真，如果唔係你今日救左我，我已經葬身喺學校嘅實驗室。」說真的若不是天使彤及時趕到，我一早已經看不到這個世界。

「呢個係我嘅份內事姐。」天使彤一說完卻突然按著頭，神色痛楚。

「你冇咩事啊？」

「冇事，我休息下就得，我唔送你啦。」天使彤走進她的房間休息。

當我準備離開時，我心裡卻擔心著天使彤的情況，於是我進去天使彤的房間卻發現她臉色蒼白地躺在床上，好像睡著了。

「哇，咁熱嘅。」我用手摸著天使彤的額頭，燙得令我即時縮手。

我立刻去廁所用冷水弄濕一條毛巾後，用毛巾敷在天使彤的額頭上。

「睇嚟今晚最好留低睇住天使彤嘅情况，有咩事就即時送佢醫院。」我決定今晚留下來照顧著天使彤。

我在天使彤的房間到處走走，發現她的房間沒有什麼特別，反而在她床邊櫃上擺放的一幅照片卻吸引了我的注意力。

我拿起照片一看竟然是我前世放在銀包和小彤的合照，我還記得這張照片是我和小彤在海洋公園留下的合照，照片中的我十分害羞，故意與小彤保持著距離。

「小宇你去咗邊？唔好走。」突然躺在床上的天使彤開口說話，我一察看發現天使彤並未醒過來，只是說著夢話。

「Alan你係一個衰人，你有咩資格返嚟？你冇資格做我⋯⋯」天使彤繼續說著夢話，我卻沒有細心聽下去，同時天使彤的手也不停動來動去。

看到這樣的情景，我腦海浮現出一個主意，我坐在天使彤的床邊伸出手來緊握著她的手，在我握著她的手後，天使彤很快就冷靜下來，再次熟睡過去。

「估唔到呢個方法都幾有用，哈⋯⋯⋯」我打了一個呵欠。

「睇嚟要等天使彤瞓醒之後再問下佢究竟同小彤有咩關係？」從種種跡象來看，天使彤成為我的天使，而且帶我穿越到這個時空有著不可告人的秘密。

我想著想著也抵擋不了睡意，趴著天使彤的床上慢慢進入了夢鄉。

推

38.另一個天使出現？

「你做咩唔理我？」一個年輕貌美，輪廓與小彤有七分相似的女子質問着我。

「對唔住啊，我真係放唔低佢。」我向她賠罪道歉。

那個女子聽完這句話後就掩面痛哭跑着離開，我欲上前追她，卻突然有把斧頭飛過來。

———

「哇。」我被夢中的情景嚇得醒了過來，背部也冒出冷汗。

我伸一伸懶腰發現天使彤已經沒有躺在床上，而床上只有我昨晚鋪在天使彤額頭上的毛巾。

「天使彤去咗邊呢？」正當我想走出大廳時，我卻聽到一個不認識的男聲。

「你最近點？」那把男聲說。

「冇咩特別。」我聽到天使彤回應著。

「你仲係對我冷冷冰冰咁。」那把男聲感到一陣失落。

「邊有，咳咳咳。」天使彤不知道是不是還沒有完全恢復，劇烈地咳嗽。

「你有冇事？」我從那把男聲感到他頗為關心天使彤，於是我偷偷地地開了一個門隙偷看著大廳的情況。

原來站在天使彤面前是一個穿着樸素、臉上帶有陽光氣息的男子，他正想上前察看天使彤的狀況。

「冇事，」天使彤用手支撐着餐桌上，並揮著手示意那個男子不要走過來。

「咁好啦，你有咩事再搵我啦。」那個男子失望地離開，而那個男子在一瞬間不知道用甚麼力量就在我眼前消失了。

天使彤對他的離去無動於衷，腳步向這裡走來，於是我趕忙繼續趴著床上裝睡。

天使彤沒多久後就進入房間，她卻突然說了一句話。

「起身啦，我知道你醒咗啦，唔使扮嘢啦。」

「你點知㗎？」想不到天使彤竟然一眼就看穿我在裝睡。

「我頭先係大廳到嗰陣已經感覺到你喺度偷睇緊啦。」

「頭先嗰個邊個嚟？」我忍不著好奇心問。

「頭先嗰個⋯⋯係我朋友Hubert，佢知道我住呢頭順便嚟探下我。」

「咁佢係咪都係天使嚟㗎？我啱啱見到佢突然間就消失咗。」

「我講俾你聽都得，你唔好同周圍同人講。」天使彤說完後看一看周圍彷彿在顧忌著什麼。

「得啦，我都冇提起過你身份俾呢個世界啲人知，放心啦。」我拍著胸口保證。

「係，其實啱啱見到你嗰個男仔都係天使。」天使彤在我耳邊輕聲地說。

「吓咁咪即係代表呢個世界除咗我同Alan仲有其他穿越者？」

「我估可能有，不過我上次係更衣室觀察到Alan嘅氣息唔係咁好，所以應該係惡魔帶Alan嚟呢個時空，咁Hubert帶過嚟嘅穿越者應該另有其人。」

「你冇問佢？」

「冇，同埋就算我問都未必會同我講，畢竟天使係唔可以向周圍嘅人透露佢帶嘅穿越者嘅身份，即使係同其他天使講都唔得。」

「哦，係啦我想問點解你琴晚講左呢堆野嘅⋯⋯」我向天使彤復述她昨天晚上所說的夢話。

她聽完之後臉色陰晴不定，並沒有回答我的問題。

「喂，我問緊你⋯⋯咳咳咳。」天使彤在我想再追問的時候突然間又猛烈地咳嗽著。

「你睇下你，我出去買啲嘢食同水俾你好唔好？」看來天使彤的身體狀況尚待一段時間才能恢復，只好下次再問。

「好，唔該晒你。」

在買東西的途中，我決定留下來照顧天使彤幾天，畢竟她也是因為救我力量才受損。

在這幾天中，我就在天使彤家中住下，白天的時候我看見天使彤在房間內好像修煉一樣在回復力量，晚上就有時都在發燒，說着一些我不知道是甚麼的夢話，而我間中也與天使彤的貓咪「芒果」玩得甚是愉快。

直到差不多過了一個星期後，天使彤的神色終於有所好轉，天氣好的時候我也和她一起出外做運動。

「你聽日返學校考試啦，呢個試對你都幾重要，你陪左我幾日，我冇咩事啦。」天使彤勸說我。

「咁樣啊，你真係冇事？」我有點擔心天使彤

「係啊，我冇事，你唔使擔心。」天使彤露出和藹的笑容。

當天晚上是我留在天使彤的家最後一個晚上，我想再問清楚她與小彤的關係，我一打開她的房門，卻發現她不見了，床頭櫃子上有一封紙條：

我今晚有啲嘢做要出去一陣，你想知嘅事我哋遲下再見面嗰陣先答你，早啲瞓啦你聽日仲要考試啊^_^。

「咁唯有下次再問啦。」我只好悻然地回到自己的房間。

「鈴、鈴、鈴！」鬧鐘把我從睡夢中叫醒，我一看時間竟然已經是八時正，我急忙換好校服回去學校。

我準備出門時發現天使彤的房門仍然是緊閉着，所以我沒有打擾她，靜靜地出門。

我咬著從路上買來的麵包並加快腳步回到學校，當我一回到學校時就在大門看見李老師。

「哇，阿俊你終於出現啦，唔好講咁多啦，快啲去考試先啦。」李老師催促著我。

我打開試場的大門，終於回來了這個熟悉的地方，也看見那個熟悉的「她」。

「唔好意思啊老師，我遲咗嚟考試。」

多謝支持，冇記錯應該係新讀者，可以留個正皮支持下我

手動正評

推

39.平安歸來

不曉得我是否說得太大聲，有一些同學紛紛回過頭來看我，當中也包括「她」，而那個「她」就是小彤。

當小彤看見我的時候，她放下了手中正在拿著的筆，立即就想衝過來找我，我急忙示意她冷靜下來，她也好像明白我的用意，眼泛淚光地繼續做試卷。

老師帶我到我的座位，雖然只剩下一半的考試時間，但是這也難不倒我，畢竟這份試卷我前世已經做過一次。

「時間到，請停筆。」監考老師收走試卷後，我對自己的表現感到滿意。

考試完結的時候，Alan也看見我，當他看到我的時候第一反應是十分驚訝和惶恐，然後就匆匆忙忙收拾東西離開。

「等遲啲派成績嗰陣，我先一次過揭穿你嘅真面目。」看見Alan匆匆忙忙逃走，我也不急著追上他。

突然，有一個柔軟的身軀撲進我的懷裏輕輕地抽泣著。

「喂，彤彤，你放開我先啦好多同學望住我哋呀。」在我懷裡的女生正是小彤，其他同學看著我們抱在一起都在偷笑。

「哦。」小彤抺著眼淚慢慢放開我。

「喂阿俊你終於出現喇，知唔知好多人都擔心你啊？」有人拍我左邊肩膀，原來是阿明和阿欣走過來和我說話。

「對唔住啊，我嗰日⋯⋯」我把逃離實驗室的經過如實敘述出來，但是隱瞞了天使彤的身份和捏造另一個較為科學的方式拯救我。

「哦，咁你真係好彩，不過你呢個禮拜去咗做咩？」阿欣奇怪我為何不即時回來，讓他們擔心。

「因為救我嗰個人受左傷，我要照顧佢。」

「哦⋯⋯」

「阿俊不如我哋去睇下伯母，聽講佢入左醫院⋯⋯」小彤向我提議。

「咁我哋唔阻你哋兩個啦。」阿明和阿欣識趣地離開。

我和小彤就即時離開學校到醫院去探望我的媽媽。

當我們到達醫院，我就在一間病房的門口看見我的爸爸。

「阿仔你終於返嚟啦，有冇事啊？」

「冇事呀，阿媽佢點啊？」

「初頭嗰幾日情緒都幾激動，不過呢幾日打咗鎮定劑冷靜返少少，阿仔呢位係？」我的爸爸指著我旁邊的女生問。

「呢個係我嘅同學小彤。」我差點忘記我的爸爸和小彤是第一次見面。

「叔叔你好。」小彤有禮貌地向我爸爸躬腰。

「小彤你好，阿俊你入去睇下你阿媽先啦，佢應該會好開心可以見返你。」

我和小彤隨即就進入了病房，我看著滿頭都是蓬鬆頭髮的媽媽坐在床邊看著窗邊，心裡感到非常沉重。

「阿媽係我，你個仔返嚟啦。」

媽媽聽到我的叫喚，身軀震了一下慢慢回過頭來。

「啊仔真係你呀？我唔係發緊夢啊。」我看得出來媽媽十分激動。

「係我啊，你嗰仔張俊宇，睇下小彤都係度。」我指著小彤。

「係啊，伯母，阿俊真係返咗嚟啦。」不知道小彤剛剛是不是哭過來，臉上還帶著淚痕。

「平安返嚟就好⋯⋯平安返嚟就好⋯⋯」媽媽抓著我的手喃喃自語。

翌日媽媽就順利出院，而我接下來的幾天都在學校補考之前的科目。

「唉終於補考晒。」這天我準備離開學校。

「哎呀，唔好意思。」我一踏出校門時撞到了一個人，他的書本都跌在地上。

「咦你咪係阿俊？」

「Eric係你啊？唔好意思啊！」我一看原來是我們班理科最好的學生Eric，他戴着一副眼鏡，平時喜歡做數學題目和實驗多於與人接觸，但是我也有時和他交流一些學習心得，所以關係還算不錯。

「唔緊要。」正當我替他執拾好地上的東西時並預備回家時，他卻拉著我。

「你有事搵我？」

「本來諗住就算有呢樣嘢都冇用救唔到你，點知你而家返咗嚟，我俾你睇吓。」Eric之後拿出手機，並播放一段影片給我看。

「你send條片俾我，我知道點做。」我看完這段影片後，決定派成績的那天就是Alan離開這間學校的那天。

收到，多謝你