P牌說故事
2020-06-17 18:52:47
寫信好像頗特別,我自己也對此感興趣,就嘗試向Janice提出建議吧。
恰好,這天就是我們進行視像通話的日子,於是,我隨即提出要求。
「不如我哋玩啲新嘢,唔好淨係Whatsapp。」我刻意說得有趣點,希望可以吸引她。
「我哋隔咁遠,點樣玩新嘢?」
「你記唔記得古代啲人同朋友分隔兩地嗰時,佢哋會點聯絡?」我沒有直接講出答案,反而循循善誘。
「呃......飛鵨傳書?」畫面中的Janice 認真回答道。
「啱啦啱啦!但唔要飛鵨,咁係啲咩?」忽然間,彼此好像玩遊戲一樣,要猜出正確的答案。
「寫信?」
「Bingo!恭喜你獲得同男朋友互相寫信嘅機會,係咪好想即刻貼郵票,同我展開激情對話呢?」
「等陣先,你意思係想同我做Pen friend?」
「除咗你,乜仲有其他人選咩?」
「咁啊......」她顯得有點遲疑,我擔心追問道:「做咩?你唔想?」
「緊係想啦!我諗緊應該用咩信紙咋,其實我想要個筆友好耐。」她興奮不已。
「咁我哋就由今日開始?但之後我哋就儘量唔好WhatsApp 對方,淨係Facetime。」我謹慎地說,生怕她會拒絕。
「吓?點解要咁?」
我慌張解釋道:「因為咁樣會有神秘感,大家可以期待封信寫咩,成日WhatsApp 就可能會唔小心劇透封信啲內容。」
「你都有道理,可以試下嘅......」Yes!她接受了我的意見,那我就無需經常回覆訊息,可以鬆一口氣。
「咁我寫定你寫先?」我問道。
「一齊寫?」
「好,睇下邊個最快收到。」
就這樣,我成功說服Janice,而下一步需要做的,就是寫信。
不過,我並沒有書寫的信紙,要是以筆記紙張代替,似乎就太隨便......
對了!
我忽發其想,想到可以用明信片書寫,這才有旅行的特色。
為了盡快寄出,我特意乘坐公共交通工具到旅遊專區,並且尋找Janice會喜歡的明信片。
經我細心挑選,最終決定揀選關於海景的明信片,這樣的話,我就可以表示自己對她的愛猶如大海一樣,深不見底。
選購好明信片之後,我匆匆返回宿舍動筆,主要內容都圍繞住自己身處奧克蘭的生活,以及對她的牽掛。
直至我寄出信片,我仍然認為自己充滿誠意,相信Janice一定會對此感到滿意。
而寄出的好幾天,Janice除了告知我寄出了信件給我之外,其餘時間都沒有找我。
雖說這是我所渴望的,但當我完全沒有收到她訊息時,那種感覺不太好,好像缺乏甚麼一樣。
算了,還是不要多想,我應好好收拾心情,準備明天的路試。
//
不知不覺間,今天就是我考路試的重要日子。
正當當我預備出發到試場地點時,就順道查看信箱,怎料,我居然收到一個小型包裹,而非一封信件。
我第一時間便質疑會否送錯地址,然而檢查過後,收件人卻是Janice,她到底寄了甚麼給我呢?
我到底應否拆來看看呢?還是待到考完路試才開啟呢?
可是我的確感到很好奇......
A、即時拆來看
B、考完路試才開啟