[穿越][愛情][校園]重回青春時尋找當年失去的愛情

827 回覆
67 Like 4 Dislike
2020-09-13 13:13:39
46.運動會的回憶

「阿俊,呢條數應該點計好?」我看著阿明WhatsApp 給我的信息。

在往後的日子裡我不是和小彤放學後在圖書館溫書,就是去足球隊練習,而因為我之前和阿明的交易,所以我間中也要教導阿明做數學題目。

然而,這段日子也出現了一個人經常纏繞在阿晴的身邊。

「Michael 你唔好再煩住我啦。」

「咁你放學可唔可以同我一齊食飯?」沒有錯,說這句話的人就是Michael。

Michael 在自從開學後的日子就經常纏著阿晴,聽阿晴說他也是學生會的成員之一。

「阿俊!」被Michael 纏著的阿晴向我跑過來,並挽著我的手臂。

「你係佢邊個?」Michael 隨即跑過來質問我。

「我係佢⋯⋯」正當我想回答的時候,阿晴卻搶先打斷我的說話。

「佢係我男朋友。」阿晴的回答令我驚訝不已。

「你?」Michael 用奇異的眼光打量著我。

此時學校的鐘聲響起,是時候要上課了。

「阿晴我唔會放棄㗎。」Michael 拋下了這句說話後就返回自己的課室。

「阿晴你做乜話我係你嘅⋯⋯」我帶著責怪的語氣。

「咁人哋唔想Michael 纏住我咪唯有借住你過橋先囉。」阿晴說完後露出楚楚可憐的樣子

「唉算啦。」幸好小彤不在附近,要不然就水洗也不清。

在放學的時候,老師提醒了我們一樣事項。

「各位同學,下個禮拜就係學校嘅陸運會,大家填完手頭張報名表之後聽日交番就得,記住起碼要參加一項比賽或者做工作人員。」

老師離開後,我和小彤討論是否參加比賽。

「小宇你會唔會參加?」小彤滿懷期待地看著我。

「嗯⋯⋯」我思量著如何是好,也令我想起當年的回憶⋯⋯
———
「阿俊你真係唔想參加?」小彤見我遲遲沒有報名參加問。

「嗯,係。」

「咁我哋不如一齊去做工作人員。」小彤提議。

「頂,仲諗住嗰日同學校請假係屋企打機添。」當年的我心裡感到可惜。

「好啦。」小彤這樣開口我不好意思拒絕,只好答應。

運動會當天早上,我和小彤一起吃早餐。

「我哋今日要早啲去去幫老師搬⋯⋯,食快少少。」小彤催促著我。

「嗯。」當我們到達運動場時阿晴卻來找我。

她今天是運動裝的穿搭,露出白滑的長腿。

「你做咩着成咁嘅?」

「我⋯⋯」阿晴看一看小彤一眼。

「阿俊咁我去搬野先,你等陣再過嚟。」小彤只好去幫老師忙。

「阿俊我今日報左200米,你到時記得支持我。」阿晴跟我說。

「哦,好啦。」

「咁我去熱身先。」阿晴說完就離開。

於是,我也離開去找小彤。

「喂,小心啲呀,做咩唔搵多個人幫你?」我看見小彤正在吃力地搬運東西。

「你同阿晴講完啦?佢同你講咗啲咩?」

「冇呀,佢話佢參加咗200米,叫我陣間支持佢姐。」

「搬嘢啦。」小彤聽完後沒有太大的反應只叫我幫她。

在運動會即將完結時,小彤和我正在擔任跳遠項目的裁判。

「你係咪張俊宇?」突然有位同學來找我。

「係,你搵我咩事?」

「頭先黃樂晴參加200米嗰陣跌親擦傷左,佢話想搵你。」

「咁樣啊。」我考慮了一陣子。

「好啦,你同佢講我等陣過嚟。」

「小彤啊,阿晴佢好似參加比賽嗰陣整親,我過去睇下佢先。」我小心翼翼地跟小彤說。

「你去啦。」小彤出乎意料很快就回答我。

「你ok?」

「我冇咩事,你快啲去啦!」小彤推著我離開。

我見小彤好像不太介意就匆忙到醫療室發現阿晴手臂果然擦傷了。

「阿俊你可唔可以送我返屋企?」

「吓?」

「我隻手傷左,攞唔到啲嘢。」

「咁樣呀。」我打算看看阿晴若然沒有什麼大礙的話,就回去找小彤。

但是最終因為阿晴的父母曾拜托我在學校時幫忙照顧阿晴,我只好找人幫忙通知小彤,然後就陪阿晴回家了。

———
雖然在那件事之後小彤表面上沒有不開心,但當我和她一起時她每看我拿起電話時都會十分緊張問是誰找我。

「喂。」突然頭部傳來一陣疼痛,原來小彤見我不回答打了我的腦袋一下,同時亦把我從回憶拉回現實。

「我決定好啦,我哋一於參加班際接力啦。」我決定這次就要在運動會和小彤製造一個美好的回憶。

「吓?」
2020-09-13 13:13:58
2020-09-13 13:14:12
2020-09-13 13:14:27
2020-09-13 13:14:38
2020-09-13 13:19:18
推!
2020-09-15 17:59:35
幾時有文
2020-09-15 18:00:26
今晚有,打緊
2020-09-15 18:00:37
2020-09-15 21:12:33
等緊
2020-09-15 22:51:15
47.一場賭博

翌日,我和小彤就遞交了報名表報名參加男女混合班際接力的項目,而聽阿晴說她做了工作人員。

「阿俊你要加油幫我哋班攞個第一翻嚟。」小息的時候阿晴在課室走廊對我說。

「嗯,我會努力。」我口裡雖然這樣說著,心中卻沒有太大的信心。

「阿晴!」突然有個人過來找阿晴。

「乜又係你,都叫你唔好煩住我。」

「我有嘢想搵你,點解你又係度嘅?」來的人正是Michael 。

「佢點解唔可以係度?」阿晴又再一次挽着我的手臂。

「你!」Michael 怒視着我。

「人哋搵你可能真係有事,你聽下佢講咩先啦。」我掙開阿晴挽著的手。

「阿晴啊我想同你講我參加左班際接力,你運動會嗰日⋯⋯。」Michael 帶著懇求的眼光看著阿晴。

「你又有參加?」我驚訝地打斷他說。

「吓你都有?咁就啱啦阿晴你睇下我到時點贏佢。」Michael 拍著胸口說。

「車冇人想知你贏唔贏⋯⋯」阿晴小聲地說。

「哼,阿晴你唔係驚佢輸下話?」Michael 冷笑著。

「邊個會驚??」阿晴反駁。

「既然你唔驚,不如我哋賭一鋪。」Michael突然提議。

「你想賭咩?」

「如果阿俊輸比我,你就要同我食飯。」Michael陰險地笑著。

「咁如果你輸呢?」

「雖然呢件事唔會發生,不過如果我輸嘅話,我唔會再煩住你。」Michael 自信滿滿地說。

「好呀,你最好遵守承諾。」

「喂,阿晴你唔怕我真係會輸?」我偷偷地跟阿晴說。

「唔驚啦,我信你。」

就這樣我只好肩負多一個責任去參加比賽。

在到運動會舉辦之前的一段時間,我和小彤以及班上的另外兩位同學到運動場練習,想不到小彤跑步也算快,我和另外兩位同學也追不上她。

「喂⋯⋯等我一陣。」我喘着氣說。

「你哋咁慢點贏啊?」小彤跟我和另外兩位同學說。

「估唔到你咳⋯⋯跑得咁快⋯⋯」

「緊係啦我平時放假都有做運動呀嘛,唔好講啦繼續練啦。」小彤說完後又準備回到起跑線。

運動會當天,我一大早就和阿明去吃早餐。

「喂你今日參加左咩項目?」我問阿明

「我參加左200米。」

「吓聽講200米好多勁人參加。」

「唉冇計啦,100、400我又麻麻地,我又唔志在上頒獎台嘅。」

「食飽啲陣間加油。」我鼓勵著阿明。

「係呢聽阿欣講你同小彤一齊報班際接力喎。」
阿明用肩膀撞我。

「係啊,想參加下嘛。」

「你以前都唔參加運動會嘅。」阿明奸笑著。

「咪笑我啦你。」

班際接力就在下午的時間舉行,我和小彤以及另外兩位同學吃完午餐就匆忙回到運動場先行熱身。

「陣間我就跑第一棒,你哋兩個跑第二同第三棒,阿俊你就跑第四棒。」小彤正在分配我們接力的區域。

「我去個廁所先。」我感到非常緊張令我的肚子也有點痛。

「你快啲返嚟啊,仲有15分鐘就要集合㗎啦。」小彤叮囑我。

我去廁所如廁完後打算出來時卻仍然感到有些緊張。

「唉如果輸左,小彤一定好失望。」我想起我們在運動會之前總共練了十次有多。

「睇阿晴嘅表現都唔多鍾意Michael ,輸咗佢肯定喊出嚟。」我心中記起阿晴和Michael的賭博。

「喂驚到腳震啊?驚咪唔好參加搵後備頂上囉,不過我就會當阿晴輸咗㗎啦。」突然另一個廁格裡走出一個人正是Michael 。

「我邊有話驚?」

「咁就好,我跑第四棒,希望陣間見到你,同埋睇住你點樣成為我手下敗將。」Michael 說完後就得意洋洋走出去。

「唉點算好呢?跑步唔係我嘅強項,同埋聽隔離班啲人講Michael好似係田徑校隊嚟,又參加過學界,可以點贏佢呢?」

「你喺度諗咩呀?」一把動聽柔弱的聲音打斷了我的思緒。

「天使彤,竟然係你?好耐冇見。」來人正是久別重逢的天使彤。

「你諗緊咩呀?」

我說出我的煩惱給天使彤,突然她拋了一瓶裝著不知名液體的小瓶給我。

「飲左佢啦。」

「咩嚟㗎?」

「飲左佢你就贏到㗎啦,相信我。」

「好。」從我和天使彤生死之交的關係,我相信她不會害我。

喝完之後,感覺我的身體充滿着力量,視野也突然十分清晰。

「舒服好多。咦,天使彤呢?」天使彤轉眼間又消失了。

「最後一次集合,請參加左班際接力嘅同學到A看台前面嘅跑道集合。」我看看手錶原來我已經去了廁所十分鐘。

「大鑊!小彤佢哋肯定好心急。」我匆忙地跑向A看台前的跑道。
2020-09-15 22:51:28
2020-09-15 22:57:58
推正太新文!
2020-09-15 22:58:28
2020-09-15 22:59:10
好心急⋯⋯
2020-09-15 22:59:13
好耐冇見過天使彤
2020-09-15 23:01:12
好有超級學校霸王feel
2020-09-15 23:03:15
睇下可唔可以出翻每日一更
2020-09-15 23:03:34
支持!
2020-09-15 23:04:04
唔鍾意小彤?
2020-09-15 23:04:23
Thanks
2020-09-15 23:04:54
妖治巴都幾懷舊
2020-09-15 23:07:10
Michael:如果阿俊贏到嘅,我食咗張枱佢
2020-09-15 23:11:37
2020-09-17 04:07:18
睇到心都up埋 完全係中學做錯過哂嘅野
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞