[穿越][愛情][校園]重回青春時尋找當年失去的愛情

827 回覆
67 Like 4 Dislike
2020-10-15 08:43:06
2020-10-17 23:55:42
樓主
2020-10-18 01:29:03
推一推
樓主

2020-10-18 11:40:15
52.一場夢?

我和小彤隨後就進入一間西餐廳。

「阿俊、小彤,我哋喺呢邊呀。」阿明和阿欣在一張四人桌前向我們揮手。

我和小彤慢慢走過去。

「小彤好耐冇見呀。」阿欣興奮地說。

「係呀,阿欣估唔到你同以前冇乜點變。」小彤微笑著說。

「邊係呀?我而家有埋女啦。」阿欣與阿明幸福地對視著。

「吓估唔到喎,你同阿明竟然咁快有小朋友。」小彤驚訝地說。

「咁你同阿俊呢?你哋幾時拉埋天窗呀?」阿欣偷偷地跟小彤說,卻被我聽到。

「我⋯⋯」小彤紅著臉沒有回答,卻向我打著眼色要我替她解圍。

「我哋會諗下㗎啦。」小彤聽到我的回答,臉蛋更加紅潤。

「哦,原來係咁,到時擺酒記得請我哋呀。」阿欣掩著嘴笑著。

「唔好講啦,我哋叫左嘢食先啦。」阿明說完後就跟我一起看菜單。

我們點了一個四人套餐後,我和小彤都因為剛才的事而尷尬得不敢說話。

「嘻嘻!」阿欣和阿明不知道為什麼在偷笑著。

「你哋兩個喺度笑咩?」我問阿明

「冇呀,我同阿欣係度諗你哋兩個真係心有靈犀,緊張嗰陣都會同一時間攞起杯水飲,直程天生一對。」阿明掩著嘴笑著。

我和小彤聽到後互相對視了一下,隨即低著頭不再說話。

「你哋嘅嘢食到啦。」此時,有一位侍應把我們點了的套餐送上。

「好啦,為我哋咁多年嘅友情飲返杯。」阿明舉起酒杯說。

我、小彤和阿欣舉起酒杯回應著,可是過了十多分鐘後,我們還未吃完時,小彤卻劇烈地咳嗽起來。

「小彤你冇事呀嘛?」我此時拍著小彤的背部。

「我冇事⋯⋯」小彤說完這句之後卻十分虛弱,臉色慘白。

「小彤點解你張紙巾咁多血嘅?」阿欣驚訝地說。

我一看小彤的紙巾果然看到上面滿佈紅色的血跡。

「阿俊我哋送小彤去醫院先啦。」阿明隨即拿起電話撥打緊急電話。

「咇⋯⋯」救護車的聲音很快就到了餐廳門外。

「彤彤唔洗驚㗎,我會陪住你。」此時旁邊只有救護員,因此我也情不自禁親暱地叫著小彤。

小彤沒有回應著我,神色少許痛苦,我握緊小彤的玉手,沒有滑嫩的感覺,只有不斷下降的溫度。

「小宇⋯⋯」小彤此時虛弱地叫著我。

「彤彤你冇事呀嘛?」

「小宇我應該唔可以陪你走埋人生嘅下半段啦。」

「彤彤你咁講係咩意思?」

「我本身有末期癌症,今次就係諗住見你最後一面同你食最後一餐飯。」小彤告訴我一個壞消息。

我覺得此時的世界彷彿塌了下來,想不到小彤即將要在我面前永遠離開我。

「我唔要呀,彤彤我呢世人淨係會鍾意你一個,你唔好離開我。」小彤聽到我這句說話嬌軀顫抖了一下。

「小宇,我呢世陪唔到你啦,希望我哋下一世可以再起埋一齊,永遠都唔會分開。」

我聽著小彤說這句話,不是常常流淚的我眼中淚水此時卻再也忍不住衝出眼眶。

「小宇唔好喊啦。」小彤的手輕輕地把我的淚水擦乾。

「好啦,我哋送佢入去急救先啦,而家情況非常危急。」救護車到達醫院之後救護員匆忙地推著小彤進去急症室,而小彤的女兒晴晴也在醫院急症室的門口等著。

「邊位係病人家屬?」過了十多分鐘後

「我。」我和晴晴同時回答。

「唔好意思我哋盡晒力啦,你哋節哀順變啦。」醫生說著這句話,我腦海中頓時一片空白。

「嗚嗚⋯⋯」晴晴聽到這個消息不斷抽泣著,而阿欣亦趴在阿明的懷裏哭著。

「我想一個人靜下先,阿明你幫我睇住晴晴。」我不敢看到披上白色被子小彤的樣子。

我慢慢走上醫院的天台,腦海裡回憶著我和小彤的一點一滴。

「小宇哥哥你係邊呀?」我看著電話裡晴晴傳來的訊息。

「晴晴,我間公司交俾你啦,小宇哥哥要去陪你媽咪啦,勿念。」我將這一段訊息傳給晴晴。

「彤彤,我嚟搵你啦。」我閉上眼睛從醫院的天台跳下去。

———

「嘩嘶⋯⋯好痛呀!」我摸著後腦。

「咦我唔係死咗嘅咩?唔通呢到係天堂。」看著那熟悉的天花板、床鋪,我不禁感到奇怪。

「阿仔起身返學啦,就遲到啦。」突然有人敲著房門。
2020-10-18 11:40:40
有啦
2020-10-18 11:41:29
2020-10-18 11:50:38
樓主回歸
推一推
2020-10-21 16:52:56
樓主係邊呀
2020-10-23 23:28:37
打緊,不過應該要聽日下晝先出到
2020-10-24 13:05:46
加油呀
不過long weekend,唔好掛住打文,都出下去享受下好天氣啦
2020-10-24 15:51:52
咁突然
2020-10-24 20:24:07
樓主蕩失路?
2020-10-25 18:56:02
53.和好如初

我聽著這一把熟悉的聲音,一邊想著一邊去打開房門。

我一打開房門發現原來是我阿媽拿著校服。

「阿媽,我係咪發緊夢呀?」我想著難道那些我和小彤未來的經歷原來全是一場夢境?

「發咩夢呀,衰仔!就遲到啦,仲唔快啲換衫係度講埋啲奇奇怪怪嘅嘢。」阿媽將校服拋到我手上。

「嘩,好痛。」我掐著自己的臉發現原來這裡不是天堂,而是真的重新穿越回來了。

「點解會咁嘅?唉,算啦,反正返咗嚟就得。」我換好校服後,匆忙地吃完阿媽替我準備的早餐。

「終於有得見返小彤,今次我一定要好好咁珍惜佢。」我在上學的途中暗暗下定決心,不會再讓小彤傷心和離我而去。

「叮噹、叮噹。」學校的鍾聲響起,我急忙跑上課室。

「老師,唔好意思呀,我遲咗少少。」

「唔緊要啦,阿俊,你都係遲幾分鐘姐,下次唔好啦。」

「係嘅,老師,我坐返埋位先。」當我一踏入課室的時候除了跟老師道歉外,我也尋找著小彤的身影。

「哼。」我終於重見那個美麗的女生,心中激動不己,但是她感受到我的目光後,卻冷哼一聲別過頭看著窗外的景色。

「都唔知某啲人琴晚係咪同人玩到好夜,搞到今日遲到。」我一坐下卻聽到小彤對我冷嘲熱諷。

「睇嚟要好好氹番小彤先得。」我看看手機上的日期是10月20日,正是運動會之後的一天,小彤應該還在生著悶氣。

小彤一整天都沒有跟我說話,我也不知如何是好,就在小彤放學後背起書包準備離開學校時,我擋在課室的門口。

「你行唔行開呀?」小彤冷漠地說著想從我左邊走過去。

可是我再次走向左邊,令到小彤開始感到不耐煩。

「你究竟想點呀?」小彤質問我。

當我正想解釋的時候,另一把聲音卻叫著我。

「阿俊你今日放學之後得唔得閒?我想問你⋯⋯」原來是阿晴找我。

「我⋯⋯」小彤卻趁我回答阿晴時推開我走掉了。

「阿晴我哋電話再傾⋯⋯小彤你唔好走住呀!」我跟阿晴交代完後追上小彤的腳步。

「彤彤你聽我講先啦⋯⋯」

小彤沒有說話,然而腳步卻停了下來。

「彤彤呀,我同阿晴真係冇嘢呀,你唔好嬲啦,我應承你以後會同其他女仔保持距離㗎啦,你原諒我啦好唔好?」我向小彤解釋著,可是小彤卻依然沒有回答我的說話。

「彤彤你做咩唔講嘢嘅?」我將小彤的身驅轉向我,卻看見她梨花帶雨的臉孔,不停流下眼淚。

此時此刻我想起了一句說話。

「一個擁抱,勝過千言萬語。」



我頓時把小彤的嬌軀拉向我的懷中,我感覺到小彤的嬌軀顫抖了一下,彷彿沒有預料到我有這樣的舉動,而對我而言,除了長洲那次班會活動的意外也沒有嘗試過和小彤如此親密的身體接觸。

在這幾分鐘,我抱著小彤靜靜地不說話而小彤也任由我抱著,直至一個鈴聲打斷我和小彤倆人的思緒。

我稍為放開小彤的嬌軀讓她接聽電話。

「係呀,媽咪我好快返屋企㗎啦。」我聽著小彤跟電話裡的人這樣說。

小彤掛斷電話後將背著的書包拋給我,之後小彤就想離開。

我呆在原地,不知道小彤這樣的舉動是甚麼意思。

「喂傻佬行啦,仲企係度做咩呀,你唔想送我返屋企?」小彤見我不走,轉過身來埋怨著我。

「彤彤你原諒我啦?」我頓時意會到小彤的言下之意。

「未㗎,睇你之後表現啦。」小彤口裏說著,語氣卻是撒嬌一樣。

「我會做好㗎啦。」我拿著小彤的書包送小彤回家。

在往後的幾個月,我和小彤的關係也慢慢恢復回往日般親密,每天一起放學、吃飯、溫書。

「好唔好搵一次機會同小彤表白呢?」我心裏想著。

雖然我和小彤的關係已比當年我和小彤的關係進展了不少,但是我卻想和小彤真正經歷一次轟轟烈烈的愛情,畢竟我時日無多,距離我真正要離開這個時空回到現代只剩下兩年多的時間。

當我在課室的走廊外想著時卻有人拍我肩膀,我一轉頭發現是阿明找我。

「喂阿俊,下個月八號係阿欣嘅生日,我哋諗住係阿欣屋企開生日party,有幾個同學都會去,你嚟唔嚟呀?」

「我諗住溫書喎。」我不太喜歡參加這種社交場合。

「小彤都會去喎,你⋯⋯」阿明話還未說完。

「咁我都去!」小彤都會出現,我怎可以不去呢?

「估到你條友㗎啦,到時記得準時出現呀。」阿明叮囑我。

「阿明我有樣嘢想搵你幫手。」我突然想到一個好主意。
2020-10-25 18:56:17
有啦
2020-10-25 18:58:47
多謝快樂巴建議
2020-10-25 18:59:04
有文推一推!
2020-10-25 18:59:13
2020-10-25 19:01:44
得閒督促下我加速出快啲
2020-10-25 19:05:25
2020-10-30 17:06:11
鞭策你
2020-10-30 21:00:01
樓主
2020-10-30 22:46:24
繼續召喚
2020-11-01 16:12:12
54.生日會計劃

「你想我幫你做咩?」

「係咁嘅⋯⋯」我不想讓其他人聽見,所以我偷偷地在阿明耳邊說。

「咩話?你諗住趁今次機會同小彤表白?」阿明驚訝地叫了出來,令到在走廊的其他同學也紛紛看了過來。

「喂,唔好咁大聲啦,陣間小彤聽到就前功盡廢㗎啦。」我急忙掩住阿明的口。

「咁你諗住用咩方法?」阿明問我。

「我仲未諗到呀?你有冇咩好提議?」

「不如到時一於玩真心話大冒險,到時肯定有辦法知道小彤究竟係咪鍾意你,到時你再趁機會同佢表白。」阿明頭頭是道地說。

「得唔得㗎?」一想起當天要和小彤表白心臟就撲通撲通地跳。

「信我啦,話晒我花名都係學界愛因斯坦。」阿明厚著臉皮說。

「最好唔係啲咩屎橋⋯⋯係喎,你記得同阿欣講下先,始終嗰日佢先係主角,費事搶咗佢風頭啦。」

「得啦,一場兄弟⋯⋯我會說服到阿欣幫手㗎啦。」阿明搭著我的肩膀自信滿滿地說。

我和阿明分別後各自回到自己的課室,而小彤也同一時間回來。

「小宇,阿明係咪有搵你去阿欣嘅生日party?」小彤坐在我旁邊問我。

我只顧想著當天表白的流程,一時之間竟然忘記回答小彤。

「喂,小宇我同你講緊嘢呀?」小彤扯一扯我的衣角。

「吓,我會去呀。」我紅著臉不敢看著小彤的臉回答。

「你做咩面都紅曬咁嘅?」小彤用她那雙水汪汪的眼睛注視我。

「冇嘢呀,我熱姐!」我嘗試靜下心來。

「古古怪怪咁嘅⋯⋯」小彤瞇著眼睛看我。

「不如我哋嗰日一齊去啦?」我匆忙轉移視線,不讓小彤再追問下去。

「好啦,橫掂我仲未諗好買咩禮物,咁我哋嗰日早啲出嚟一齊買啦。」

「好。」

轉眼間,阿欣的生日很快就到來,而那天阿明回去也有告知阿欣,幸好阿欣也答應幫我。

「喂,小宇起身啦,陣間食完嘢仲要去買禮物㗎。」小彤早上就打電話過來提醒我,

我睡眼惺忪的從床上爬了起來,經過一番梳洗後就換了一套衛衣和一條長褲出門。

「喂小宇,我到咗啦,你到未呀?」差不多到了一間商場的門口時,小彤打電話給我。

「我見唔到你喎,你喺邊呀?」我視線範圍內仍然看不見小彤的身軀。

突然間一雙柔軟的小手捂住我的眼睛。

「你估下我係邊個?」一聽到這把聲音我就知道是小彤,不過我卻想作弄一下她。

「Kitty?Betty?阿盈?」我故意捏造一些人名出來。

「你講咩話?邊個係kitty?點解我唔知㗎?」小彤的玉手轉為扭著我的耳朵。

「喂痛痛,放手啦彤彤!其實我講笑咋,啲人名係我亂作㗎。」我揉著被小彤摧殘完的耳朵。

小彤今天穿著一件T裇和一條貼身牛仔褲把她苗條的身材顯露無遺。

「你!哼!!」小彤不理會我,自己一個向前走進去商場。

「彤彤你唔好嬲啦。」我跟著小彤不斷地哄著她。

突然小彤眼珠一轉,好像想到了什麼事。

「你想我唔嬲都得,咁下次我生日你都要買禮物俾我。」小彤害羞地說著。

「冇問題呀。」小彤的生日我當然會買禮物啦。

「唔準反口㗎。」小彤伸出尾指,我頓時意會到和她一起勾著。

我從小彤口中得知阿欣喜歡一個熊玩偶,於是我就去買一個熊玩偶,而小彤就買了一些阿欣喜歡吃的零食。

我和小彤吃完午餐後就坐的士到阿欣家。

原來阿欣的家是一幢村屋,而且十分雅致,門前有一個小花園。

「阿俊?原來你都係度呀?」我轉頭一看發現阿晴竟然也來了!
2020-11-01 16:12:43
2020-11-01 16:13:06
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞