福斯的背叛
2020-10-06 19:13:09
50.我的未來?
「阿欣?點解你會喺度嘅?」我截停著那個似曾熟悉的臉孔。
「咦阿俊你又會喺度嘅?」那個似曾熟悉的臉孔正是我的中學同學阿欣。
「點解阿欣會喺度嘅?我明明記得佢同阿明已經移民左。」我心裡有很大的疑惑。
「阿欣點解你會返左嚟香港嘅?你唔係同阿明移民左去英國咩?」我開門見山地問阿欣。
「吓?我哋返嚟香港玩幾日呀嘛,阿明佢話前幾日有打電話同你講,佢冇同你講咩?」阿欣一臉愕然。
「係咩?咁可能我唔記得咗。」我胡亂說一個藉口推搪過去。
「咁阿俊你聽晚得唔得閒?」
「應該得嘅?做咩呀?」
「我同阿明諗住約埋你同小彤四個人出嚟食餐飯囉,我都好耐冇見過佢,又冇左佢電話,睇下你有冇辦法聯絡佢。」阿欣問我小彤的聯絡方式。
「⋯⋯」我頓時呆在原地,因為剛穿越到這個時空的我也不知道小彤的聯絡方式。
「喂!阿俊你唔講嘢嘅?你同小彤發生咗咩事?」阿欣見我神色不對又默不作聲,好奇地問我。
「冇嘢呀,我會同佢講啦。」
「咁就好,一於聽晚七點鐘就係旺角地鐵站等再睇下去食咩。」
「訛稱知己的真太多⋯⋯」突然一段歌聲響起。
「唔好意思,聽個電話先。」原來是阿欣的電話鈴聲。
「喂,你同阿女返咗屋企啦?」
我聽到阿欣跟電話裡的人說,原來阿欣和阿明不單止已經結了婚,還有了一個女兒。
「我同阿明講咗啦,你聽日記得同小彤準時出現呀。」阿欣掛斷了電話後跟我說。
「好。」雖然這一刻我不知道怎樣可以找到小彤,但是也只好答應著阿欣。
阿欣離開後,我的電話也突然響起來,而顯示的來電人名稱是「晴晴」。
「咦,唔通係阿晴?」我腦海裡想著的是我小時候的青梅竹馬阿晴。
「喂!」我接聽了電話。
「喂,小宇哥哥,聽日十點鐘要開股東大會,你記唔記得呀?喂?小宇哥哥你聽唔聽到?」一股嬌弱的聲音傳來,好像在哪裡聽過但是一時之間也想不起來。
「我⋯⋯想問你係邊個?」
「⋯⋯」那邊靜默了一會。
「小宇哥哥你做咩呀?我係晴晴呀,楊芷晴呀。」
「晴晴⋯⋯小宇哥哥⋯⋯你係小彤個女?」我想了一會終於記起那個嬌滴滴的小女孩。
「係呀,你終於記得啦。」晴晴好像很開心。
「你講咩股東大會呀?」
「乜嘢呀?小宇哥哥睇嚟你真係咩都唔記得喎,你而家係上市公司嘅老板,我係你嘅秘書呀。」
「吓?」我不禁有些好笑以我這種性格和沒有甚麼生意頭腦的人也做到上市公司的老闆。
「我有好多嘢想問你,你而家得唔得閒?」
「嗯。」
「咁我而家嚟搵你,你係邊?」我決定找小彤的女兒問清楚,順便知道小彤的近況。
幾經辛苦,我終於到了晴晴跟我說的一個咖啡廳,想不到幾十年過去很多街道變化非常大,剛剛在路途上我也要靠著向途人問路才來到。
「小宇哥哥,我到左啦。」等了十多分鐘後,正當我不耐煩想打電話催促晴晴時卻發現有人叫我。
我一轉頭就看見一個穿著連身裙的短髮女子,看起來十分斯文和青春,身材苗條,輪廓中有八分像小彤的樣子,想來這就是長大後的晴晴。
「估唔到晴晴大個咗之後女大十八變,變到咁靚女。」
「小宇哥哥你真係⋯⋯明明我哋今朝先見完嚟。」晴晴低著頭不敢看我,耳朵卻十分紅潤,害羞時的表現與小彤有異曲同工之妙。
「你坐低先,我有好多嘢問你。」
「哦,原來係咁。」
我從晴晴口中得知原來我五年前成立了一間上市公司,晴晴剛好大學畢業不久,並從網上看見我當時正招聘一個秘書,結果就應徵並成為我的秘書直至現在。
「我想問你媽咪而家點?」我最想知的事情晴晴卻還未說到。
「我媽咪⋯⋯」晴晴說到此卻突然流下眼淚。
福斯的背叛
2020-10-10 23:22:44
51.最後的晚餐
「你媽咪發生咩事?」我看見晴晴落淚,心感不妙。
「冇⋯⋯」晴晴卻拿起桌上的紙巾擦乾眼上的淚痕。
「你係咪有嘢暪住我?」我感覺到晴晴隱瞞著一些事情。
「冇嘢呀。」晴晴仍然不肯說出來。
「你講俾我聽啦。」我一時激動衝上前握緊晴晴的手問。
「你整痛我啦。」我急忙放開晴晴的手,而她的手上亦有剛才我捏著的紅印,令我感到有點不好意思。
「我媽咪真係冇事。」
「係咁就好啦。」雖然晴晴明顯就是在隱瞞著我,可是我也不能勉強晴晴說出來。
「小宇哥哥你搵我媽咪有事?」晴晴眨著可愛的一雙大眼睛問我。
「係咁嘅,我想搵你媽咪聽晚食飯。」我說出我的來意。
「吓,但係之前我媽咪講過唔想見你,同埋佢⋯⋯」晴晴一副欲言又止的樣子。
「同埋乜嘢?」
「我應承左我媽咪唔講得,你唔好逼我啦。」
「唉好啦⋯⋯」
「咁樣啦,我試下同我媽咪講下啦,但係佢未必一定嚟㗎啦。」晴晴見我如此沮喪,提出一個辦法。
「唔緊要啦,你同佢講仲有我哋以前嘅同學阿明同阿欣一齊食飯,叫佢如果嚟嘅話,聽晚七點鐘就去旺角地鐵站啦。」
「好,我會幫你同媽咪講㗎啦。」
「咁唔阻你啦晴晴,小宇哥哥返屋企先啦。」我站起來準備離開。
「小宇哥哥。」在我走之前,晴晴嬌減一聲。
「仲有事?」我疑惑著難道晴晴還有事找我?
「前兩日我同你提過嗰件事,你考慮成點?」晴晴看著地面緊張地說出這句話。
「考慮啲咩?」我的記憶中只保留在我穿越到這個時空後的記憶。
「小宇哥哥你真係⋯⋯算啦冇嘢啦。」晴晴紅著臉跺腳說。
「咁好啦,你記住幫我同你媽咪講。」我揮著手向晴晴道別。
「小宇哥哥真係⋯⋯明明之前我都講到出面。」晴晴感到一陣無奈。
我從晴晴口中得知我住的地方,發現我所住的地方比起前世大了很多。
「哈。」經歷了一天的奔波我打著呵欠,頓時就抱頭大睡在房間的大床上。
翌日早上,我依著晴晴給我的地址到了我的公司開股東大會,就在開完股東大會後,晴晴卻有事找我。
「小宇哥哥,我媽咪話今晚會嚟,到時候我會帶佢嚟。」
「好,唔該晒你呀,晴晴。」我心裡一陣歡喜,終於可以與這個時空的小彤相見。
「晴晴,你同你媽咪喺邊度呀?我到左啦。」我準時在旺角地鐵站等待小彤,而阿明和阿欣則是先行到附近的一間餐廳取位置。
「我哋到咗啦,你望下後面。」晴晴在電話裡說著。
我一轉身就看見晴晴旁邊站著一個美貌的中年女士,依稀有著當年小彤的影子。
「晴晴唔該晒你先,媽咪自己行得啦,你返屋企先啦。」我走過去後,那個中年女人跟晴晴說。
「咁樣呀,好啦,小宇哥哥你要好好照顧我媽咪。」晴晴好像有些擔憂的樣子
「嗯,我會㗎啦。」我奇怪著只是和小彤吃一頓飯,可是晴晴卻表現出十分擔憂。
晴晴離開後,一股尷尬的氣氛彌漫在我和小彤之間。
「小彤⋯⋯」
「小宇⋯⋯」
我和小彤同時開口說話。
「你講先啦。」我讓小彤先說。
「阿欣佢哋約咗係邊間餐廳?」小彤輕輕地說,想不到這麼多年她的聲線還是沒有太大分別。
「我帶你行啦。」我和小彤在走向附近一間的餐廳都默不作聲。
「小彤當年嘅事對唔住呀,你可唔可以原諒我?」在差不多到達餐廳的時候我鼓起勇氣打破沉默。
「我唔明你講咩喎,都過咗咁多年啦。」小彤沒有答應我只顧向前走去。
「小彤你唔原諒我嘅話我就係度跪到聽日。」我向小彤跪了下來。
「呢個男人喺度做咩?」「唔通佢同嗰個女人求婚?」周圍的人議論著。
「小宇你起身先啦。」小彤臉露紅暈地拉著我起來。
「我唔起身,除非你話肯原諒我。」
「唉我原諒你啦,咁你快啲起身啦。」小彤無奈地說著。
「好耶!」我心裏歡呼著,並打算在這個時空和小彤再續前緣,可是事情哪有如此簡單?