[穿越][愛情][校園]重回青春時尋找當年失去的愛情

小弟睇得多故,都想新手上路寫下故,可能文筆冇隔離啲巴打咁好,請見諒
紙言:https://www.shikoto.com/articles/210824.html
咁多位巴打/絲打如果有意見,可以留言。
小弟會儘量回應同埋改善。
事不宜遲放下啲文出嚟先

1.重遇她

「阿俊，幫我做埋手頭上嘅嘢。」坐在我左邊的同事Paul說

「Aaron，幫我做埋手頭上嘅嘢，唔該曬。」坐在我右邊的同事Peter說

「點解要幫你哋做埋手頭上嘅嘢,我都做曬自己嘢,又到6點鐘,仲唔返歸?」我說
「你唔幫都得,咁聽朝公司whatsapp group又有大新聞」Paul說

「咩大新聞?」我說

「冇，只不過有人係工作時間匿埋係男廁廁格睇av。」Peter說

「你哋講緊邊個,唔明你哋講咩?」我說

「唔洗扮嘢啦,我哋有曬片做證據，你乖乖地幫我哋做埋啲嘢咪當冇事發生,如果唔係,你知比公司啲女同事知,再唔係比埋老細知,你估下你係公司仲有冇立足之地。」Paul陰險地笑著說

「你兩個賤人，好，我幫你哋做嘢都得,但唔好同我留條片嘅backup。」我強忍著心中的怒氣說

「得啦，一場同事，仲信唔過我哋兩個咩?咁我哋走先啦,唔該Aaron。」Peter說完這句就和阿Paul立刻離開

我心裡不禁問候了他們的家人幾次。是的，我未介紹自己，我全名是張俊宇,英文名是Aaron，今年26歲,大學econ畢業,所以現在在證券公司工作,獨居。

「唉，終於做曬佢哋啲嘢，走得，原來已經9點。」我望著手上的手錶說，我拿起我桌上的銀包準備離開時一張照片掉了出來，是一張兩個人的合照。我看著這張合照不禁想起當年一些往事

「唔知佢過得好唔好呢?」我心裡想

我離開公司之後啟程回家，回家路上我突然記起家裡的公仔麵缺貨，晚餐沒有了，所以去家附近的超級市場購買。買完之後我準備回家，突然我踏出超級市場門口之時，一個小女孩被我撞到在地上。

「哥哥，唔好意思，唔小心撞到你。」小女孩說

「唔緊要妹妹，你有冇事就真?」我一邊扶起這個小女孩說

突然我看到這個小女孩的五官,忽然頭痛欲裂​

「哥哥，你有冇事呀?」小女孩說

「我冇事只係覺得你有啲似一個人」我摸著小女孩的頭說

「晴晴做咩跑得咁快呀?撞到人啦」突然小女孩的後方有一個女人跑過來喘著氣說

我一看到那個女人的臉龐，不禁呆左一眼，心裡情緒起伏不定

那個女人看到我亦呆左一刻,神情好像想起了一些事情

「唔好意思，晴晴有冇事呀」那個女人只看著女孩說

「我冇事呀媽咪，反而呢個哥哥好似有啲事。」小女孩指著我說

我聽到「媽咪」這兩個字，心裡突然如同被刀割的一樣，但也鼓起勇氣說話。

「好耐冇見。」我跟那個女人同時說。

lm

咁快

純屬巧合

2.當年往事

重遇她令我中學時一幕幕往事浮上心頭......

(中二開學時)

「各位同學，今日有個新嘅同學仔係其他學校轉入嚟,小彤入嚟啦。」我中二的班主任李老師對課室外揮手說

接著有一個穿著校裙的女孩子進入了課室，我一看到那個女孩子，心跳頓時加速，那個女孩子有著水汪汪的大眼睛，臉蛋圓圓的，綁著一條馬尾，長髮放下應該會過肩，身材中等與當時中二的我高度差不多。

「大家好，我叫楊小彤，係其他學校轉過嚟。」小彤輕聲細語說

「咩話」「彤彤大聲啲得唔得」「靚女聽唔到，不如放學留低講清楚啲」班上的男同學七嘴八舌說

當時小彤臉蛋變得紅紅的，耳朵也紅了起來，手指緊緊抓住校裙，令我覺得這個女孩子很可愛。

「好啦，大家唔好蝦新同學啦。」我突然說

「阿俊起痰啦」「條友仔平時唔聲唔聲，見到靚女就咁多嘢講。」班上的男同學又開始起哄

我和小彤即時四目交投非常尷尬，兩個人的臉蛋也是紅紅的。

「喂，你哋靜啲得唔得，平時係咪對你哋太寬鬆，放學洗唔洗留堂?」李老師拍著桌子說

班上的男同學頓時不再說話。

「小彤，你就坐係阿俊隔離啦。」李老師指著我右邊的一個空位說

小彤隨即走過來並坐在我右邊的一個位子，小彤坐下時有陣香味飄進我的鼻子裡。我鼻子故意索了幾下。

「你做咩?」小彤臉上浮起一絲紅暈害羞地問我

「冇，你好似幾香，唔覺意聞左幾下，sorry」我即時低頭有點尷尬

「阿俊，你搞咩?你平時成個毒x咁，見到靚女就好似另一個人，小彤你要小心啲佢，係啦唔記得介紹自己，我叫阿明」坐在我前方的阿明說

「咩話，你即係話我唔係靚女啦?小彤你好，我係阿欣」坐在阿明右邊的女孩阿欣拍了阿明的頭一下說

阿明是我的好朋友，而阿欣和阿明是青梅竹馬

「阿明，阿欣，你哋好。」小彤臉頰還有少許紅輕聲細語地說

「點解你同我唔打招呼?我叫阿俊」我厚著臉皮問

「哼，頭先啲同學咪講左你咩名，同埋你咁變態唔想同你講嘢呀。」小彤紅著臉轉頭不再理我

「車，好巴閉咩，咪講左唔覺意聞左幾下，洗唔洗咁小氣。」我也轉開頭不再理她

突然我感覺有人拍我肩膀

「咩事呀又?」我不耐煩地擰返轉頭說

「頭先多謝你。」小彤輕聲細語說

「總算你有啲良心。」我說

「車，咁鬼叫你頭先講埋啲變態嘢，人哋以為你都係變態佬。」小彤越說越小聲

「你話邊個係變態佬?」我扮生氣說道

「咪你囉，傻仔。」小彤掩著嘴笑道

自此之後，我、小彤、阿明和阿欣都是同班同學直到dse放榜那天，但是因為一些事我們和小彤再無聯絡，而我知道阿明和阿欣都已經在大學畢業後移民到外國生活。

多謝支持

暫時咁多先，夜晚可能仲有一篇

3.現實的殘酷

(2020年)

「小宇,你有冇事?」小彤見我說完話,在我眼前揮著手說

「我冇事，係呢我哋都好耐冇見，你近排點?」我強忍著內心的傷痛說道

「近排都幾忙，有時又要返工又要湊女。」小彤說

「你個女?」我終於問出我心裡想問的那句說話

「係。」小彤有點猶疑但她繼續說下去

「我當年放榜之後去左外國讀書，畢業返嚟之後係香港識左我前夫Alan，5年前我同佢結婚生左個女，但係4年前我發現佢係出面有第二個，所以決定同佢離婚，而家靠佢嘅贍養費同埋我出去返part time 維持生活。頭先個女話想出嚟行下，咪帶佢出嚟，點知撞到你。」小彤有點不好意思說道

「咁你而家會唔會好辛苦?」我有點擔心問道

「唔會嘅贍養費同埋part time錢都夠我同個女維持到生活，咁你近排點呀?」小彤問

「冇呀，都係渾渾噩噩咁，大學畢業之後去左證券公司度做，都係做到頭先先放工返屋企。」我答

「哦，原來係咁。」小彤說「晴晴，呢個係你媽咪以前嘅中學同學，叫小宇哥哥。」小彤向她的女兒介紹我

「小宇哥哥，你好。」晴晴向我打招呼「媽咪，我有啲眼訓，想返屋企啦。」晴晴揉著眼睛說道

「好啦，媽咪帶你返屋企啦。」小彤抱起晴晴說

「你屋企係呢頭?」我問

「係呀，係xxxx5座。」小彤說

「咦，你住係我隔離座。」我說

「嗯我要走啦。」小彤說完想抱著女兒回家

「彤彤，不如留個電話，得閒一齊出嚟食飯?」我滿心期待地問

「唔啦，大家生活都忙，同埋當年件事......算啦，唔講啦，都過去左，有緣再見。」小彤說完就抱著女兒急步離開

「彤彤......」我還想追問當年的事，可惜小彤已經離開了我的視線範圍，我也不敢追上去。

「當年我做錯咩事呢究竟?」我心裡不斷在想

重遇小彤之後，我也沒心情吃東西，於是便回家放下袋公仔麵，到樓下便利店買了幾罐啤酒，接著去樓下海濱公園坐在椅子上喝悶酒。

「究竟我當年做錯咩事....究竟我當年做錯咩事......?」我不斷地反問自己。

我不停地喝幾罐啤酒，直到差不多十二時。

突然，我準備回家之時，一道強光刺著我的眼睛，一位穿著白衣,樣貌與小彤有六分相似的女子出現在我面前。

今日咁多先，聽日再出

去馬啦阿俊

阿俊話要搞清楚發生咩事，btw多謝妖治巴成為我第一個讀者

4.穿越的機會

「你係邊個?係彤彤嗎?」突然我頭痛欲裂，我懷疑我是喝醉之後出現幻覺。

於是我伸出我的右手，嘗試觸摸小彤的臉龐。

「你做乜嘢?我唔係你口中講嗰位彤彤呀!」穿著白衣的女子一下拍開我的右手，叉著腰有點憤怒。

「你唔係彤彤咩?」我揉一揉眼睛打算看得更清楚。

「咦，唔好意思，你好似我認識嘅一個女仔。」我看得更清楚發現這位穿著白衣的女子真的不是小彤，純粹只是人有相似。

「咁你係邊個?」我有點失落坐回公園的長椅上。

「我係嚟幫你嘅人，你唔需要知道我嘅身份，我淨係想問你一樣嘢。」白衣女子平靜地說。

「問咩?」我答。

「你係咪仲係好鐘意你口中講嗰位彤彤?」白衣女子表情有點得意洋洋。

「係......唔係，你點知架?」我感到有點驚訝。

這是我已經埋藏在心裡十多年的心事，即使我在入了大學之後，還是出來工作的時候都只是拍了兩次拖。

「你係咪忘記唔到你中學暗戀嗰個女仔?」每當我兩個前度與我分手時都會問我這句說話。

「對唔住。」我每次分手都只能夠說這句話去回答。

我從銀包拿起一張我與小彤中學時的合照，心裡不禁升起一絲惆悵。

「好啦，見你咁慘，咁我而家俾個機會你返到中學初初識小彤個陣去改變你同小彤之間嘅關係，好唔好?」白衣女子問

「哈哈!」我苦笑了一聲「你當而家拍電視劇可以穿越過去嘅時空咩?唔好玩我啦!」我顯然不信白衣女子的說話，打算繼續喝我的啤酒。

突然一陣怪風吹來，我手中的啤酒罐被吹到在地上，我看見白衣女子的神情有點憤怒，背上長了一雙翅膀，緩慢地向我飛過來。

「你點解有咁嘅力量架?唔好過嚟呀!」我驚慌地說。

「咁你要唔要呢個機會?唔要嘅話，我走啦!去幫其他人好過。」白衣女子說完後打算離開。

「唔好走住!」我阻止白衣女子離開，白衣女子停下了。

「好，我決定要呢個機會。」我考慮了一會兒說。

「咁就得啦，我而家帶你回到過去啦。」白衣女子突然嫣然一笑，收回背上的一雙翅膀。

「啊，我唔記得同你講有個規矩就係係你dse放榜後一日，我就會帶你返嚟2020年嘅時空。」白衣女子向我說。

「吓，我唔係可以唔理而家嘅嘢，回到過去一齊同彤彤生活落去咩?」我有點失落。

「唔係，為左唔好影響現實嘅時空太多,我唔可以俾你留係過去嘅時空太耐，但若然你對小彤愛嘅力量夠大，小彤感到幸福，就足以改變過去令現實出現變化。」白衣女子解釋

「哦，咁好啦!」我說。

「啊，我仲有一樣嘢想問，當年究竟發生咩事令彤彤唔再理我?」我突然記起小彤臨走前的一句話，可能就是因為那件事令我和小彤越走越遠。

「你回到過去重新同小彤經歷一次咪知囉!我只可以講係發生係放榜之前，你一定會經歷到，到時就會知架啦。」白衣女子解釋。

「好啦，講左咁耐，都未問你叫咩名。」

「我......我......」白衣女子好像有難言之隱。

「唔緊要啦，我見你著到成個天使咁又同彤彤有啲似，我就叫你天使彤啦!」

「好啦!唔好講啦我哋開始啦。」天使彤好像有點臉紅。

天使彤從懷中拿出一個水晶球，並把手放在水晶球上。

「你將你雙手放係水晶球上面啦。」天使彤說

我將雙手放在水晶球上，手指不經意碰到天使彤白滑的手。

天使彤默不作聲，但我看到天使彤臉上浮起一絲紅暈。

突然水晶球發出一道強光將我和天使彤包裹在內，強光亦使我不能睜開眼睛。

幾十秒後，公園地上只剩下幾罐啤酒，而阿俊和天使彤都消失得無影無蹤。

今日起碼仲有1更，另外多謝俾正皮嘅嗰位巴/絲打，小弟會繼續努力，如果有巴/絲打睇得開心，都不妨正皮下個post支持下小弟，亦可以留言俾啲建議小弟改善下。

褔斯巴你唔叫我黎，嬲呀。

多謝支持，btw冇叫你黎咩？

無呀，不過真係幾好，加油，繼續追

費事係你個度宣傳，見你黎左夜晚加多更，大家一齊加油

你唔宣我幫你宣，支持你，多謝你夜晚加更

多謝

加油

多謝黑犬巴支持，你個故都要加油，好快有文

你都係度，多謝支持呀，