[穿越][愛情][校園]重回青春時尋找當年失去的愛情

有文 推一推

請問其實樓主係咪真係好唔得閒，我見有時人地催下你先至出一篇，係咪你近排真係太忙唔想寫我之前見到你都幾日一更，而家情況好似係若果冇人留言，就完全冇文咁……

係，有啲忙不過我得閒會打定少少今晚會出一篇㗎啦

又話昨晚有文嘅？

55.計劃順利進行？

阿晴上前就挽著我的胳膊，變相擠開了小彤，小彤的臉色頓時就沉了下來。

「你做咩喺度嘅？」我輕輕掙脫阿晴的胳膊，小彤的臉色才有所好轉。

「阿明同我講嘅，咁啱我今日又得閒咪嚟玩下囉。」阿晴沒有介意我剛才的動作，笑臉盈盈地回答。

「阿晴！！」一個男生喘著氣跑過來。

「Michael？」我認到這個跑過來的男生正是阿晴之前的追求者Michael，想不到他還沒有放棄。

「點解你又係度㗎？你跟住我？」阿晴生氣地說著，同時臉上一片厭惡之色和Michael 保持著距離。

「唔係呀，阿晴！我係聽到阿明話有生日party又聽到你會出現，所以我先⋯⋯」Michael 還想繼續說的時候卻被阿晴打斷。

「得啦，唔駛再講⋯⋯」

「喂，你哋咁快到齊啦，咁我哋入去啦」此時阿明和阿欣拿著一袋二袋燒烤用品和食物走過來。

我和小彤見他們好像拿得很吃力，所以上前幫他們拿一部分，阿晴和Michael 也各自幫忙拿了一些。

「阿明，點解佢哋會喺度㗎？我嗰計劃會唔會有變數㗎？」我趁進去阿欣屋子的時候跟阿明走到旁邊問他。

「無計啦，之前搵你去party嗰陣唔知係咪俾阿晴定係其他同學聽到，跟住阿晴之後走嚟問我可唔可以嚟，我又唔好意思拒絕佢，跟住Michael又唔知點解走嚟搵我，我咪諗下有埋阿Michael 喺度可能會好啲囉。」阿明有點不好意思。

「咁唯有當多幾個朋友熱鬧啲啦。」我只好接受現實。

我們整個下午都在準備燒烤的食物和用品，打算晚上在阿欣屋子的天台燒烤，不過阿晴經常有意無意接近我令到我和小彤很少有獨處的機會。

「好彩話要去廁所姐，如果唔係真係撇唔甩阿晴。」我趁機會上去天台，果然看見小彤正在忙於整理燒烤的東西，小彤認真時的樣子和她的身材都令我目不轉睛。

「咦，小宇你係度嘅？」小彤發現我沒有回答只是看著她的臉龐而感到一陣害羞。

「傻佬你做咩眼定定咁望住我？」小彤害羞地問我。

「冇呀，你靚呀嘛。」我下意識地回答。

小彤沒有再說話，臉色卻紅紅的繼續做手上的工作。

轉眼間夜幕降臨，我們全部人都在天台上一起燒烤。

「阿俊我想食你燒嘅嗰隻雞翼。」阿晴突然坐在我旁邊。

「阿晴我呢度有⋯⋯」Michael 走過來想把他燒好的那隻雞翼給阿晴。

「行開啦，我淨係想食阿俊燒俾我嘅雞翼咋。」阿晴拒絕了Michael的好意，令到場面霎時間十分尷尬。

我只好勉為其難把燒好的一隻雞翼給阿晴，而小彤剛好看見這個情況，眼中閃過一絲失望，坐在自己的位置一言不發。

「小彤我幫你燒。」我上前從小彤手中拿走小彤的燒烤叉，並且坐在小彤旁邊。

「你唔係燒俾人哋食咩？仲理我做咩？」小彤想把燒烤叉搶回，卻不成功。

「哼！」小彤表面上不在意我幫她燒，嘴角卻被我捕捉到一絲微笑。

我燒好的食物大部分也給小彤吃，小彤才終於不再生氣。

我們之後為阿欣慶祝生日，一起唱生日歌和吃生日蛋糕。

「我哋不如玩個遊戲呀？」在生日蛋糕差不多吃完時阿明問大家，同時也向阿欣打眼色。

「好呀，玩咩？」阿欣假裝不知道配合著他。

「不如玩真心話大冒險好唔好？」

「好呀，咁點玩法。」當我正想配合回答時，意想不到的是小彤竟然也踴躍地答應。

「我哋抽籤，抽到邊個就到嗰個人揀真心話定係大冒險。」阿明解釋著。

「咁樣幾好喎，快啲開始啦。」阿欣興奮地說，其他人也沒有意見，遊戲就正式開始了。

「我抽先，點解係我㗎？」想不到阿明竟然第一輪就抽中自己。

有啦

推下先

加油

好

多謝我睇下聽日有冇時間出啦我都想加速

加速師

又蕩失路

有文啦

56.表白時刻？

「咁你揀真心話定係大冒險？」我問。

「我揀大冒險，冇嘢好驚。」阿明自信滿滿。

看著桌上的一盒朱古力棒我突然想到一個好主意。

「你同阿欣一人含住一邊朱古力棒，跟住要慢慢食晒佢。」既然如此，倒不如也趁此機會幫阿明和阿欣關係更進一步。

「我⋯⋯」阿明卻沒有回答只是看著阿欣。

「阿明你唔係驚下話？食咪食囉。」阿欣雖然口裏裝作不在乎，可是臉蛋卻紅透了，我和小彤都在偷笑著。

阿明拿起一條朱古力棒並含在其中一邊，而阿欣則含在另外一邊，兩個人的嘴唇一邊吃，一邊向中間靠攏，餘下的朱古力棒亦越來越少。

此時我跟小彤打眼色，小彤也偷笑地點著頭，彷彿和我心靈相通知道我在想什麼，反而阿晴眼中卻閃過一絲怨恨。

就在阿明和阿欣即將吃完全條朱古力棒的時候，我和小彤分別站在阿明和阿欣的腦袋後面向前一推。

「啾。」阿明和阿欣的嘴唇瞬間就觸碰在一起，幾秒後卻又立刻分開了。

「我嗰初吻呀！」阿欣不斷用紙巾擦着她的嘴唇，我和小彤笑得不能停下來，阿明尷尬得不知道如何是好。

「你哋兩個！！」阿欣怒視著我和小彤。

阿明之後裝作若無其事繼續抽下一個人，抽中了Michael。

「你揀真心話定係大冒險？」

「我揀真心話。」

「咁我問你啦，你有冇睇過av?」阿明問完後全場的女生害羞得低著頭，阿欣卻掐著阿明腰間，責怪著他為何問這樣的問題。

「我⋯⋯」Michael 看了阿晴一眼「有睇咁又點？」Michael 鼓起勇氣說出來，阿晴的反應卻是一臉噁心。

「無呀，問完啦，到你抽下一個。」阿明忍不往哈哈大笑。

「抽咪抽，抽中你我實玩返你。」Michael 不忿地被人揭穿了秘密，想抽中阿明，豈料他卻抽中他的女神阿晴。

「阿晴，你揀真心話定係大冒險？」Michael 的語氣變得十分溫柔，頓時讓我渾身都不自然。

「我揀大冒險。」

「嗯。」Michael 想了幾分鐘，卻突然自己傻笑。

「你諗到咩就講啦。」阿明有點不耐煩。

「我要阿晴錫在場其中一個男仔一啖。」

「喂你唔好太過分喎！」阿欣不滿Michael 。

「唔緊要阿欣，我接受呢個大冒險。」阿晴卻毫不在意地說，然後就緩步向我和Michael 走過來。

「阿晴肯定揀我啦。」正當Michael得意忘形地以為阿晴會選擇他時，我的臉頰卻感覺到一個冰冷的嘴唇貼上來。

全場對於阿晴的這個舉動鴉雀無聲，小彤的臉容也蒼白起來，而Michael 卻生氣地妒忌著我。

「我哋繼續啦。」阿明試圖緩解著尷尬的氣氛，讓阿晴抽下一個人。

「阿俊我抽中你啦，你想揀真心話定係大冒險？」阿晴抽到我非常興奮。

我想了一下我的計劃，決定選擇大冒險。

「咁樣呀⋯⋯」阿晴一時之間卻好像想不到甚麼主意。

「咁樣啦，阿俊，你揀在場其中一個女仔表白啦。」阿明向我眨著眼睛，我暗暗地向他舉起大拇指。

「吓！」小彤和阿晴異口同聲驚呼，阿欣的反應卻不大，因為她已經知道我們的計劃。

「阿晴你有意見？」阿明怕阿晴不想這樣做，始終她才是有權提出甚麼大冒險的人。

「我⋯⋯冇意見⋯⋯」阿晴緊張地看著我，我心中暗暗地向阿晴說了一聲「對不起！」

「咁阿俊你快啲揀個女仔表白啦！」阿欣催促著我，小彤和阿晴頓時就向她投以奇怪的目光。

「難道她不怕阿俊會對她表白嗎？」我猜測著兩位女生心裡是這樣想著。

「好。」我開始走向阿晴的方向，卻捕捉到小彤的臉容越發蒼白，而阿晴看到我向她走來就滿心歡喜地以挑釁的眼神看向小彤。

此時的我突然轉身走向小彤，並牽起小彤變得冰冷的雙手，小彤彷彿想不到我會改變主意驚訝地看著我。

「小彤，我鍾意⋯⋯」就在此時小彤褲袋的電話卻突然響起來。

推！
阿明真老友

呢啲嘢禮尚往來嘅啫

真

你幫我時我幫下你

妖治巴好耐冇見

如果樓主中學嗰陣都有人幫下就好