［互動故］［夠鐘落堂］《Zoom lesson》

見大家都對帶袋呢一句都有啲誤會
所以想解釋下
其實係因為Janice想神秘咁放本相冊喺男主個袋入面，唔想比佢知，等佢自己翻屋企先發現。

不過可惜男主無帶，所以佢就直接拎比佢

算了，還是回家才看，反正就只是等多一會兒。

「我翻嚟啦，你有冇偷睇張卡先！」她居然洞悉我有意偷看的想法，怎麼我最近都被人看穿心事？

「緊係無啦，翻屋企先睇㗎嘛。」我理直氣壯回應。

「咁又係，你個樣唔似睇咗。」

「但張卡你係一早準備？點解你無主動約我嘅？」她完全沒有表示，我還以為她對這些日子毫無在乎，然而，她卻早就準備好一切。

「我尋晚寫㗎。

其實你話要我攞包裹都估到有啲嘢，因為你屋企人要翻工，所以你自己攞唔會無問題，就算佢哋話你，你都唔會Care。

於是我就估你準備咗啲禮物比我，咁我打算收到之後，就可以叫你上嚟食飯慶祝，只不過，我無諗過你就係禮物。」原來她早已就知道我的策略，幸好我的出其不意同樣能夠令她驚訝。

「仲以為你乜都唔知添。」

「你以為啦，我知你好多嘢㗎。」她得意地說。

「例如？」

「例如你去廁所無廁紙。」她重提舊事。

「夠啦，不要再說了。」

「咁講下意粉，你覺得點樣？」

「好食啊，我同你一齊煮又會唔好食？」

「咁我哋下次再煮！」我注意到，她的用詞為「我們」，那就是意味住，我未來會有更多機會前往她家中。

「好啊。」

燭光晚餐完結沒多久之後，我就返回家中，並沒有逗留太久，主要原因為我實在按捺不住，過於好奇相冊的內容。

未幾，我終於回到家，並且第一時間打開相冊。甫翻開，一張我和Janice 首次的合照就彈跳出來，更有一句大字為一個月拍拖快樂，其餘則為更多我跟她的合照，以及她偷拍我的醜照，每一張相片的旁邊，都有密密麻麻的字跡。

我仔細地細閱她所寫的每字每句，想不到，我居然感動得鼻頭一酸，還好我沒有當場偷看，否則就會被她發現我雙眼泛紅。

最能觸動我心靈的，是以下幾句的說話：「好多謝你無嫌棄過我，一直喺身邊陪住我，我知你呢一個月以嚟都好用心同投入咁陪我去唔同地方，做我想做嘅事，原因就係想我開心，唔好再諗以前嘅事。

多謝你，願意比機會我去改過，肯接受呢一個不完美嘅我，I love you。」我的心意，她全都接收及理解我的用意。

「I love you 3000。」我不自覺地對着相冊說。

除了這句之外，她更偷拍我當時幫助她揉捏麵團的一幕：「認真嘅男人最吸引！」

而她亦有貼上當晚我們在摩天輪上的合照：「因為你，我會好好記住呢一晚，我哋第一次嘅初吻。」

另外，她同樣有拍我當時在卡啦OK房間唱歌的投入表情：「雖然你走音好難聽，但你唱比我嘅歌係全世界最好聽嘅聲音。」

最後，她也有寫了以下字句：「Zoom雖然唔太好用，但佢令我遇上你。」

不知不覺間，原來我們已經經歷這麼多的事，時間看似轉眼消逝，但我倆的感情卻一天比一天堅固。

要是我當時偷看了，我還真想親口對她說聲我愛你，雖然現時錯失良機，只好在訊息簡單表示自己心意。

「我睇咗啦，多謝你。」我總是在適合的時間不懂得去認真表露情感。

「你鐘意就好，我哋以後都要一齊影更多相。」

「我咁靚仔，緊係要影多啲啦。」

自從那天之後，我更加懂得去珍惜她，時間又過了好幾個月。如今，我正打算報名參加明年的交換生活動，幸好我上一個學年的成績還不錯，所以相信有能力進入自己心儀的地方及學校。

而我本人就當然希望可以於外地交流一年，而非只有暑假這些短期時間，同時也好炫耀予家人，可是，假如我離開太久的話，這會影響我和Janice的感情嗎？但我又不想放棄是次機會，我應該如何是好？

A、申請一年交換生計劃
B、申請短期的交換生計劃
C、先與Janice商量此事

C

C

C

c

c

C

C

C

C

C

C

Longd
C

C

C

C

C
得閒彈首歌比Janice

C

C

男豬驚好過啦

C

a啦
結他呢啲嗰邊買咪得

A

A